تطبيقي لكيكة التفاح الخياليه من منتدى عالم حواء

السلام عليكم تطبيقي لكيكة التفاح الخياليه للاسف نسيت اسم الاخت اللي صلحتها معليش السموحه منها والله يحرم ايدينها عن النار يارب
فعلاً خياليه وطعمها يجنن وسهلة مره
المقادير
4بيضات +ملعقة صغيره فانيليا
كاس حليب سايل انا استخدمت 3ملاعق نيدو كبيره مذوبه بكاسة مويه
2ملعقه كبيره بكينج باودر
كاسين ونصف طحين الكويتي
نصف كاس زيت
كاس وربع سكر
مقادير الزينه
نصف كاس نشا
كاس سكر بودره
فنجان حليب سايل
رشه بسيطه فانيليا
حشوة الكيكه
تفاحتين كبار مبشوره
ملعقتين دارسين بودره
ملعقة اكل سكر بودره

الطريقه

خلطت بالخلاط البيض والفانيليا مع السكر بعدين ضفت الزيت والحليب كلهم مع بعض في نفس الوقت لحد ماحسيت ان السكرذاب

بعدين ضفت الطحين والخميره واخلط على سرعه متوسطه لدقيقه وحده بس مواكثر
صبيها في صينيه مدهونه بالزيت

طريقة الحشوه
اخلطي المقادير وانثريها ع وجه الكيكه ودخليها الفرن ع350
بعد ماتستوي وهي ساخنه ادهنيها بمربى المشمش

بالنسبه للزينه ضربت المقادير بالخلاط حتى تصير متماسكه شوي
بعد ماتبرد الكيكه تمام صبي الزينه عليها بشكل خطوط بالقمع اوالملعقه