تجربتي مع عملية شد البطن

السلام عليكم ورحمة الله وبركاته

راح اكتب تجربتي في العملية عشان الكل يستفيد وما يحوسون زي بصراحه تعبت وانا أدور في النت
المهم اول شئ انا الحمد لله عندي 3 أطفال رضا من الله وما افكر أجيب ثاني بعد بنتي الأخيرة بطني كبرت وصار شكلها يفشل وصرت اتفشل البس ملابس ضيقه صارت كل ملابسي فضفاضة حتى في البيت
دورت على دكتور كويس وتعبت الين لقيت اسمين كثير يمدحوها البنات الدكتور ممدوح عشي ومازن فتياني
رحت لعيادة د ممدوح والكشفيه كانت ب 500 بصراحه مررررررا ما عجبني الدكتور مستعجل وحتى ما فحصنوها كويس وعلى طول حولنى للدكتورة تغذيه عنده عشان تكسير الدهون رحت للدكتوره وفهمتها اني ما أبغى أخفف في حجم البطن ابغاهااااااااا تروح رجعتنى عنده تاني وقلتله أبغى العملية خلاص انا مقتنعه فيها قالي خلاص نزيل 10 كيلو وتعالي بصراحه نرفزني وقلتله طيب حوالي كم العملية قال من 40 الى 50 الف وقفل الكلام المهم انا فكرت أروح للدكتور الثاني الي هوا مازن فتياني مالقيت حجز عنده الا بعد 3 اشهر وقالولي فيه دكتور فايز ممتاز وسمعته كويسه المهم اخدت موعد معاه دكتور لبناني محترم وصريح فحصني كويس وشرحلي كل شئ عن العملية واستمرت الله وقررت أعملها عنده
العمليه سويتها يوم الاربعاء الحمد لله في مستشفى بن لادن طبعا الطاقم هناك مررررا ممتاز والمستشفى ممتازة اهتمام ونظافه
كلفتني العمليه 24 الف بكل شئ ماعدا التحاليل سويتها برا
وزني كان 75 وطولي 156
الدكتور شدلي البطن وعملي غرزتين من الجانبين عشان الخصر لان ماعندي وشد شويه عضلات البطن وعملي شفط دهون بسيط من الخواصر
الألم محتمل والجرح صح أطول من العمليات القيصرية يعنى من الجنب للجنب بس مع الليزر يخف الأثر كثير على كلام الدكتور والناس الي جربو
انا الحين لابسه المشد وبصراحة النتيجة مررررررررا عجبتني بطنى لاصق حيل وحتى خفت يلعب في شكل السرة لقيتها تمام
المشد حكوا لابسته شهر
المستشفى قعدت فيها يومين والدكتور يجئ كل يوم يشيك عليا
انا حبيت الكل يستفيد والي عندها أي استفسار انا حاضرة وأدعو لي يابنات ربي يتمملي على خير