كلام في خاطري ماعرفت افضفض لمين

السلام عليكم
اممممممممم ماني عارفه كيف ابدا بالموضوع بس احس اني ودي افضفض ودي احد يساعدني بدعوه بظهر الغيب ماتصدقون قد ايش افرح اذا سمعت او شفت احد يدعي لي احس التفاؤل يرجع لي من جديد ..
انا انسانه اعاااني من فراااغ وخاطري اتزوج حنونه مع الاطفال بشكل ماتتصورونه دايم اتخيل عندي اطفال حاولت اشغل نفسي بس فكرة الزواج تراودني من فتره لفتره ابي استقر ابي يكون لي مملكتي ابي شخص يهتم فيني يحاتيني يشبعني عاطفه لاتقولون انا فاقده حنان بالعكس اهلي مو مقصرين بس هذا الشي بالفطره تتمنين تعيشين مع شخص يحبك وتحبينه تدارون بعض امنيتي البس الفستان الابيض وانزف وامي تشوفني وتنبسط وامشي اتمخطر بين الحضور اصور مع اهلي اخلي هالصور ذكرى لي يشوفونها عيالي ابي اكون سيدة بيتي ابي احسن لي وجودي وكياني ابي انا اختار اثاث بيتي ابي اهتم في شخص واحد ويبادلني الاهتمام خاطري احمل واجرب شعور الامومه ابي اضم طفل لصدري يكون مني من لحمي ودمي ابي اسمع كلمة ماما
ابي بكره اشوفهم وهم يكبرون ويدرسون ...يطوول الكلام بس راح اغلب الحكي اللي ابي اقوله ..لحد يقول الزواج مو سعااده ..لو الزواج مو سعاده كان محد تزوج ولا قالو ان الزواج يكمل نص الدين ..مانكر انه مشاكل وتعب لكن في المقابل في اشياء ايجابيه كثييره ..انا مااطلب منكم انكم تواسوني او تطبطون على ظهري ..انا كتبت هالكلام بس ابي دعواتكم بظهر الغيب تكفون ..اليوم يوم الجمعه واغلبكم صيام اتمنى ماتنسوني من دعواتكم فأنا الان وصلت لمرحله من اليأس ماتوقعت في يوم اني اوصل لهاا ..لاتنسووني من دعواتكم في اخر ساعه يوم الجمعه وعند الفطور ف أنا في هم لايعلمه الا الله ..فرجو همي ولو بدعوه ..رزقكم الله اكثر مما تتمنون ومما تدعون ...تنويه اسمي بنوته 18 بس مو يعني ان عمري 18 لا عمري فوق 20 هذا مجرد يوزر عشان يقبل التسجيل لاحرمكم الله الاجر ..اختكم في الله