أهلين حبيباتي وشلونكم طيبين ...............
أنا واللقيمات سالفة مدتها عشر طعش سنة خخخخخخخخخ كل رمضانية أحاول أصلح قيمات وما تكون فاشلة الا تفشل يا عجين يا رووس وما ادراك ما الرووس ....... لا تضحكون علي وتقولون مب سنعة لا والله اني سنعة وأكلي يشتهيه اللي بآخر البلد خخخخخخخ>>>>>> أخلصي علينا
المهم ها الرمضانية قلت يا أنا يا اللقيمات خصوصا بعد ما أفطرنا عند ناس قالت بنتي قدام الباشا طبعا ماما أنتي ليش ما تصلحين قيمات ما تعرفين ترا حتى البزارين يعرفون يسونها تراها سهلة يا ماما خخخخخخ .......... صارت قصة حياة مب قيمات >>>>>>>>>> يا كثر هرجك ................المهم صارت قيماتي مشهورة من حلاوتها وأهم شئ مدورة وما فيها رووس وهشة وما تاخذ وقت في التخمير قلت أنقلها لكم لأن فيه ناس اكيد منحاسين فيها مثلي ...( ما أعتقد فيه مثلي )
الطريقة
2كاس دقيق
ملعقة أكل خميرة فورية مليانة شوي
2ملعقة كاسترد أو كريمة كراميل
نص م ك حبة سودة يمكن الأستغناء عنها
م ك نشا
3ملاعق ك حليب بودرة
كاس ماء تقريبا بحيث تكون العجينة أثقل من الكيك شوي خليها تخمر ربع ساعة الى نصف ساعة فقط مو أكثر وتكون النار هادية واذا كورتي اللقيمات علي على النار شوي وبالهنا والعافية بتكون معك مقرمشة ...... وبالهنا والعافية على قلوبكم اذا ظبطت لاتنسوني من دعاكم...............

جزاك الله خير
ان شاء الله اجربها
يعطيك العافية
اللهـــم.. اغفر لي واحفظ احبتي من كل مكروه


مغتربه سابقا في كندا وبريطانيا

الان في امريكا
مشكوره والحمدلله انها ضبطت معك
مشكوووووووووورة
والله يعطيك الصحة والعافية


الساعة الآن 12:20 .