السلام عليكم ورحمة الله وبركاتة

بخصوص موضوع (بنت_البنات اباج في كلمة راس)

شكراً للمشرفة لأنها حذفت الموضوع لان العضوات ما قصروا طلعوا عن الموضوع وتهربوا من المواجه

كلامي موجه لكل البنات الي ردوا علي
انا ما برد مثل ردكم الي طلع عن الموضوع بتاتاً واتهمتوني بشي اصلا انا ما قلته ولا لمحت له
انا تكلمت عن نقطة طرح موضوع مب جاهز للعرض لان ناقصتنه اشياء وايد
منها الصور والمعلومات وكل شي يعني معقولة التصوير بياخذ شهرين؟؟!!
ليش ما علقتو على الموضوع نفسه بدل ما تتهموني باشياء اصلا ما صارت؟؟؟

في ذمة كل وحده دعت علي البارحة وما كنت ناوية اسامحكم وادعي عليكم
لكن لان نحن بالعشر الآواخر من رمضان بقول وربي يشهد على الي في قلبي اني مسامحه كل وحده غلطت في حقي واتهمتني ودعت علي من غير ذنب
وكل وحده تراجع نفسها. الي دعت علي من غير ذنب لاني ما سبيت احد في هالشهر الفضيل.
واذا انتوا راضين بدعوتكم علي فرب الكون عالم بالنوايا
والدعوة تنرد على صاحبها اذا كانت من غير حق

استغرب يوم تدعون على ناس ما ضروكم ولا تعرضوا لكم بشي
هل الي يقول رايه فيكم بكل صراحة تدعون عليه؟
هل الي يكون مثل المراية جدامج ويواجهج بغلطاتج تدعون عليه؟
مسؤولج في الشغل يوم يوجه لج انذار لتصرف غلط انتي تسوينه تدعين عليه؟
يوم انسان عابر يقولج هذا التصرف غلط والمفروض ما تسوينة تدعين عليه؟
يوم اختج بالاسلام تقولج جدام الكل ترى الي سويته غلط تدعين عليها؟
هذا منتدى عام وللجميع ويوم اخت تبدي برايها لكم تدعون عليها؟

الي اقتبسوا آيات واحاديث من السنة الشريفة اريدهم يقتبسون لي حديث واحد يقول فيه الرسول صلى الله وعليه وسلم بان ندعي على كل انسان نصح او ابدى برايه علناً ونقول له حسبي الله عليك

كل الي قلته ان ليش الاخت تنزل موضوع ناقص من غير هدف واذا الصور ناقصة او مب جاهزة امنو الملزوم يوضح هالشي للعضوات ؟؟؟؟؟؟

جاوبوني ؟؟؟؟؟؟
انا ولا صاحبة الموضوع؟؟؟؟؟

اذا انا نزلت موضوع ناقص مب المفروض اني اوضح او انبه العضوات بان في خلل معين او الصور راح تتاخر مب اطنش الكل وكل شوية ارد على البنات واقولهن شوفوا الخاص ومن هناك ولا في شي في الخاص

*المسافرة*
انتي قلتي نقطة وانا استغربت من كلامج:
اقتباس مشاركة
عيبج الموضوع تابعيه والا خبريها عالخاص يمكن نست الموضوع أساسا لأنها ماشالله تنزل مواضيع وايدة وورا بعض..

يعني انتي مقتنعة بكلامج هذا؟؟؟؟؟؟ معقولة تنسى الموضوع ولا ترد على البنات وترد عليهم وتقول شوفوا الخاص ولا اطرشلهم على الخاص؟؟؟
من الي يتحمل مسؤولية ان لها مواضيع كثيرة؟؟؟ المفروض دام انها مب قادرة ترد على كل مواضيعها. خلاص الحل بان نخفف من عدد المواضيع عشان نعطي كل موضوع حقة

وعلى فكرة شوفي الآي بي مالي ماني خايفة من حد لاني ما غلطت بحق حد

وشكرا اختي حيزبونة وباتشي على ردكم الي كله احترام واسلوب راقي جدا جدا جدا
وياريت نرتقي شوية في ردودنا

واتحدى كل وحده دعت علي بان تقتبس من كلامي الي فوق وتبرر دعوتها علي
اريدكم تقتبسون من كلامي أي جملة سبيتكم فيها او سبيت بنت_البنات او قلت بانها غشاشة او بانها مب امينة او ان اغراضها مب زينة
او أي جملة سبيت فيها كل اخت دعت علي عشان تواجه ربها وتقول ياربي تراني دعيت على فلانة عشان هي قالت عني باني كذا وكذا!!!!

