Analysis Services
صباح الورد لكل حواء

أخواتي أكيد مستغربين من العنوان بجدوالله أول مره أجرب (صلصة الصويا الحلوه )

زهقت من صلصلة الطماطم وودي أطور من أطباقي

المهم عندي سؤالين ؟ وأبيكم تساعدوني لاني حامل وماأبي أوقف في المطبخ كثير

كل رمضان أسوي أطباق شعبيه نفس الوالده الله يحفظها لي

لكن بما أني حامل بخفف على نفسي كثير

بديت بفرزنت (السمبوسه ) باللحم المفروم التقليدي والجبن بالبقدونس أمس ولله الحمد

وراح أسوي (لقيمات القاضي) الجاهزه أخف علي من خلطاتي المعتاده

وا(لتشريب ) اللي يحبها زوجي هي الوجبه الرئيسيه أسويه مرقته في الليل وطبعا الخبز جاهز

وا(لمعكرونه ) أسوي الخلطه في الليل و يبقى بس سلقها قبل المغرب بنص ساعه

و(الشوربة) راح أسوي كريمة الدجاج سريعة التحضير بدل الشعيريه بالدجاج والشوفان اللي تاخذ مني وقت

وجلي حمضيات أوتوت وعصير سان كويك او فيمتوو

خلاص تعتبر سفرتي كامله


طبعا فيه أشياء لغيتها مثل جريش وفطاير وخلية النحل والشعيريه وكريمه كراميل ووغيرها



المهم الكلام اللي كتبته فوووق علشان يستفيدون الحوامل وأي أستفسار أنا حاضر


بس عندي سؤالين مهمين جدا اللي عندها خبره بالطبخ تفيدني أو اللي طبخها نفس طبخي ومجربه هالاشياء تقولي

ولكم دعوة من قلب


انا بسوي شوربة سريعة التحضير اللي تاخذ عشر دقايق

بطبخ معه صدر دجاج مقطع صغار

السؤال

كيف أطبخ الدجاج بروح علشان أخلطها مع الشوربه السريعه وأقدمها ؟

وتكون ناضجه وتنوكل بسرعه وكأني طابختها مع الشوربه


السؤال اللي جاب لي الصداع والتوتر

أبي أحل هالمشكله مع صلصة الصويا لاني أول مره أجربها بحياتي

البارحه بالليل

قلت بجهز خلطة الدجاج وبكرا (قصدها اليوم) على فكره بنات أنا صايمه ومقدر أذوق الخلطه الحين لووو نبي نعدلها



المهم


سويت طريقه نفس طريقتي المعتاده بس غيرت بدال صلصة الطماطم الى صويا
وطريقتي تشبه طريقة وحده من العضوات (ناسيه أسمها والله) بس هي حاطة قطع دجاج صغير وأناوسط بعضمها وجلدها


تخيلو طريقتي معاي وعدلوووها لي



معكرونه بصلصة الصويا الحلوووه



المقادير والطريقه


حطيت شوية زيت وبصل وشرايح طوليه فلفل أخضر بارد وجزر وفاصوليا (يــاليتني ماحطيت فاصوليا)

المهم تشوحو وذبلووو عدل

وحطيت فوقهم قطع دجاج متوسط اللى صغير بعضمه وجلده

وحركتهم زين مازين

ورشيت عليهم كمون وبهارات ومكعب ماجي

بعدها صبيت بيالة صلصلة الصويا ؟؟؟؟؟؟؟ قبل كنت أحط نص علبة معجون صلصل ويعطي طعم بس مليت


وخليته على نار هاديه بعدها نشف وأضفت كوب ماء

وتركته على نار هاديه بس أحس الدجاج مـــــــــــــــــــــــــــا أستوى أو شبة أستواء ليه مدري

السؤال
أضيف ملح أو مكعب ماجي على الصويا ولا لا ؟ لاني حطيت ماء
شلون أخلي الدجاجه تستوي حيل
وهل ممكن أضيف صلصة الطماطم ولى ماينفع صويا ومعجون طماطم


اليوم راح أسلق المعكرونه الحلزونيه وأضيفها عليه مع الكزبره والبقدونس

وأقدمها للحبيب
29-08-1434 هـ, 09:00 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
طبعا خلطة قطع الدجاج بالصويا حاطتها في الثلاجه حاليا

