زوجي البخيل.....

السلام عليكم
كل سنة وانتوا طيبين.
اخواتي بدخل بالمشكلة عالطول
زوجي شخص بخيل ويستخسر فيني
بفصل اكثر 
زوجي يحب اكل البيت ومايقصر علي بالمطبخ ابدا كل المقاضي ماشاء الله موجودة لكن لما اطلبه فلوس يتحجج بالديون .
كرهته وكرهت ديونه وطول الوقت يحكيلي عن ان المحل مايشتغل وانه لازم يدفع فلوس للمندوبين وانه استلف من جاره بالمحل فلوس عشان يعطيهم وعلى ذا الحال.
لدرجة اني صرت اتراجع اني اطلب منه شيء .
 المهم في يوم كنت حامل وابغى اشتري اغراض للبيبي وهو اول مولود فقلت له ابفى اروح اشتري مع جارتي قالي بالتلفون خذي 50 ريال 
تخيلوا50 ريال بس!!""
طبعا انصدمت وقفلت التلفون وانا مو مصدقه
بعدها اتصل يقولي اخذتي ال50 قلت له خلاص استلفت من جارتي
قالي باستغراب : اش تبغي فيها؟
رديت له: ولا شيء بس كذا
بالله عليكم وحده تطلع سوق وتاخذ50 ريال اش تسوي فيها
لا والي يقهرك وقاحته لما سأل ...
رجعت البيت قلت له بكل ادب بالله اش حسوي ب50 هذي راح اكل فيهاواشرب.
والبيبي اش بشتري له فيها
قام يقول ها صح كلامك وسكت.
يابنات زوجي يحسب الحياة اكل وشرب وبس
مايفهم ان المراة لها احتياجات ثانية
لاتقولوا فهميه
فهمته كثير بس مايبفى يفهم
واذا اعطاني فلوس يحسبها ولاني ما اخرج الا نادرا فيعرف انا صرفتهأ او لا .
مرت سنة وكم شهر على زواجي وهو كل ماطلبته فلوس قال ماعندي راعي وظروفي انا مديون علما بانه مقتدر وقد قضي  ثلاثة ارباع دينه وألي يغيظني الناس يستغلوه وهو يعطي لانه يستحي منه وانا يعذبني وينشف ريقي عشان يعطيني .
وكمان يسألني اش ناقصك واش تبغي فيها؟
محسب نفسه مغرقني بالفلوس .
اروح بيت اهلي يعطيني لما اطلب منه 10 ريال 15...

والله احيانا اجي عندهم واخواتي يطلبوا اكل او يشتروا اشياء حلوة احتاجها لكن استحي اأطلب لان ماعندي فلوس  اعطيهم وما ابغى اثقل عليهم واخذها لان ةزوجي ماشاء الله مقتدر وذا الي يقهرني انه عنده ويعطي كل الناس وانا يبخل علي.اخر شيء طفشت منه وتخاضمت معاه لانه اعطاني مبلغ استحي اذكره عشان اشتري ملابس للعيد وحطني ببيت اهلي لاني هددته باني راح اكلم اهلي وقولهم انه مايعطيني .
وتركني عندهم ولي لليوم اسبوعين وداخله بالثالث وهو لايسأل.
تخيلوا لساني والده من شهرين .
ولاسأل عني ولاعن ولده بس لما ارسلت له ملابس البيبي واغراضه جابها وحطها عندالباب وهرب .
وامس عطاني مصروف هللات وراح وارسل علقت لك حلاوة العيد ومصروفك عالباب خذيها.
ولا اتصل يسلم على اهلي ويعيد عليهم لكن الحمدلله اتصلت باهله وعيدت عليهم .
اش رايك يابنات في رجل ةزي كذا!!!!! لا وكمان يشوف نفسه مو غلطان وانا الطماعة الي بس اطلب .
على فكرة مايخرجني الا من العيد للعيد وكمان اشتري د لاول يوم بس 
بنات من نفس مشكلتي وعرفت تحلها؟؟؟