اتقوا الله كيف تدعون على شي انتو عارفين بانكم غلطانين فيه وبدل ما تصححون الغلط يالسين تدعون وطلعتوا عن الموضوع الاساسي

والاخوات الي قالوا بان لي بس 9 مشاركات؟؟؟ شو العيب في هالشي؟؟
هل الي عندها 1000 مشاركة بتكون انسانة عاقلة ولها الحق بإبداء رايها وهي لها الحق بانها تتكلم والي عندها 10 مشاركات تحتقر في المنتدى ولا لها حق بانها تبدي برايها
سبق وان قلت لكم باني اتابع المنتدى من سنة وشوي والمتابع يكون احيانا افضل من المشارك
صحيح ان مشاركاتي 9 او 10 بس قدرت اقول الي انتوا يا صاحبات آلاف المشاركات ما قدرتوا تسونه
كل يوم اشوف مواضيعكم وكل يوم اشوف مشاكلكم وكنتوا تتكلمون عن هذه النقاط بس خايفين تواجهون بعضكم البعض بالحقيقة
خايفين تقولون يا فلانة ترى انتي فيج كذا
وانتي كذا وانتي كذا
ليش ولا وحده فيكم تكلمت بصراحة؟ وانا صراحتي قلتها وانا مرتاحة لاني ما سبيت احد ولا شككت بأمانة أحد
وعشان قلت رايي بكل صراحة دعيتو علي بهالشهر الفضيل من غير ذنب
وهذا هو اسلوبكم الي لاحظته عليكم

وآخر موضوع كان للأخت الجوهرة بسبب موضوع انحذف لها
على طول دخلتوا وطحتوا في المشرفة بانها مب كفوا وووووووووووو وتكلمتوا كلام فضيع
في وحده فيكم قبل لا تبدي برايها عرفت شو هو الموضوع الي تتكلم عنه الاخت الجوهرة؟؟؟!!
هالسؤال موجه لكل وحده ردت على هالموضوع؟ هل عرفتوا شو هو الموضوع الي حذفته المشرفة وابديتوا برايكم وغلطوا على المشرفة؟

من غير ما تجاوبون لان الاجابة معروفة
طبعا لالالالالالالالالالالالالا ما تعرفون شو هو الموضوع
وانا ما رديت على الموضوع لاني ما اعرف شو هو الموضوع الي انحذف فما اقدر ابدي برايي من غير ما اعرف القصة

ولين الحين الموضوع باقي ولا وحده عرفت شو القصة اصلا
فقبل لا تحكمون على الناس اعرفوا شو القصة من الاساس

نحن ربنا كرمنا عن المخلوقات بشي واحد وهو العقل وانعم علينا بالاسلام
فالمفروض نستخدم عقولنا عشان نفكر فيه مب عشان ندعي ونتخذ قرارات عشوائية سريعة عشان فلانة وفلانة ويقولون عنا بان نحن اصحاب مواقف مشهود لها

لا تتحرون كل وحده تقول رايها بهالاسلوب بان من صالحها
وسالفة بنت البنات باني تكلمت عنها لان هالشي لازم يوضح لان في اخت سالتها في موضوعها ولا ردت عليها

المفروض يا فاضلات يا تاجرات  المواضيع يكون لها شروط والي تخالف هالشروط تنحذف مواضيعها ومن اهمها يكون الموضوع جاهز مب اسوي له اعلان قبله بسنة واعشم الناس فيه مليون مرة

مجاملاتكم هذه خلتكم تغلطون في حقوق ناس من غير ما تتاكدون
انا من اول الموضوع اقول الاخوات والاخوات لكن اسمحوا لي بان اقول مافي خوات يدعون على بعض من غير سبب واذا السبب باني قلت ياريت يا فلانة تذكرين سبب تاخير الصور هو سبب كافي بانكم تدعون علي!!!!
انا ما اريد هالاخوة لان هذه مب اخوة اصلا
الاخوة تكون آراء ونقاش واختلاف واتفاق مب دعاوي وحقد ومجاملات كل شوي

الحمدلله على كل حال
اذا موضوعي اصلا اقول فيه بان المواضيع الي مب جاهزة مالها داعي بانها تنطرح لان تسوي لنا زحمة على الفاضي من غير هدف
ونحن ندور على الفايدة
لكن الظاهر المجاملات وايد اثرت على القسم بشكل كبير لدرجة صرنا نجامل اغلاطنا عشان نقنع انفسنا بان نحن صح وغيرنا غلط
والي يواجهنا بحقيقتنا نجتمع كلنا وندعي عليه لان كلنا عارفين نفسنا غلطانين وخايفين تدور الايام ويواجهونا باغلاطنا


