من تجاربي في الحل***** والترحال-

اخواتي العزيزات اليوم بحل ضيفة عندكم --في منتدي التجارب والحلول

عند كم حل --لبعض الامور---لعل الله ينفعكم بها--كما انتفعت منها شخصيا

1/ عندك سفره--سياحيه فيها رحلات طويله----او انت عروس ومسافره لاول مره

مع عريسك---وساكنين في فندق---غرفه وحمام--قبل السفر اجمعي كل سراويلك ---

القديمه الي ناويه اصلا التخلص منهم--طبعا اغلبنا نتخلص من ملابسنا الداخليه

احيانا بعد ان يبهت اللون--او يجي موديل جديد --او حتي فساقه--وتبذير--

وهالامر ايضا يجري علي جلابيتك وبناطيلك وبلايزك الي ما تبينهم--هالملابس

بتلبسينهم تحت العباية محد بيشوفها--ولما تردين الفندق ارميهم--وهكذا--وبجذيه

كسبت الوقت --وكسبتي مكان في الشنطه للهدايا--والعروس بالذات ما تقعد--

تغسل وتنشر بالفندق--وتترك ملابسها الجديده عندما تتواجد في الغرفه--فقط

وهالنقطه تفيد امهات الاطفال ايضا لكن بالعكس فالبيجامات القديمه عندك--لبسيها

داخل غرفة الفندق--ووقبل الرجوع لارض الوطن تخلصي منها-- وهكذا صدنا

عصفورين بحجر--

(2) في حالة سفر خادمتك---او في حالة سفرك وساكنه شقه--ومضره تطبخين

وهالطريقه --مفيده جدا وعمليه للموظفات--والعرايس--وهي مسالة حشو العيش

الرز---وقد فادتني جدا في رمضان--اعمل الحشو --كميه كبيره--واقسمها حسب

احتياجي--في قصدير او اكياس نايلون--صغيره واحطها بالفريزر--واذا خلص العيش

احطه علي وجههه واغطيه--ومن بخار العيش بيسخن --وكانك عاملته طازه-

(3) اشتهيتي--كاباتشينو--وما عندك الخلطه--اعملي للطواريء--الكاباتشينو

المطور لاحدي الاخوات في المنتدي--وقسميه في اكياس--كل وجبه--او مقدار

في كيس--ويكفي تقريبا 4 اكواب قهوه كاباتشينو--وحتي ينفع للرحلات في السفر-

فالف شكر لصاحبة الخلطه--

(4) ورق العنب من الاطباق المطلوبه في كل وقت اعمليها--واطبخيها-- صفيها من

السائل وصفيها في ماعون خاص للفريزر--وعند الرغبه اخرجيها ربع ساعه برا

ثم --اعملي لها حمام بخار--يعني ماء يغلي وفوقه مصفاه الرز ثم ورق العنب

وبيطلع لك لذيذ وطازه كانك--توك مسويته--طبعا اعملي الصوص-وسخنيه--

وصبيه عليه--وذوقي الطعم--- الله اكبر-

(5) مللت من صمت زوجك---وانت تقرقين وتثرثرين--وكل اخبالك واسرارك

قلتيها--وعمك اصمخ--ولا حياة لمن تنادي--الا من همهمات او اجابات مختصره بنعم

ولا--وهذي النصيحه للعرايس الجدد--لان ( مشوارهم طويييييييييييييييييييييييييييييييل)

لان الرجل يا عزيزتي--كائن صامت --محب للصمت والغموض--اذا ما الحل؟

عليك اخيتي بالصمت وهو سلاح مضاد فعال جدا جدا خطير ومجرب ايضا--نعم

اصمتي طبعا مو دايم لاني ادري ما تقدرين--في قليبك حجوة تقرقع ودك تقولينها

صح؟ احيانا اصمتي --وبتلقينه--من نفسه تكلم وساعتها اذكريني--لانه ب يستغرب

وش هالصمت اللي نزل عليك فجاة وبيحاول باي طريقه يعرف--وطبعا سوف تكسرين بهالطريقه حدة صمته--وهو وده يعرف المقرر اليومي والنشره اليوميه الي تقولينها له مجانا دون تعب---واللي صار اليوم --ومن جا ومن راح--والاحداث العربيه والعالميه اللي حضرتك تصكين راسه فيها يوميا---جربي هالطريقه--

تراها فعاله جدا-

(6) نصيحة وعن تجربه--للعروس الجديده والعرايس الديناصورات مثلي--اياك --ثم اياك تقولين امك قالت --اختك قالت--تري ابغض ما علي الرجال ان تقولين عن
اهله اي كلمه--بالعكس --يا حلوهم ويا زينهم ويا حليلهم--ونيسين ويهبلون--
ويا ليتك متاخر شوي--استانست معاهم وانتي ما تبين الا فرقاهم--وبذلك تكسبين اقوي

حليف في حالة خلافك--معاهم--الا وهو زوجك--ان كيدهن عظيم--واياك تنقدين زوجك امامهم --لانهم في وقتما بيوغرون قلبه عليك--لانه في الاول والخير ولدهم
وانت الغريبه-

(7) العروس الجديده والقديمه--دائما وابدا ادعي ربك ربنا لا تجعل في قلوبنا غلا

للذين امنوا---بتلقينك سبحان الله تحبينهم وتودينهم---بفضل هالدعاء

وحاولي عزيزتي تهدين امه باستمرار--حتي من ابو اميه او ابو رياليين--والله

ان للهديه مفعول السحر---وعاميها كما تعاملين امك--وبتشوفين النتيجه التي- تسعدك وتسعد زوجك-

عزيزاتي تعبت --وهذا اللي عندي حاليا واذا طري علي شي بكمل لكم --

عسي اني كنت ضيفه خفيفه عليكم--والسلام---ختتتتتتتتتتتتتتتتتتتتتتتتتتتتتتتتتتتااام