جزاك الله خير وفي انتظار رابط الشرح
موفقه
♡هذا الرابط♡
http://www.traidnt.net/vb/traidnt2223245/حبيبتي ماأحد يقدر يحدد لك مبلغ معين تبدي فيه تجارتك تقدري تبدي بمية ريال وتقدري تبدي 5000 هذا مايقدر أحد يقرره إلا صاحب التجارة نفسه لأنه هو الوحيد اللي عارف حدود ميزانيته.لكن دائما خليك ذكية وأعرف ذوق المحيط اللي راح تسوقي عندهم بضاعتك قبل تطلبيها .
♡وأسأل الله لي ولكم حياة الهناء وراحة البال♡
softdress
اختي كله بالدولار  وكيف اخليه عربي ولكي شاكره
اقتباس مشاركة  (softdress)
صباح الورد والأماني المتحققه♡
أختي أبكتب لك أحرفي وكأني أكتبها لوحده من أخواتي ولا أبغى منك إلا دعوة بظهر الغيب♡
في البداية عندي مبدأ أعتقد فيه وأعتنقه بشششششده
♡مافي آبن آدم يطلع من هالدنيا إلا مستوفي رزقه تاما تاما تاما فليش نحسد بعضنا ويوم من الأيام ماراح يكون بكشف مصدر رزقي للناس قطع لرزقي لأني ولدت ومكتوب لي رزق معين ماراح أخرج من الدنيا إلا وأنا أخذته كااااامل من غير أي نقصان♡
نبدأ بسم الله
كنت أنا وزميلتي نشتري من البضائع المتوفرة في السوق وماشي الحال بس يوم جاني نفس شعورك وحبيت أطلب بنفسي
خضت التجربة وحبيتها
♡قبل شي لازم تحبي التجارة وتكوني هاوية لها علشان تستمتعي بوقتك وجهدك مهما بلغ حجمه
♡أبشرك أنك تقدري وبكل سهولة تصيري تاجرة زي الفل وأنت ببيتك وبضغطة زر
♡والأحلى أنك مو بحاجة لا أنك تشتركي بشركات شحن ولاشي
♡والرائع أن البضاعة توصل لحد حيك اللي أنتي ساكنة فيه
♡والجميل أن الصين صارت بكل منتجاتها بطولها وبعرضها عندك وتتسوقي وأنتي تشربي الشاي مع الأهل
♡والأهم أن من شكر الله على نعمة وأنه سهل لنا كل هذا نراعي رضاه في المنتجات اللي نبيعها علشان كذا لما أعطيك الرابط وأشرح الطريقة أبغاك توعديني أنت وكل أخت تبدأ في مشروعها أنها ماتشتري إلا البضاعه الحلال فأتركي شراء الملابس العارية واللي فيها ذوات أرواح وأي شي يغضب ربي لأن المسأله ببساطة الررزق من عنده سبحانه فكيف أعصيه وأسأله الغنى وراح يكون فيه لحظات تضعف نفسك لما تشوفي كيف الأرباح هائلة احيانا بالبضائع المحرمة وماهي الا اختبار من ربك فخودي عهد على نفسك أن رضا الله أول أهدافك وأتبرأ لله من أي أحد يستفيد من موضوعي بشي يغضب ربي♡
♡لاتشيل هم أبدا وعن تجربه أقول التجارة ماتخوف أبدا بالعكس هي مغامرة حلوه تستحق التجربة
♡توقعي وجود حيرة وتساؤلات وأحيانا إخفاقات وتقبليها بشكل رحب
♡لاتستعجلي الربح أبدا وقبل تسع شهور أقل شي لاتحكمي أبدا على نفسك بالنجاح من عدمه وواصلي بكل ثقه وكل صباح أسأل الله من فضله بقلب صااااادق
♡♡♡♡
نجي للموقع
http://m.dhgate.com/index.html
من أفضل المواقع ثقه ومضمون لكن الباعة اللي فيه على حسب تقيمهم تحددي مستوى الأمان بالتعامل معاهم وخليها قاعدة عندك
1- لاتطلبي من بائع أقل من 98%مهما عجبتك بضاعته علشان بس ماتنكسري من بداية المشوار .
2-حاولي قد ماتقدري تبتعدي عن الشحن بالبريد الصيني حتى لو كان مجاني هو حلو ويوصل لكن بطيييييييء بشكل ممل وأحيانا بالنسبة لي شخصيا تطلع البضاعه من الصين وتضيع أثناء شحنها في البحر وماتوصل يمكن القرش يأكلها ههههههه..مرتين حصلت لي.
3-حاولي دائما تختاري الشحن عن طريق بريد هونج كونج لأنه مجاني وغالبا يوصل ب15يوم تقريبا طبعا من غير أيام تجهيز الشحنة يعني تقريبا 12-17يوم مع تجهيز الشحنه بس أكيد أحيانا يتأخر زي لما يكون الطقس مو مناسب للشحن
♡الحلو في الموضوع أنه حتى الشحن العادي مو محتاج صندوق بريد مثل ماكنا فاهمين وشائع بيننا وهالمعلومة تأكدت منها بنفسي من مؤسسة البريد السعودي فقط حطي الأسم والجوال والمدينه و الرمز البريدي اللي هو غالبا خمس أرقام ويكفي والحي أفضل علشان يوصل لفرع مكتب البريد السعودي القريب عندك.♡وجربتها ونجحت♡
4-إذا حبيتي تختاري شحن سريع (دي اتش ال/فيديكس/يو بي أس ) طبعا راح تكون بمبلغ وغالبا غاليه وتقدري تختاريه من ضمن خيارات الشحن من غير لايكون لك أي إشتراك معاهم فقط حطي عنوانك لما تسجلي في البدايه بالموقع وتشحن لحد عندك.ويمكن لو تتفاهمي مع البائع يخفض لك الشحن يخفض لك بس ماأدري ماجربتها أبدا
4-إن كان معاك إنجلش فأنتي بطله♡وإن كان مو معاك مو مشكله حولي الصفحة عربي بس قد تحتاجي لغه بسيطة علشان تتفاهمي على بعض التفاصيل مع البائع.
راح أبحث عن رابط يشرح طريقة الشراء من هالموقع وأرسله بإذن الله
♡♡أتمنى يكون هذا التفصيل الممل اللي تدوري عليه وأسأل الله أن يكون فيه فاتحة رزق على أخواتي المسلمات ولاتنسوني من دعوة طيبة قد يكون فيها توفيقي في الدنيا واﻵخرة♡♡




