Analysis Services
هلا بنات
السلام عليكم ورحمه الله وبركاته


اخواتي في الله مالي الا الله ثم انتم ابي مشورتكم وارائكم
با المشروع

صديقتي موظفه طلبت مني مشاركتها بمشروع وطلبت مني اختار اما مشغل او نادي صحي
وانا قلت النادي افضل بكثير لان حينا مافيه ولا نادي
وهي تقول بالدمام لكن انا اشوف الخبر يكون الاقبال عليه اكثر
انتم ايش تشوفون مكان مناسب للنادي واذا بالدمام وين مثلا
انتظررررررررررر
ارائكم ومشورتكم
كم تكلفت المشروع وهل البلديه توافق ولالا وايش شروط الترخيص ونوع العاملات واذا كانو المدربات سعوديات افضل والا اجنبيات فلبينيات ووو
ومن وين تلقى سعوديات مدربات وكم تكلفة المشروع
وهل في ممول يساعد مثل باب رزق اوغيرة وماشروطه
تكفوووووووووووووون سااااعدوني
الله يجزاكم خيرررررررررررر

ياليت تساعدوني بأفكار ومقترحات اشياء تتمني تضاف للأنديه الرياضيه واشياء ودك تكون مو موجوده

ياليت اي وحده اشتركت بأي نادي رياضي تجاوب على استفساراتي
1) كم سعر الاشتراك الشهري؟ وهل تعتبريه رقم مبالغ به او فعلا مناسب
2) ماهو الوقت اللي تفضلين ويناسبك تروحي تدربي بالنادي
3) وش هو الشي اللي مايعجبك بالنوادي ودك تغيريه
4) والشي اللي ودك يكون موجود بالنادي
5) هل هناك جنسية مدربة رياضيه تفضليها عن غيرها

واللي ما أشتركت ماهو المانع اللي وقف بينك وبين الدخول للنادي من عيوب

واذا حابه تضيفي اي شي آخر هلا بك
05-09-1434 هـ, 01:32 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلام عليكم ورحمة الله و بركاته

سبق و اشتركت في نادي رياضي و الآن أفكر إذا أرجع أشترك أو لا

) كم سعر الاشتراك الشهري؟ وهل تعتبريه رقم مبالغ به او فعلا مناسب
سعر الاشتراك كان 3 أيام في الأسبوع بـ 350 ريال - كل أيام الأسبوع من السبت للخميس 450 ريال + 100 ريال مواصلات وتوصل إلى 150 ريال في البداية المبلغ عادي لكن مع الاستمرار لعدة أشهر يرهق الميزانية و يبقى لك انتي حرية اختيار المبلغ المناسب للخدمات التي تقدمينها
2) ماهو الوقت اللي تفضلين ويناسبك تروحي تدربي بالنادي
بالنسبة لي أرتاح أكثر للصباح و كل ما كان أبكر كان أفضل ، لكن يوجد معلمات و طالبات أكيد بيفضلون المساء العصر أو المغرب و العشاء فالأفضل لو بتحددي وقت الدوام بيكون في الصباح ثلاث ساعات على الأقل أو ساعتين و نص و المساء من بعد العصر لحد الساعة اللي تناسبك من الليل 9 أو 10
3) وش هو الشي اللي مايعجبك بالنوادي ودك تغيريه
النادي كان فيه مسبح بس ما عجبني لأن تصميم المسبح نفسه مخصص للفلل و ليس للأندية ، أيضاً ما كان فيه انتظام في المواعيد و هذا أهم شيء خاصة لو الواحدة بتجيب مواصلات على حسابها و ما تقدر تنتظر أخيراً الأجهزة كانت محدودة بما أنها في غرفة صغيرة لكن أفضل يكون عدد أكبر من الأجهزة بالذات جهاز السير و توجد مدربة متخصصة للاشراف على الأجهزة و تعلم كيفية استخدامها
4) والشي اللي ودك يكون موجود بالنادي
هذي بيختلفون فيها كثير ، كان نفسي بدل المسبح يكون فيه ملعب كرة السلة أو كرة القدم حيث يخفى عليك أن مثل هذه الرياضات إلى جانب تمرين الجسم كله فيها من المرح ما يحفزك للتدرب و اللعب أيضاً لا تحتاج إلى ملابس خاصة بها كالسباحة مما يجعلها أفضل و أريح برأيي
5) هل هناك جنسية مدربة رياضيه تفضليها عن غيرها
لا يوجد لقلة خبرتي و تجربتي لكن كاقتراح بما أنك في الشرقية إذا لم تجدي مدربات سعوديات لم لا تبحثين عن مدربات خليجيات قد توفقين لتجدي مدربة مناسبة

أتمنى لك التوفيق في مشروعك و ربي يسخرلك و ييسر أمورك
في أمان الله
05-09-1434 هـ, 06:32 مساءً
 
جزاكي الله خير وشكرا لمرورك 
اتمنى اجد اراء ومشاركات اكثرا او رفع الموضوع
06-09-1434 هـ, 03:39 صباحاً
 
انا مشتركه بنادي كيرفز
الاسعار مو متذكرتها بضبط لان في رسوم اشتراك ندفع مره وحده بعدين رسوم لمده 3 شهور او سنه
وبنسبه لهم اشتراكهم مقبول نوعا ما
نادي امريكي وله فروع بكل مكان
عن نفسي اشوف نوادي في المشاغل مو شي كثير من قريباتي يشتركون ماشوف في نتيجه
يا يكون نادي معروف او تابع لمستشفى مثل نادي المانع او كيرفز او الابر صينيه
وكيرفز كان فاتح في مشغل بس البلديه قفلته لان من شروطه فتح النوادي يكون في مستشفى
في تشدد على نوادي مره شفت المفتش البلديه موجود علشان يدخل يفتش النادي
06-09-1434 هـ, 03:59 صباحاً
 
يعني ممنوع فتح نادي الا في مستشفى
طيب والنوادي المنتشرة اللي نشوفها شلون جابو الترخيص 
اللي تعرف تعلمنا بنات تكفوووون
وشكرا ريماس لمرورك العطر
بس ماشرتي علي بالدمام والا الخبر واي مكان انسب
06-09-1434 هـ, 12:21 مساءً
 


الساعة الآن 11:09 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