السلام عليكم شلونكم عساكم بخير ان شاء الله صحتكم ميه ميه وكلكم نشاط وحيويه
ومبارك عليكم الشهر مقدما


انا عندي 3 أشياء الي هي :- عتب - فكره - طبق بدون مقادير وطريقه


نبدي بالعتب على قولة المثل بدو الشينه قبل الزينه صراحة يا عزيزاتي وايد وايد أتضايق لما أشوف طبق منكم وطريقته سهله وشكله حلو إذا كان فيه صور وإذا ييت أبي أشوف المقادير أحزن صراحة وأشتد غضبا والسبب إنه العضوه الي كاتبه الطبق كاتبه المقادير بالشكل هذا ( بصل / ثوم / بقدونس / رز ....... إلخ ) أوكي يا إختي يا بنت الحلال حددي المقادير مو تيين وتقولين المقادير على حسب أفراد الأسره إنتي حددي شكثر حطيتي وإحنا نقلل ونزيد على كيفنا وعلشان ترضين ضميرج قولي هالطبق تقريبا حق 4 أو 5 أشخاص وانتو زيدو الكميه أو قللوها على حسب عدد أفراد إسرتكم ترى اللهم الملح والبهارات ومو دايما هي الي ما يتحدد لها مقدار بلييييز حددو المقادير


الحين بقولكم عن الفكره وطبعا أكيد في منكم نفس فكرتي والفكره مثلا انا اليوم بخاطري أسوي لزانيا أكتب بالبحث في عالم حواء لزانيا وطبعا تطلع مئات الطرق منها أختار إلي دخلو مزاجي لحد هني عادي والفكره هي من فلانه آخذ حمسة اللحم أو كشنة اللحم ومن فلانة آخذ طريقة البشاميل يعني ممكن فلانه كاتبه اللزانيا بس طريقة حمسة اللحم مالتها مو ذاك الزود بس طريقتها بالبشاميل حلوه فآخذ طريقتها بس بالبشاميل


وأخيرا أقول كأني أشوفكم تقولون بقلوبكم فكه خفه وراحه لا لا لا أدري ما تقولون وأخيرا
طبق بدون مقادير وطريقه طبعا بديهيا ما يصير ما يدخل العقل المقصد إنه ما راح أكتب لا مقاديره ولا طريقته لأنه بإختصار هو من إسمه بتعرفون المقادير والطريقه وهو سمبوسة المسقعه



وطبعا بما إنه البيديان مقلي والسمبوسه راح تنقلي وإنتي وشطارتح وطريقتج ممكن يا إنج تسوين حمسة المسقعه وبعدين تشخلينها من الزيت علشان كل الزيت يروح أو البيديان بدال ما تقلينه تحطينه بالفرن وتحطينه بعدين مع حمسة اللحم وتحشين السمبوسة أو ممكن السمبوسه تحطينها بالفرن أو بالمقلاة الي ما تحتاج الا كفشة زيت


أدري صج هذرت وايد بس أتمنى تكون هذرتي بلسم للجروح ومفيدة للقلب والشرايين

نبدي بالعتب على قولة المثل بدو الشينه قبل الزينه صراحة يا عزيزاتي وايد وايد أتضايق لما أشوف طبق منكم وطريقته سهله وشكله حلو إذا كان فيه صور وإذا ييت أبي أشوف المقادير أحزن صراحة وأشتد غضبا والسبب إنه العضوه الي كاتبه الطبق كاتبه المقادير بالشكل هذا ( بصل / ثوم / بقدونس / رز ....... إلخ ) أوكي يا إختي يا بنت الحلال حددي المقادير مو تيين وتقولين المقادير على حسب أفراد الأسره إنتي حددي شكثر حطيتي وإحنا نقلل ونزيد على كيفنا وعلشان ترضين ضميرج قولي هالطبق تقريبا حق 4 أو 5 أشخاص وانتو زيدو الكميه أو قللوها على حسب عدد أفراد إسرتكم ترى اللهم الملح والبهارات ومو دايما هي الي ما يتحدد لها مقدار بلييييز حددو المقادير


هالنقطة بالذااات اذا تحمست اطبخ شي جديد وانا في أشددد الحماس واسوي بحث عن اللي بسويه
والاقي هالطريقة أهوون عن الطبخ كلللللللله

الله يعطيك العافية على الموضوع الجمييل ..
مندوبه لأفون وارويفليوم ..
شقاوة لووووولي <===== وشهد شاهد من أهلها إيه والله وإنتي الصاجه مو بس تهونين عن الطبخ تكرهين عمرج إنج ضيعتي وقتج

مشكوره حبيبتي على الرد
فعلا كلامك 100%
ربي اهديني
اللهم اني اسالك الانس بقربك
ام فنتش وانتي وجودج حلو 100% مشكوره


الساعة الآن 11:54 .