لوسمحتم ابغي طريقة عمل مكرونه بالبشاميل بس ابغي كل وحده تكتب طريقتها الخاصه

اعتقد حبيبتى المكرونة بالبشاميل طرقها محدودة اوى

بتجيبى اللحمة المفرومة وتحمرى بصلة فى الزيت وتحطى عليها اللحمة وتقلبيها كويس لحد ما تنزل مية وتشربها وطبعا تتبليها بملح وفلفل و بهار
ولو محتاجة سوا اكتر تزيدى شوية مية

وبعدين تسلقى المكرونة

وتحضرى البشاميل
تضعى 3 معالق دقيق (طحين) كبار وتضعى زيت لحد ما يتكون خليط سائل وتقلبه على النار لمدة 5 دقائق وبعدين تضيفى لتر او اقل من الحيب وتقلبى باستمرار الى ان يغلظ القوام ويغلى وطبعا تضيفى ملح

وعند تجهيز الصينية تضعى بيضة على البشاميل وتقلبيها وشوية فلفل اسود وتحطى طبقة من البشاميل فى ارضية الصينية وتضيفى نصف مقدار المكرونة وتحطى اللحمة المفرومة ثم الطبقة الثانية من المكرونة وتغطى الوجه بالبشاميل
وممكن تضيفة بيضه مخفوقة على الوجه لكى يحمر وتضعيها فى فرن متوسط الحرارة لمدة نصف ساعة او اى ان يحمر الوجه


الساعة الآن 05:43 .