حلو الفواكه

بتجيبي بكيتين بسكوت شاي مطحون وزبده بتفركيهم مع بعض وبتضغطيهم بصينية التشيز كيك بعدين بطنجره بتحطي كاستين حليب وملعقتين نشا وبتحركيهم بالخفاقه لما يجمد شوي بتحطي بيضتين ونص كاسة سكر وملعقة فانيلا صغيره وبتحركي لما يسمك بعدين بتحطيه فوق البسكوت وبدخليه الفرن ربع ساعه ... بعدين بتجيبي علبة فواكه بتشيلي المي تعتها بتحطيها عالنار مع معلقة نشا لما تصير سميكه بعدين بتطلعيها من الفرن وبتصفي الفواكه عليها وبديري مية الفواكه مع النشا على الوجه بالتساوي وبتحطيها بالتلاجه وصحه وهنا



الوصفة التانية قوالب البطاطا المشوية





بتغسلي البطاطا كتير منيح و بتسلقيها ل 5 دقايق بمي وملح لا تخليها تستوي ولا تخليها قاسيه كتير ...بس تشيليها عن النار وتبرد بتفركيها بزيت زيتون وملح وفلفل اسود ... بتحطيها بصينيه وعالفرن بتحطي بالنص وبتشغلي الفرن من فوق بتخليها تقريبا ساعه وربع بس بضلك كل ربع ساعه تقلبيها .... بعدين بتطلعيها وبتقسميهم بالنص وبالمعلقه شوي شوي بطلعي اللب بس مو كلو ... بتصفيهم بالصينيه وبتحضري الحشوه اللي هي معلقتين مايونيز ملعقة لبنه ملعقة خردل ملعقة كريما او قشطه قيمر ورشة زيت زيتون ورشة سماق صغيره رشه بهار ايطالي اللي بيجي زي الاعشاب المجففه ولب البطاطا اللي طلعتي .... بعدين بتحمي زيت بمقلاي وبقطعي نقانق قطع صغيره وبتحشيه وبتبهري حسب ما بدك وبتحطيها جوا قوالب البطاطا وبتبرشي جبنة شدر عليها واخر شي بتحطي موزوريلا وبتدخليها الفرن خمس دقايق لما يتحمر الوجه وصحتين وهنا 😊


والأشياء التانية حلويات وشوية اكلات كلها شغلي وازا حبيتو تعرفو وصفتهم خبروني و****لله يعجبوكم:kis s:

















ماشاء الله تبارك الرحمن كل طبق اجمل من اللي قبله
تسلم يدك

يعطييييك العافييييه
متجر شنط واكسسوارات تقليد نوعيه ممتازه....انستغرا م nooooona623
ماشاء الله تسلم ايدك
مشالله


يسلمووووو. كملي طريقة الباقي


من
الحلا ومن الصواني
اللهم اغفر لي ولوالدي واللمؤمنين والمؤمنات واللمسلمين والمسلمات الاحياء منهم ولاموات الى يوم القيامه0


الساعة الآن 01:32 .