طمنوووني،،،هذا طلق كاذب ولا بارد ؟

سلام امهات كيفكم


انا بنص الاسبوع ال ٣٧ يعني في التاسع الحمدلله

امس كله كان مغص متفرق يعني ماهو منتظم بس متعب احس حيلي طاح... ويشد المغص وقت النوووم مره سرت اكره انسدح ،، بس لما اقوم اشتغل او امشي يخف
المهم قلت اكيد هذا طلق كاذب
تسحرت وصليت الفجر ونمت
قمت على ٩ ونص... تجي المغصه واقوم كدا دقيقه وارجع انام... خفيفه زي الم الدوره مع تحجير والم بالظهر
شوي كذا اقوم ثاني احس بالالم وارجع انام ،، يمكن ٥ مرات بعدها قمت لاني تعبت مو قادره انام
نزلت تحت وسرت احسب تقريبا بين كل طلقه او مغصه ٥ دقايق مرات تزيد مرات تقل
كملت ساعتين الى الان
بس انه الالم محتمل ومابغا اروح المستشفى يلعبو فيني :(
علما اني ماني بكرية بس اول مره يجيني كدا حملاتي قبل طلق صناعي
طبعا دحين صايمه يعني ماقدر اشرب شي ولا كنت ناوية اشرب يانسون
وتمر ماقدر لان عندي سكر حمل

ابغا انام واجمع طاقه بس مو قادره،،، زي ماقلت الالم زي الدورة يروح ويجي مع تحجير والم خفيف بالظهر


طمنوني هذا طلق بارد؟ ولا كاذب؟ خايفه اروح المستشفى واتعذب من بدري