وإلي ما قرت الموضوع هذا نص الموضوع تحت الي كتبته البارحة


اقتباس مشاركة
اختي بنت_البنات

انتي نزلتي موضوع من شهرين في تاريخ 28/8/2005 كان عنوانه:
للعرايس الامارات .........................مفاجا ة ......لسرير العروسة

http://forum.hawaaworld.com/showthre...8&page=1&pp=10

وصار له شهرين ولا شفنا شي لين الحين
اذا الموضوع من الاساس مافيه شي
ليش تنزلين موضوع وتقولين بعرض لكم الصور وكل العضوات يتذمرون ويطلبون منج الصور ولا تردين عليهم
المفروض المواضيع الي مثل هذه الي مالها هدف تنحذف لان ما منها فايدة ابداً
بمعني لا فيها صور ولا معلومات ولا شي بس مجرد زحمة في المنتدى
واذا في صور ليش كل البنات يسألونج من شهرين عن الصور ولا تعبرينهم
وهذا الكلام لج ولغيرج الي ينزلون مواضيع من غير هدف
هذا غير سالفة الخاص شو سالفته بعد
كل شي خليتوه في الخاص
الاسعار على الخاص
والصور على الخاص
اشوف وايد مبالغين في السالفة لان الخاص بس للاشياء الخاصة مب لكل لشي
وهذا رد الاخت بنت ابويه الي ملت من الانتظار
اقتباس مشاركة
الرسالة الأصلية كتبت بواسطة بنت ابويه »
ويييين الصور؟؟
لا تقولين عالخاص ليش ما تنزلينهن عالعام والكل يشوف شو الفرق يعني؟؟
الحييين بتوصلج فوق ال 50 رساله عالخاص عشان الكل يبا يشوووف
وبتقعدييين تطرشن حق كل وحده رساله خاااصه
نزليييه عالعام وفكي عمرج
اتمنى تزليييييييييينه عالعام ونشوووووووووووفه
قبل قلت كلمة حق بس للأسف انحذف الموضوع وهو رفع المواضيع من غير سبب
والي لاحظته عقب موضوعي ان رفع المواضيع خفت شوي من قبل الاخوات الي ذكرتهم في الموضوع وهذا شي جيد
حتى المواضيع بدت تاخذ حقها مب مثل قبل
الله يسامحكم ويهديكم
وانا عارفة نفسي اني ما سبيت احد
كل الي سويتة باني ابديت برايي بصراحة
والظاهر الصراحة هذه الايام غلط في حقكم ولازم تدعون على كل كلمة حق تنقال
الظاهر لازم نجامل بعض ونقول للشين تراك حلوو
والحلو تراك شين لانك ما جاملتنا

21-09-1426 هـ, 06:48 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
عندي ملاحظة

في سؤال بسالة لبنت البنات وابا الاجابة من بنت البنات بس يوم بدشين النت ان شاء الله
21-09-1426 هـ, 07:21 مساءً
 
انا ماعندي فكره عن اي شي بس بغيت اقول

الله يهدي الجميع

والسموحه الغاليه
21-09-1426 هـ, 08:19 مساءً
 
شكرا على تجاوبكم
22-09-1426 هـ, 08:29 صباحاً
 
هههههههههههههههههههههههههه والله اننا يا الحريم تحفففففف

دبي موون وسعي صدرج .. ترا الي يحط راسه براس النت يتعبببببببببببببببببببببب ^-^
خذي الي يعيبج و اتركي الي ما يعيبج الغاليه ...

هههههههه ما انكر انج قلتي كل الي في قلبي ... انا اضطريت استلف هاليوزر الا شحته شحاااااته ... من كثر ما ذلوني على سالفة الخاص و انا منينه ابى اشتري كل الي في القسم هههههههه

عاد تصدقين ههههههههه هذي فايدة الخاص ... لو مطرشه ردج عليه جان الحين سلمتي من الدعا .. ما اقول انج تنلامين في كلامج تراه نفس الي في خاطري بس الخاص احسن مثل النصيحه في السر احسن ^-^

يالله عااااد لا تضاربن موب حلوه تراها العشر ... كل واحد يصلح سيارته و كفى الله المؤمنين شر القتال ^-^
22-09-1426 هـ, 08:53 صباحاً
 


الساعة الآن 09:08 .