المشكله ماعرف مراكز صعوبات التعلم اللي بالرياض
حنا بعنيزة
مركز التميمي
http://www.onaizah.org.sa/tamimi/index.php
ومركز الجفالي
http://www.onaizah.org.sa/juffaly/index.php

شوفي هم دمجوا المركزين كان ولد اختي قبل بالتميمي ونقلوا للجفالي

ويمكن يساعدونك بمراكز بديرتك اللي انتي فيه
انتي استفسري منهم بكل شيء
اكيد فيه للمراهقين

صديقة اختي تقول ولدها عنده مشكله بحرف الراء
ماينطقها دخلته مركز صعوبات التعلم تقول بس مايدرسونه الا الراء
يراري كل ماجاء وكل ماراح رارارارا
وتعدل عنده الحرف

ولي قريبه ولدها فضييييييع بفرط الحركه مخيف فرط حركته
لدرجة انه حمى المكوى وحرق ايد اخته يقول جربي يوجع
وكلامه خرابيط مايفهم شيء
وامه مطنشته ولا يهمها حركاته
كل ماسوا غلط جلد فيه ضرب ماتعرف تتعامل معه
ويسمونه ياحياتي المهابول شوفي النفسيه اللي اهله سببوها له عشان فرط حركته وكلامه غير مفهوم
دخلوه مدرسه عاديه وخلوه يرك يرك فيها الين تعلم
والحين ماشاءالله تبارك الله بالمتوسطه ماشاءالله تبارك الله لا اله الا الله تركد وصار راكد وكلامه موزون وماشاءالله كلامه ممتااااااااز

ياعمري ماشوف شر ...شوفي اول شي وضحي لها انها المدلله والمحبوبه ....عندك وعند ابوها ..خليها تفرغ لازعلت ...دلعوها ...شوي ...

روحي لمدرساتها واطلبي منهن انهن يعززنها ويحاولن يزرعن الثقه فيها ....


ولاتخافين عليها كل شى لوه علاج بس استعيني بالله وشربيها دايم ماء زمزم ...والله اخبر طالبه من زميلاتي كذااا ا...ماتعرف تتكلم ووتتعب في مخارج الحروف بس كانت لها واسطه بين المدرسات كانت امها تشيكها بزود والحين هي مدرسه بنفس المدرسه الثانويه اللي درسنا فيها ..تري الكلام هاه واحنا بالمتوسط والابتدائئ ...والحين ام ومدرسه بس ماشفتها وعندها ثقه بالجامعه الله يسعدك انتي وياها

خليها تدعي بدعاء النبي موسى عليه السلام

{رب اشرح لي صدري ويسرلي أمري واحلل عقدة من لساني يفقهوا قولي }

اذا بالرياض مركز مطمئنه ممتاز واذا بجدة في مركز اظن اسمه ايلاف بتاكدلك وفي اخصائيين ممتازين هما راح يقولولك بنتك تحتاج علاج سلوكي او دكتور فيهم امانه