علاقتك انت و زوجك بعد انجاب اول بيبي

الحمل والإنجاب

السلام عليكم ورحمة الله وبركاته

اخواتي الاعزاء اود ان اطرح عليكن موضوعا كثيرا ما يشغل بالي و ياخذ حيذا كبيرا من تفكيري الا وهو علاقتك انت و زوجك بعد انجاب اول بيبي .....:icon28:

و اعني هنا كل نواحي العلاقه من حيث اهتمامك بزوجك و اهتمامك ببيتك و اهتمامك بنفسك و الاهم علاقتك الحميمه مع زوجك.....:39:

هل تتغيرون كثيرا؟؟؟؟للاحسن ام للاوحش؟؟؟
هل تشعرين بحزن ام بسعاده لاجل هذا التغيير؟؟؟؟
هل يتسنى لكما انت و زوجك وقت للمناغاه كما في السابق ؟؟؟؟
هل تستمتعي بعلاقتك الحميمه معه مثل سابق؟؟؟؟و كم من الوقت استغرقتي لتعودي كما كنت قبل الحمل ؟؟؟؟هل الولاده اثرت على متعتك او على متعه زوجك؟؟؟؟؟
كيف سيطرتي على الموضوع اثناء الرضاعه ؟؟؟؟اي اثناء العلاقه !!!!!:D

باختصار اريد ان اعرف كل شئ بعد ان عدتي للمنزل انت و طفلك .....
اعرف اني طولتها و لكن القلق يكاد يفتك براسي حيث انني في خلال ايام ان شاء الله ساصبح اما حديثه لاول بيبي ......:icon28:

ارجوكن لا تهملوا موضوعي هذا لنني في امس الحاجه لان اعرف الى اي مدى تسير الامور ....:icon33:

و جزاكن الله كل خير
56
40K

يلزم عليك تسجيل الدخول أولًا لكتابة تعليق.

تسجيل دخول

Wafrah
Wafrah
السلام عليكم،،
اختي عطر الشموع موضوعج حلو ان شاء الله ننطر تفاعل الامهات علشان نستفيد لاني من الي يحاتون الوضع الجديد هيهيهي :D
عطر الشموع
عطر الشموع
عزيزتي وافره اشكرك لانضمامك لموضوعي و تابعي معنا لنتوصل لافضل الحلول ان شاء الله و ياريت يا بنات ماتنسوناش
ريسفربدون تلفزيون
بصراحه موضوعك خطير خاصه لأمهات سنه اولى الي مثلي
بنات اسعفونا؟
حنين قطر
حنين قطر
مرحبا إختي عطر الشموع ، موضوع حلو ، وصرت أفكر فيه وااايد ، أفكر شلون أوفق بين زوجي وبيتي وشغلي والبيبي الي في الطريق ..
الله يعين .. وأتمنى تكون للأحسن ..
من تجارب كثير قبلي ، يقولون أنهم مايحبون أول بيبي ، طبعا غريب هالشي ، شلون ماحبه وهو قطعه مني ؟؟ هم يقولون لأن البيبي يقيدهم ، بس لازم احنا نتأقلم على هالشي ..
حتى بدايه الزواج تقيد ؟ طبعا فرق كبير بين العزوبيه والزواج ، أتوقع الوحده منا راح تتأقلم غصب لما تنحط في هالموقف ، وكل شي بدايته صعب ..
أنا أحاتي وايد ، لأن الوالده الله يخليها لنا ، تعبانه وتمشي بعكاز :icon33: ، يعني ماراح تقدر تنفسني ، صج إن أم زوجي ماراح تقصر ، بس الأم غير :(
أحس شعوري بكون صعب من البدايه ... وأتمنى أتأقلم ، والله معانا
آسفه طولت عليكم .. وبانتظار الي جربوا
بنـــوته
بنـــوته
اتمنى اني اقدر اجاوبكم على تساؤولاتكم

انا ام جديده مثل مايقولون توني والده من خمس شهور

طبعا بعد النفاس حنيت ايدي ورجلي ورحت الصالون سويت بديكير ومانيكير وسويت شعري وقبل كل هذا حفيت طبعا وشريت لي ملابس جديده اكشخ فيهم...

طبعا اهم شئ ترجعين له وانتي عروس .....

بالنسبه عقب الولاده والخياطه كنت دا متخوفه من اول علاقه حميمه بتكون مع زوجي

مادري هالاحساس الكل يحس فيه ولا انا غير حسيت اني بنت!!

المهم طبعا وجود طفل في حياتكم هذا بحد ذاته مسؤوليه كبيرررررره

ماكنت حاطه في بالي اني بتعب هالكثر... شوفي على حسب اللي عندها حد يسااعدها هذا يهون الامر عليها

تدرووون البيبي الصغير دوم نايم .... ومن الافظل تخلينه ينام على راحته ومحد يوقضه انا كانو اهل زوجي طول النهار يخلونه صاحي غصب وكل مانام المسكين وقضوه

المهم هالشئ تعبني لانه كان يخترب رقاده...

طبعا زوجك بيكون في شده الشوق لج ولطفلج بس طبعااااا لج اكثر :)

وطبعا الولاده ابد ماتاثر على متعتج او حتى متعة زوجج انتي بتحسين بالفرق بعد االخياطه وبعد الاربعين... المنطقه بتصير ضيقه ولاتتخيلين انها بتتوسع ......انا كنت افتكر كذا

وانا انصحج اذا كنتي تبين علاقه حميمه مثل قبل وبوقت اطول .... لازم تخلين طفلج صاحي مثلا

من بعد العشاء يعني حاولي تشبعينه نوم قبل وخليه صاح من بعد العشاء لين وت نومج انتي ووزوجج نوميه قبل لايجي زوجج عشان يصير عندج وقت تتزينين له وطبعاااا تكونين مجهزه ملابسج وعدة الكشخه من قبل عشان توفرين الوقت عليج....

انا بصراحه كنت اعطي ولدي قبل لاارقده سنوت ونعناع واحط في المرضاعه حبة قند اعتقد السنوت هو الينسون...

وكان يريحه وايد وينااااام ...

بالنسبه للرضاعه هالئ الوحده ماتقدر تتحكم فيه ماتقدرين تتحكمين في الحليب لان شئ طبيعي احيان ينزل الحليب من الصدر اثناء العلاقه ..... انا ماجربت لانه الحليب نشف من صدري

من قله التغذيه لاني عقب ماجيت بيت اهل زوجي ماكنت اكل ولافي اهتمام مثل اهتمام هلي طبعا

واذا ماتغذيتي ينشف الحليب عشان كذا لازم تاكلين وتشربين سوائل وايد

اهم شئ في الاربعين تربيطين بطنج بغتره حمره عشان ينشد وان شاء الله ماتخلصين الاربعين الا وهو مشدود

لازم الوحده تنسق وقتها لكل شئ للطفلوللزوج ولنفسها طبعا وان شاء الله بتستمتع مثل قبل واحسن بس اهم شئ مايحس الزوج ان هالطفل اللي جا سلب اهتمام زوجته منه مهما كان...بعد الزوج له حق وواجب

والله يسعد الجميع يارب