يمكن انتي معوده عيالك انك هاديه وعاقله وانك ماتتكلمين الا بالشي الضروري والولد من التربيه

الي عيالهم يخبرونهم اول باول تلقينهم من الاساس يحبون يسولفون بكل صغيره وكبيره فصاروا عيالهم زيهم


غيري طبعك سوي قهوه وحلا واجلسي انتي وعيالك وتقهوي والا اعطيهم عصير مو لازم قهوه اهم شي تتعاملين معهم كانك رايحه زياره عند احد وتسولفين معهم في كل شي وصدقيني رايح يتكلمون ههههههههه وبالتفصيل عن كل شي تبغينه

بصراحه مستغربه من سر الجلسه العصر والقهوه والسوالف ايش مميزااااااااتها كثيررررررررررر اشوف:confused:

؟؟؟

أول شيئ الله يصلح لنا ولكم النية والذرية
ثاني شيئ
والله أنا أكره إسلوب الأستجواب سواء لي أو أني أنا استجوب أحد ماحبه أبد ، وأتنرفز حتى لو أبوي اللي يسألني
بس أبوي عاد أجاوبه لأنه ابوي وخليه ينبسط
ولدك يبي يسولف يسولف من نفسه وشرط تكون سالفة لها معنى موب فلان جاء وفلان اكل وشرب
لأنها أمور ماتهمني أشغل وقتي فيها سواء سوالف من ولدي أو من غيره
وللأسف عندي ولد يجي يسولف مثل هالسوالف واهوشه وأقوله إذا السالفة مالها معنى وقيمة وفايدة لاتقولها
خلك رجال وعلومك طيبة موب ثرثار كل شي تقوله بمناسبة ومن غير مناسبة
إلا إذا ممكن يكون شاف شي جديد غريب ي أو موقف حصل ممكن قوله من باب أني اشرح له
وأفهمه هذا الصح اللي نربي أولادنا عليه ومانخليه وسيلة نشبع فيها
رغباتنا الغلط مو لازم نعرف كل الأخبار
أهم شيئ لايفوتنا شي من حظ الآخرة أما حظوظ الدنيا كلها فانية

ثم تقولين الشاي مضر ؟؟!! من قال لك :smile:
الشاي مفيد للصغار والكبار يكفي أنه يحمي الأسنان من التسوس وفيه مضادات أكسدة ماتتخلينها
بس لايشربونه بالليل ولا يكثرون منه أكثر من كوبين بالنهار عشان لايجيهم إمساك
ولايكون مع الأكل لأنه يعيق إمتصاص الحديد إلا إذا الأكل فيه ليمون خلاص مافي مشكلة لأن الليمون يبطل الأعاقة

أهم شيئ عندي أولادي يقولون لي المواقف اللي يتعرضون لها وأناقشها معهم لمصلحتهم
صح يقولون لي أيش
كلوا وأيش جاب فلان غيرهم لكن شرط يكون ماذكر أيش جاب فلان إلا لأنه من ضمن الموضوع
لأنه لازم اربيهم على الرقي في الكلام وأن يكون الكلام بفائدة مو بس مجرد ثرثرة وحب فضول
أيش صار وماصار فقط من أجل الفضول

وولدك إذا قالك أفففففف أول شيئ علميه أنه هذي كلمة حرام ووريه الآية بالقرآن
مع أن ولدك صغير بس راح يكبر ويفهمها
وزيادة معليش شكلك فعلا أسألتك كثيررررررة لدرجة أنك ماتعطينه مجال ياخذ راحته
ماجاوب إتركيه وإذا جلستوا مع بعض سولفوا مع السوالف هو بينخرط معكم ويبدا يسولف
أما طريقة الأستجواب صدقيني ماهي مريحة ولا مقبولة لا من الكبار ولاحتى مع الصغار
ثم طبيعة الأطفال تختلف بعضهم وده يعلم أمه والناس كلهم أيش صار معه وأيش شاف
وبعضهم كتوم لو يصير أيش مايصير مايتكلم
وصدقيني هالأسلوب يمشي مع الجميع غالباً

نفس السؤال