هلا والله بخواتي.....
اليوم بعرض لكم تكا شنو ؟؟؟ ((الدجاج)) زهقتوا صح؟؟؟بس الي عندي بالبيت
تخصصه دجاج وبيض

تكا الدجاج
مقاديره:
صدور نصف دجاجه مخليه من العظم والجلد.
مقادير التتبيله:
3 فصوص ثوم مدقوقه
5 ملاعق طعام صلصه الصويا
رشه من الأجينموتو
قليل من الفلفل الأسود
قليل من الفلفل الأحمر ( مو وايد تصير سالفه بعدين)
رشه من مطري اللحم
قليل من مسحوق الكزبره المجففه
(رشه من مسحوق الاعشاب العطريه مثل الزعتر البري) إختياري
3 ملاعق اكل عصير ليمون
ولا تنسون الملح آخر شي (ليش) لان صلصله الصويا مملحه اصلا
الطريقه:
تغسل الصدور و تقطع الي قطع ليست بالصغيره جدا
تتبلل بالمقادير أعلاه لمده ليله كامله علما كلما زادت المده زادت النكهه
تشك في اسياخ خشبيه ويمكن اضافه قطع من الطماطم والفلفل الرومي البارد والمشروم مع قطع الدجاج...ثم تشوى في صينيه غير قابله للاتصاق ممسوحه بزيت الذره على النار( بالعربي ما يحتاج لفحم ولا شواي بره)
يقدم مع الخبز وسلطه الفتوش

مشكوووووووووووو ووورة
والله يسلم هالايادي الحلوة
تسلمين الغاليه
بس ممكن اسويه باللحم
لان اللي عندي مايآكل دجاج
ننتظر الأكل الحلو منج يالغاليه
تسلمين لي om_s_aliومشكوووووره على ردج
وبخصوص طلبج انتي ياوردتنا..يصيير مع اللحم ليش لا بس التتبيله رح
تكون غير... هي عباره عن: بصل مبشور
ليمون اسود مجفف مدقوق من غير البذور الي داخله طبعا.
عصير ليمون.
ملح وفلفل اسود
واتمنى ان شاء الله يعجبج
مشكوره الغاليه على الرد السريع
وجزاج الله خير
اول ماأسويه ارد عليج
تسلم ايدج


الساعة الآن 05:47 .