الحل مع ريحة الحمام

السلام عليكم
انا حبيباتي كنت أعاني من ريحة حمام غرفت نومي :(
الله لا يبتلي احد حتى غرفتي عفنت
مع أني أغسل الحمام مرتين بكل أنواع المنظفات ما نفع شئ
تصدقون لمن أروح السوبر ماركت أضيع زوجي ألقاه في
قسم المنظفات و المعطرات ههههههه من قوة الريحه
الين في يوم وأنا أدعك في الأرضية حقت الحمام - الله يكرمكم
أطالع ألقا الكرسي بدون سيليكون أو أي شئ يثبته --- بيتنا جديد
وكمان المغسلة واروح الحمام الثاني اللي بدون ريحه ألقاه فيه سيليكون
قلت بس يالله يا بنت حطي عباتك على رأسك وركض على الكهربائي
واجيب 3 علب سيليكون الواحد ب 5 ريال أمريكي و أخذت الجهاز حقها
شكله مثل المسدس أظن ب 10 أو 8 ريال ناسيه
واشتغل على الأماكن الفارغة و أملاها
وبس
والله يا بنات لا عاد فيه لا ريحه ولا شئ الحمد لله
حتى زوجي يقولي هاتي رأسك يا شيخه فكيتينا :kissa:
وأختي نفس مشكلتي قالها السباك ب 3 ريال جبس و عبيها تروح
وراحت الريحه عندها باستخدام الجبس
أن شاء الله أكون فدتكم ولو بشي بسيط :)