سويه عادي ودخليه الفرن وخليه يستوي وفرزنيه , اذا كان العيد بعد بكرا , شرط تحطين بدال الزيت زبدة او سمن نباتي
واذا العيد بكرا سويه من الليل وماله داعي تفرزنينه , اصلاً بعد ١٠ ساعات تقريباً بياكلونه يعني ماله داعي مره ههه , غير ان الزبده او السمن النباتي تحافظ لك على صلاحية العجينة اكثر من الزيت

مثلاً العجاين اللي فيها زيت اما تاكلينها بنفس اليوم او تفرزنينها , ومع كذا لما تفرزنينها بعدين تاكلينها تحسين انها اقل جوده من لما كليتيها بنفس اليوم
عكس العجاين اللي فيها زبده او سمن نباتي , تقدرين تاكلينها بكرا وتلقينها بنفس الجوده , وتقدرين تفزنينها اليوم وتاكلينها بعد بكرا وتلقينها بنفس الجوده

وللعلم السمن النباتي من ناحية الطراوه والصلاحية افضل من الزبدة , بس انا ما افضله لانه يعطشني + الزبدة تعطي طعم الذ منه
وحطي مع عجينتك فانيليا ودريم ويب , احيانا اذا صرت رايقه احط بعد بطاطس مسلوقه ومهروسه , البطاطس حلوه مع العجاين الحاليه لانها تنفش العجينه شوي لما تكون بالفرن فتنفع مع السينابون والخليه
وطبعا السكر كثريه في العجينة يعني على كل كاس طحين حطي ملعقة كبيرة سكر

وما انصحك تفردينه والصبح تدخلينه الفرن , ليش؟ لأن العجينه بيتضاعف حجمها كثييير , غير انها بيصير فيها قساوه
اللي اسويه انا اني افرد العجينه واقطع الرولات واحطهم بصينية الكب كيك , يطلع حجمها حلووو ومرتب , اخليها نص ساعه واغطيها بكيس بعدين ادخلها الفرن
واذا ابي افرزنها اسوي نفس الشي وافرزن عادي

واحط عليها اي صوص اسويه , بس اسهل صوص واكثر صوص عجبني وعجب اهلي هو علبة قشطة طازجة مع علبة صغيرة حليب محلى , واذا تحسينه شوي حطي علبتين قشطة وعلبتين حليب
وبأللللف عافيه عليك وعلى عيالك , وكل عام وانتي بخير
انا دائما افرزن السينابون
طبعا اعجنها واشكلها واخبزها واتركها تبرد بعدين احطها باكياس واحطها بالفريز
واذا احتجتها اطلعها وع المايكرويف واحط الصوص عليها واقدمها
انتي اذا بتسويها بالليل وتحتاجيها الصباح ماله داعي تفرزنيها حطيها بالثلاجه واذا احتجتيها سخنيها فقط
اهم شي تحكمي غلق الكيس او الحافظة عشان ما تاخذ ريحه
سويه مره وحده
ولاصبح حطيه بالميكرويف


الساعة الآن 08:25 .