Analysis Services
لا اله الا الله
12-09-1434 هـ, 09:05 صباحاً
 
الله يسعدكم ويرزقكم ويفرج همكم
14-09-1434 هـ, 09:38 مساءً
 
شوفي حبيبتي الخميرة تطلع ريحتها لانك تحطين العجينة في مكان دافي تتخمر مثل الفرن


غلط

خلي العجينة تتخمر في الغرفة العادية

لان لما يكتبون بكتب الطبخ حطي العجينة بمكان دافي الكتاب مكتوب اصلا باللغة الانجليزية ومترجم

عندهم هناك جليد لازم تحطين العجينة بمكان دافي عشان تخمر

اما عندنا درجة الحرارة ٣٠ممتازة للتخمير

لو خمرتيها بمكان دافي مثل الفرن هذا السبب



كذلك كثرة العجن غلط اعجني شوي لاتكثرين تلك معك العجينة ترى

انا اخمر العجينة بنص مقدار الدقيق ويصير قوامها مثل الكيك ولا تخمرت اعجن معها باقي الدقيق
14-09-1434 هـ, 09:47 مساءً
 
وبعدين ياغالية لاتهلكين نفسك بالعجين دامك ماتضبطينه

سوي اطباق التوست ياكثرها بالنت

وعليك بالعجائن الجاهزة مثل السبرنج رول
البف باستري
الجلاش
تراها سهله وتضبط وتريح

وعندك قاعده بيتزا جاهزة من السنبلة لو تشترينها في السوبر ماركت وتحطين بس عليها
الصوص والموزاريلا وخلاص

لاتهلكين نفسك بالعجين تراه مرض

تعودي عليه بشويش عقب رمضان لين تضبطينه
14-09-1434 هـ, 09:50 مساءً
 
اما بالنسبة لان عجينك قاسية
شكلي الفطاير وخليها تتخمر بعد التشكيل ربع ساعة يعني لاتدخلينها الفرن على طول
اولا سخني الفرن
ثانيا بعد ما يسخن مضبوط

دخلي الفطاير وقصري نار الفرن

ولا تطولين سبع دقايق وسكري تراها تستوي بسرعة


خلاص استوت غطيها بقصدير عشان تصير طريه

ترى الهواء هو يجففها
14-09-1434 هـ, 09:53 مساءً
 


الساعة الآن 01:38 .