اسال الله العلى القدير ان يوسع عليك في رزقك ان كنتى صادقه معنا
ويرزقك من حيث لا تعلمين


لكن بالنسبه للموقع لا يتعاملمع بباي بال
اللى تضمن فوسك مع التجار وهذا اهم شي
يا حبيبتى يا بنتى
Orngeh عمري تصفحيه بمتصفح كروم يترجم لك الصفحة وكذلك فيه بالصفحة الرئيسية بالزاويه اليمين فوق مكتوب إنجلش وجنبها سهم المعروف انه من هنا تغيري اللغة بس ضغطت عليها ولاعطان إختيار لغات يمكن لأني أتصفح من الجوال..لكن مو مشكله متصفح كروم يترجم لك
وإيوه قلبي هي بالدولار واي سعر تبغي تعرفي سعره اضربي الرقمب 3.9لأن الموقع هذا يضربها بهالقيمة يمكن الباقي عمولته لأن سعر الدولار 3.75 لكن تظل الأسعار فيه حلوة
وأختي هموم الدنيا بصدري قبل كل شي أسأل ربي أن يفرج همومك انه على ذلك قدرير
بعدها أحب أقول ماأعتقد أني أبجلس أكتب كل هالكلام وأنا مو صادقه معكم او مجرد كذب وإلا أبخدع أحد..أصلا وش صالحي من كذا معقوله بس أتسلى وماأشوف إن كتابة رد بهالطول تسليه.
والموقع كان يدعم البي بال والحين الغاها ولاعليه أي مشاكل أبدا وطريقته يحتجز المبلغ ولايسلمه للبائع إلا لاستلمتي البضاعه وعطيتيهم أمر بالدفع للبائع إلا إذا تأخرتي ماأعطيتيهم أمر الدفع وانتي مستلمتها يجيب البائع تتبع الشحنة ولاشافوا انك مستلمتها ومثبت بموقع الشركة او البريد السعودي يسلمونه المبلغ بس هذي فقط لاتأخرتي ماكملت العمليه لانهم يضمنون حقك كمشتريه وحق البائع 
ولكم مني خالص الدعوات بحياة طيبة مباركة مليئة بالهناء.


الساعة الآن 02:30 .