الكيك يطلع عندي ناجح ولذيذ ومنتفخ بس المشكله بسرعه يحترق في الفرن من الأطراف والقاعده مع إني ألتزم بوصفة الكتاب بالضبط وأضع الحراره 180 ومره وضعتها 165 وأيضا أحترق وأضع زيت ودقيق ورفعت رف الفرن في الوسط والمشكله نفسها تتكرر؟؟ شو أسوي أرجو إللي تعرف حل لهذه المشكله تساعدني لأن حتى أهلي خواتي مستغربين ما تصير عتدهم هالمشكله..
مرحبا اختي ديباجه

اسمحي لي أرد عليج بالنسبة لاحتراق الكيك في عدة عوامل

أولا نوع القالب ... في بعض الانواع من القوالب توصل الحرارة بسرعه ... فتأكدي إذا كان القالب اللي عندج من النوع الثقيل أو الخفيف .. وبعدين اخذيها قاعدة .. دايما حطي الكيك على حرارة واطيه نوعا ما .. حتى لو قالوا لك في الوصفة 180.. ما عليج منهم ... خلي نار الفرن هادية حتى لو تاخذ وقت أطول .. ولا تفتحين الفرن الا بعد نص ساعة أقلاً

ثانيا ... لا تخفقين الكيك وايد بالخلاط ... اخفقي البيض والسكروالمقادير السائلة أول شي ومب وايد .. بعدين ضيفي المقادير الجافة .. ولا تخفقينها مدة طويله عشان العجينة ما تصير سائلة عندج وتحترق بسرعة..

****لله أكون أفدتج وسامحيني عالإطالة
حسبي الله لا إله إلا هو عليه توكلت وهو رب العرش العظيم
اتوقع انج داهنه القالب بكمية زيت او زبده كثيره بالاضافه الى ان فرنك ممكن يكون حار بزياده جربي وطي درجة الحراره عما هو مكتوب وقللي كمية الزيت اللي تدهنين فيها القالب مال الكيل واحسن لج تستعملين قوالب التيفال اللي مضادة للالتصاق
rawnd



للمحاماه والاستشارات القانونية والعقود بدولة الكويت



من مواضيعي


انا بعد عندي نفس المشكلة

لو سمحتووا اخواتي اذا بغينا نحمي الفرن قبل لانحط الكيكة كم دقيقة نخليه
والنار نشغلها على فوق ولاتحتتتتتتت لان ثلاث ارباع الكيك اللي اسويه فاشللللل
الفرن افتحيه على الحار من تبدين تخفقين الكيكة...وحطيها بقالب تيفال اصلي ( الاحمر)..

بعدين اذا احتمى الفرن ارفعي الرف مو للنص الا فوق النص اللي يكون مرتفع فوق درجتين...

وبعدين اخفضي النار وسط او اقل بشوي عشان تطبخ على رواق ولا تحترق الاطراف بسرعة..

طبعا النار تكون من تحت فقط....اذا انتهت الكيكة سكري اللي تحت وافتحي اللي فوق عشان تتحمر وخلاص...

ولا تكثرين من فتح الفرن لان هذا راح يخربها ومايخليها تنتفخ وتنجح...


الساعة الآن 06:37 .