شوي أطلعها وأضيف عليها المعكرونه المسلوقه


ناطره أضافاتكم وتعديلاتكم للطبخه وتفكون لي هالأزمه ؟؟؟؟؟
29-08-1434 هـ, 09:19 صباحاً
 
رفع ماعندي علم انا مثلك مااعرف استخداماتها
29-08-1434 هـ, 10:12 صباحاً
 
حبيت اعلق على نقطة الشوربات الجاهزة ترا مررره مو صحية
وانت حامل وبحاجة لغذاء سليم اكثر من حاجتك للراحة
شوفي ياقلبي شوربة الشوفان او الكويكر مررره سهلة وكا تاخذ وقت
انا اكون مجهزه التكشين ( البصل والطماط والبهارات ) قبلها بوقت كل اربع ايام اسوي مره واحطها بالثلاجة بعلبة قزاز
اصير بس احط كم ملعقة من الكشنه وعود دارسين وليمون اسود وصدور دجاج مكعبات ( اذا تبغي بسرعة ) واحط الشوفان والموية الحارة واخليها على النار
عشر دقايق بالكثير ربع ساعة وهي جاهزة ومن الذ ما يكون وقبل اقدمها اعصر عليها ليمونه صفراء وتطلع ممتازة وسريعة وصحية
29-08-1434 هـ, 11:27 صباحاً
 
صباح النووور وكل عام وانتي بخير

بالنسبه للشوربه ماهي معقوله 30 يوم بتسوي من الشوربه الجاهزه واصلا الشوفان له قدسيته برمضان والتنويع لابد منه وترى بالعكس كل حوسة شوربة الشوفان تاخذ منك نص ساعه بالكثير ليش مستصعبتها

انا بقولك طريقتي ومقاديري وطبعا لشخصين او 3 حمسي نص بصله مع 2 فص ثوم مهروس بشوية زيت اول مايشقر حطي 2 حبة هيل 2 عود قرنفل نص عود دارسين وحبة لومي ومكعب ماجي وملعقه صغيره حقة الشاي كمون مطحون وملعقتين اكل معجون طماط وطماطه مطحونه وحركيهم لين يختلطوا عدل ويتسبكوا يمكن دقيقه وضيفي مويه مغليه 6 اكواب وسط او 5 وعلى طول حطي 3 ملاعق اكل شوفان بدون طحن ولاتذويب وحركي بالملعقه دقيقه وحطي الشعيريه بالدجاج ووطي النار لاخر شي سكري القدر وخليها 20 دقيقه ولاتحطي ملح الماجي يكفي وبس بالعافيه

وبالنسبه للدجاج اذا بتطبخيه مع الشوربه الجاهزه لازم يكون مسلوق من قبل مش نيء يعني تجيبي صدور دجاج وتنظفيهم عدل بالخل والملح واغسليهم واسلقيهم بماء مغلي مع بهارات وماجي واذا استوى خلاص صفيه من الماء وفتتيه بالحجم اللي يعجبك واذا جيتي تسوي الشوربه حطيه معها على طول هي ماتاخذ 10 دقايق

والصويا صوص ابدا ماتحل مكان اي مكون بالطبخ وخاصه الطماطم او صلصة الطماط لانها منكه وتعطي تمازج وطعم غريب اوما انك تحطي منها بيالة على الطبخه ماينفع ابدا ابدا هي تنحط بكميات قليله للنكهه

وطريقتك فيها شوية اخطاء

حمسي نص بصله و2 فص ثوم مهروس بشوي زيت ثم حطي الفلفل الرومي وخليه شوي يذبل وحطي بعدها طماطه مقطعه وحركي شوي وحطي معجون طماط ملعقتين وبهاراتك والماجي واذا تسبكوا حطي دجاج مقطع صغير ومسلوق من قبل بدون لاتبهرينه يعني بس سلق بمويه وملح ويفضل بدون عظم وجلد وقطعيه مكعبات او كيفك الموهم مسلوق وضيفي عليه جزر مبشور وشويه صويا صوص واذا تحبي ضيفي كزبره مفرومه ناعم شي راجعلك وبس بلا ماء ولاشي واخلطيه مع المكرونه او صفي طبقات براحتك


اتمنى اكون افدتك وجاوبت على اسئلتك واخيرا الله يكون بعونك ويعينك على صيامه وقيامه ..
29-08-1434 هـ, 12:00 مساءً
 


الساعة الآن 06:51 .