الله يوفقك ويعينك ربي ان شاءالله
حاولى يااختى تفرزين سمبوسة بحشوات تحبونها وممكن تسوين اللقيمات نصها بر افيد لكم ولها
والحلا سوى الكاسترد وحطية بعلب ام غطاء وبيجلس سليم مابينشف وبعد خففية عشان مايثقل جدا
والمهلبية والكريم كراميل يعنىىى ان شاءالله كلكم تحبونها
وممكن تسوين جريش والا شوي عصيدة مع شوربة والا مرق وجهزى من الليل اغلب طبخك وغسلي مواعينك اول باول
واستخدمى صحون بلاستيك تساعدك
وموفقه يارب
17-08-1434 هـ, 05:26 مساءً
 
الله يجزاك خير
17-08-1434 هـ, 05:29 مساءً
 
انا احس سو لها طبق خاص بها جريش او اي شي بتحبه وخلي وحده من خواتك تساعدك ترى يعتبر افطار صايم خلي الكل يتعاون عليه ويتسابق خواتك وبناتها وينهم الله المستعاان
17-08-1434 هـ, 05:35 مساءً
 
الله يجزاك خير
17-08-1434 هـ, 05:44 مساءً
 
أشكركم خواتي كلهم .. وبارك الله فيكم ....

استفدت منكم امور جميلة ....

بس نسيت اقول لكم ملاحظة .. انا وحيدة بالمدينة هذي ومالي غير زوجي وطفلي وعمتي ام زوجي بس ...

واهلي بعاد عني وازورهم شهر مرة ...

اتمنى نشترك معاها بسفرة وحدة لكن هي ما ترضى ( لسبب اعرفة ... ما تقدر تغسل المواعين ... ولا تخليني انا اغسله )

ولا ترضى تروح بيتنا تفطر ... ( كل الامهااات لاحظوا ما يحبون يطلعون من بيوتهم )

هي من النوع اللي اكلهاااا محدود ولازم يكون كامل الدسم لو خفيف او سكر بديل ترفضه الله يصلحهاا ومثل كل الامهااات تعتبره ماصخ ....


الاشياء اللي استفدتها من الموضوع هذا ... بشكل ملخص ...

استخدام الاواني البلاستيكية اثناء اعداد الطعام والطبخ اوفر وقت ع نفسي في الغسيل والتنظيف ...

طبخ اللحم والدجاج مع بعض اثناء السلق ثم افصل لكل شخص ...

بالنسبة للحشوات ... بسوي لها بطاط او خضار او تونة ... وكنت ناسية التونة تماما ..

الكبب اما لحم او بطاطا بحشوة لحم او تونة ...

وراح احاول اسوي الحلو من الليل بس للاسف نوعين ... لان زوجي ما يحب الا بالكاكاو ولا ياكل الشياء الثانية ... الا ما ندر جدااا

وهي العكس الله يحفظهم ...


أشكركم جزيل الشكر ومازلت انتظر اي فكرة مساعدة ...

السنة اللي فاتت ... كنت اسوي وارسل لهااا او نروح نفطر عندهااا ... وكانت تقتنع لان عندها شغالة تغسل المواعين .. بس هالسنة ...

رافضة وجود شغالة مع ان ضروري ... كونها وحيدة ..

ورافضة تروح بيت حد .. من عيالهاااا ..
17-08-1434 هـ, 10:19 مساءً
 


الساعة الآن 09:12 .