طيب ليش ماتجربي تطبخي من كتاب النخبه مقاديره تجيك مزبوطه واذاماعندك أكتبي في قوقل مثلا السينبون من كتاب النخبه ويطلع لك
14-08-1434 هـ, 10:51 صباحاً
 
لا تشيلين هم ولاتكبرين الموضوع ،،، واغلب البنات تزوجوا مايعرفون ،، وتعلمو ،، وانا منهم ،، اول ماتزوجت حتى البيضة مااعرف اسلقهااا ،، والان الحمد لله الكل يشيد بطبخي ،، وصرت ماهرة وصار الطبخ بالنسبة لي هواية ،،،اول مرة كنت احاول واخرب الطبخة ،، وانفشل من زوجي واتحطم ،،، وارجع للاكل العادي كبسة عادية وشكشوكة خخخخ ،، بس بعدين ارجع اجرب واجرب ،،، وداااايم ادخل قسم الطبخ هنا ما اغيره ،، لين تعلمت وصرت طباخة يشار اليها بالبنان ☺،،،
طلبتي عجينه سينبون وانا فناااانة بالسينبون واخواتى دايم يطلبوني اسوي لهم سينبون ،، وماياخذ مني عشر دقايق ،،، سهل علي وتعودت عليه
بكتب لك بالتفصيل الممل
العجينة : بالخلاط الجك ( ك حليب سائل - ربع ك ماء - ربع ك زيت - م خميرة - نص م بكنج بودر - بيضة - نص م صغيرة فانيلا - رشة ملح ) اخلطيههههههم ،،، وبعدين بزبدية كبيرة حطي ٢ ك وربع دقيق كويتي ( او الفينو) - ٣ م حليب بودره واخلطيهم بيدك ،،، بعدين صبي اللي بالخلاط على الدقيق واعجني بيدك ،،، وخلي جنبك ربع كوب دقيق ،،، وواعجني واضيفي شوي دقيق واعجني واضيفي شوي دقيق ،،يمكن تخلصين ربع كوب الدقيق ،،لين تصير عجينة ليييييينة تلصق بيدك شو بس ،،يعني تكون متماسكة بس شوي تلصق ،،غطيها وخليها تخمر نص ساعة،، في هذا الوقت جهزي الصوص وجهز المكان اللي بتفردين عليه العجين ،، واطحني السكر والقرفة ،، بصراحة انا احطه بالنظر بس تقريبا ملعقتين قرفة وثلاث ملاعق سكر بودرة اخلطيهم مع بعض ،،واذا خلصت النص ساعة اقسمي العجينه نصين ،، ( انا ما اقسمها بس اسهل لك )،،، رشي على المكان اللي بتفردين عليه العجين ،،رشي دقيق كثييييير لان لو مارشيتي راح تلصق العجينة عالرخام وبتكرهين الساعة اللي فكرتي تسوين فيها سينبون ،،،خاصة ان العجينة تلصق شوي ،،، افردي العجينة بيدك خليها طووووويل وابدي افردي لين يصير شكلها مستطيل ،،، خليها يمكن بسمك نص سم ،، لاتفردينهااا مررررة رقيقة تطلع لك يابسة تقرمش ،،، ولا تخليها سميكة ،،، بامكانك تقينها عشان تصير شكلها مستكيل تماما لكن انا نا اقصها ،،، ادهنيها بزبدة سايلة ،،، ولاتدهنين الاطراف ،، ( انا ما ادهنها استعني عن الزبدة ) رشي السكر والقرفة ،، ولاترشين على الطرف اللي بتفقلين العجينة عنده ،،، لو رشيت عليه ولفيتها ماراح تقفل ولا تلصق ببعض ،،رشي السكر والقرفة بمنخل صغير ،،، وابدي لفي ولا تشددددين وانتى تلفين لان العجينة راح يتضاعف حجمها ،، خليها فضفاضة شوي ،،، ولفي واذا وصلتي للاخير قفليها،، يعني لصقيها باللفة ،،وقطعيها بالسكين كل قطعة ثلاث سم ،، وصفي القطع بصينية مدهونة بزيت ،،،وخلي مسافة بينهن لانها راح يكبر حجمها ،، ونفس الشي للكورة العجين الثاني ،،،وخليها تخمر مرة ثانية لمدة ربع ساعة ،، وبعدين دخليها الفرن لمدة ١٢ دقيقة ،، حمري الوجهه شوووووية بس ،،وطلعيها من الفرن غطيها بصحن كبيررر عشان تصير طرررية ،،،بعدين صبي عليها الصوص ورشة لوز ،... كتبت لك بالتفصيل
تدرين بقوم اسوية الان خخخخخ
14-08-1434 هـ, 03:17 مساءً
 
يعطيكم العافيه والله أنكم ما تقصروا الماسه والله يوفقك دنيا وآخره 
14-08-1434 هـ, 05:30 مساءً
 
. انصحك فيه ،، انتى وكل البنات ،، جدا لزيز وطري ،،،وخلص بسرعة وانا اكلت رغم اني مسوية رجيم
14-08-1434 هـ, 11:16 مساءً
 
شوفي حبيبتي في اساسيات الطبخ لازم تتطبق واول ماتبدئي توكلي على واستعيني به انه يوفقك عندك على اليوتيوب منال العالم تعمل معجنات سهله وواضحه واطباق رئيسيه تابعيها والله كل شئ عملته من طريقتها نتيجته ناجحه بس اهم شئ نفس المقادير وخليكي واثقه من نفسك ربي يوفقك...
15-08-1434 هـ, 02:30 صباحاً
 


الساعة الآن 08:09 .