خدامتي مضربة عن العمل

مرحبا بنات

طلبتكم ابي نصايحكم بخصوص خدامتي الفلبينية حسبي الله ونعم الوكيل فيها
طبعا هي من جاتني وهي من تكلم اهلها تسوي لي مشكلة في البيت مادري شيقولون لها
ويحرضونها وتتغير 180درجة ولا تحترم وتهاوش بنتي الصغيرة (11 سنة)

من يومين ما شفتها الا تقول مدام انا ابي اتصل حق عيالي لانه اليوم عيد ميلادهم وشريت لها
بطاقات اتصال وخليتها تتصل, بس من صوتها كان واضح انها تشتكي وحالتها حالة
المهم خلصت المكالمة الا تقول خلاص ودوني السفارة انا ابي اسافر الفلبين وهي ما كملت الا 9 شهور بس
والمفروض طبعا تقعد عندي سنتين حسب العقد.

المهم في اليوم اللي بعده خذيتها مكتب الاستقدام عشان يكلمونها ويفهمونها انه ما يصير تسافر لانه
ما كملت المدة وقالو لها اذا مصرة وتبين تروحين دفعي حق مدام المبلغ اللي دفعته عشان تجيبك من الفلبين
انا دافعة 850 دينار يعني 8500 ريال حرام اخسرهم بصراحة:icon33:

المهم هي كانت مصرة على رايها وتهدد انها بتشتكي قالو لها اشتكي لانه مالك حق لاني ما ضريتها في شي
ورواتبها مدفوعين بالكامل وموفرة لها كل شي وشقتي صغيرة بس غرفتين وصالة ومطبخ ومافي الا انا وبناتي
الثنتين 14 و 11 سنة

الحين هي رجعت معاي الشقة من امس وهي في الحجرة ما سوت ولا شي بس جالسة ورافضة انها تشتغل
وانا احاتي رمضان لاني اشتغل وخايفة على بناتي منها ومو عارفة شلون اتصرف معاها

البارحة رجعت كلمتها وقلت لها اعتبريني مثل اختك وقولي لي ليش تبين تروحين تقول بس مافي سبب
مع انه ما في بيني وبينها شي والله العظيم بس قلت لها يمكن احنا مضايقينك في شي فأنا اعتذر لك عني وعن بناتي وكبر راسها زيادة وقامت تقول لا اسافر يعني اسافر


وحسبي الله ونعم الوكيل ربي يكفيني شرها