Analysis Services
نفسي أفتح صالون وخايفه لأن ما عندي دخل ولا سيولة وخايفه اتورط مع رواتب العمالة اذا ما كان لي زباين
18-10-1426 هـ, 10:25 صباحاً
 
وعليكم السلام ورحمة الله وبركاته

موضوع ممتاز وجدير بالمناقشه تم تثبيته ولي عودة ان شاء الله
لك تحياتي
19-10-1426 هـ, 12:38 صباحاً
 
السلام عليكم
موضوع جميل وشيق للنقاش
ولكن انا ابرد عليه بالعكس واطرح وجهة نظري في اسباب نجاح المشروع
من واقع تجربة خاصة
التوفيق من الله هو اهم اسباب نجاح اي مشروع في الحياة طبعا والبعد عن المعاصي
ثانيا دراسة الجدوى الاقتصادية للمشروع هذا شئ استراتيجي في اي مشروع
ثالثا الادارة الناجحة
وبالتوفيق لكم مشاريعكم يابنات حواء
19-10-1426 هـ, 05:27 صباحاً
 
memee
حفظك الله نفسي اصير مثلك
شو هو مشروعك وكيف نجحت فيه وشرايك في مشروعي ويا ليت تقولي لي كيف ما يفشل
لأني اخاف حتى ابدا فيه
19-10-1426 هـ, 01:07 مساءً
 
السلام عليكم

صار لي مدة ما شاركت في المنتدى بس ها الموضوع وايد عجبني وفيه مساحه للنقاش وتبادل الافكار

انا للحين ما بديت اي مشروع!! مسألة تردد
اول ما جمعت راس المال درست التحليل الفني للأسهم وبديت فيها والحمدالله موفقه شوية يعندي ادخل مدخول شهري مع اني للحين اعتبر نفسي هاوية بس وان شالله بيوم من الايام اوصل مستوى الاحتراف وأدخل ذهب

ارد على موضوعج لاني ها الايام قاعده افكر تفكير جدي في مشروع ملابس سهرة.. فساتين سهرة جاهزة
محصلة ماركة فرنسية من باريس نفسها.. يبيعون نفس التصاميم اللبنانية الروعه وبأسعار الجمله لانهم ما يتعاملون ويا اشخاص بل بس ويا محلات
وبضاعتهم وايد راقية وتصاميمهم شرقية

واللي شاغل تفكيري هو هل بيمشي ها الشي.. مع انه موجود في الامارات بس بس ما يمنع اني احاول
واذا عزمت وين انسب مكان افتح فيه محل!!!!!!! وشو الاسعار اللي احطها!!!!!
طبعا لو في مركز تجاري او مول تتوفر لي الفرصة ان محللي ينعرف اكثر والمبيعات تكون اكثر
بس الاجار في المولات واااااااااااايد مبالغ فيه على 200 الف واكثر وشو ضمني انا ان المحل بيدخل ها الربح

المهم راسي قاعد يدور ويدور وحبيت افكر بصوت عالي وتسمعوني

ياليت لو وحدة منكم عندها خبرة في ها المجال تفيدني

تحياتي
19-10-1426 هـ, 01:58 مساءً
 


الساعة الآن 07:58 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