في الرياض روحي الهزازي اول شي موجود في طريق الامام. اسالي اي احد يدلك عليه محل كبير دورين وفيه كل شي عشان ما تتعبين. لا تشرين كل شي مره وحده لا. خلي اول يوم لوازم القهوه والشاي فقط. يعني الزمزميات الاباريق حافظات السكر واشاي والهيل وصوانيهم وحق التمر وحق الفطاير للتقديم. فهمتي علي يعني كل شي يخصهم من الالف الى الياء. وارجعي البيت ورتبيهم واشتري مقاضيهم من السوبر ماركت وثاني يوم زيني قهوه وقدمي معها تمر وشاي ونعناع مع مكسرات وفطاير لزوجك. وانبسطوا وسووها افتتاحيه المطبخ. وشوفي لونقص شي سجليه بورقه. وبعد بيومين روحي جيبي اشياء للكبسه والايدام بس. ومري السوبرماركت وجيبي اغراضها من دجاج وخضار وحافضات ثلاجه. وزي ما قلنا ثاني يوم سوي كبسه او رز ابيض ويدام واحتفلي انتي وزوجك باول طبخ وانبسطي. وسجلي الناقص. بعدها باسبوع روحي جيبي اغراض العجين والفطاير. وكذا. شوي شوي عشان تفهمين وش عندك ووش بيكون مكانه وما تحتاسين. الله ييسر لك امورك. ويجعلك في عين زوجك دانه.
رررررفع
استغفر الله العظيم واتوب اليه
http://forum.hawaaworld.com/showthread.php?t=4009537
الله يوفقهم يارب هذا اهم شي
انا توني متزوجه وكنت شايله هم مثلك لاني موظفه بس الحمدلله تتسهل الامور مع الايام

اهم شي بالنسبه لي فرن كهربائي للصواني
فرامة طعام تختصر الوقت بدل تقطيع البصل والثوم والخضار ..
اللي عندي ماركة black & decker خلاط وفرامه وفيها شفرات لتقطيع الخضار بعدة اشكال
طقم قدور تيفال بعدة احجام
صواني بايركس للفرن بعدة احجام
قوالب للكيك والكب كيك


انا دايم اسوي صواني بالفرن واشياء سريعه لاني ارجع متأخره من الدوام ولا يمديني اخذ راحتي

مكرونه بالبشميل .. صينية شاورما .. صينية توست بالبرجر والكريمه .. مكرونه حمرا باللحم المفروم .. فوتشيني
اندومي بالنقانق والذره .. اسباجيتي بكرات الدجاج او اللحم .. ستيك لحم مشوي مع بطاطس مقلي وصلصة المشروم
مكرونة البيتزا .. دجاج بالفرن .. صينية بطاطس مقلي مع دجاج تندوري بالصوص الابيض (كريمة خفق وجبن ومايونيز)
بيتزا بالبف باستري (في قالب التارت بدل عجينة البيتزا استخدم بف باستري وعليه حشوة البيتزا)

الرز اسويه مره بالاسبوع ..

واخذ منتجات نبيل لذيذه وتفك ازمه ..
دجاج شاورما متبل وجاهز يجي قطعه وحده كبيره انتي تقطعينه حسب الرغبه
ودجاج تندوري روووعه وصدور دجاج متبله واشياء كذا
اللحم المفروم او الدجاج او الستيك اطلعه الصبح في روحتي للدوام واخليه بالثلاجه يفك عنه الثلج على راحته

الشوربات احيانا اسويها .. شوربة عدس .. شوربة مشروم .. شوربة شوفان بالخضار ومرات استخدم الشوربات الجاهزه

فيه اشياء ممكن تجهزينها من الليل مثل صوص البشميل .. حشوة اللحم المفروم
انتي مع الايام بتعرفين تنظمين الوقت ..

اما بالنسبه اذا غدا او عشا هالشي راجع لك انتي وزوجك ..

دخلي قسم الاطباق الساخنه واخذي الوصفات السهله وحطيها بملف
واذا تبين ملفي من تجميعي ارسلي لي بالخاص ..
الله يسعدكم بنات


الساعة الآن 06:18 .