اهل زوجي مايعدلو في المعامله بيني وبين سلفتي

السلام عليكم
بنات انا مره متضايقه وبالي مشغول مره
ام زوجي تغار مني مررره وسبب غيرتها انها تحب زوجي كثيير.. ولما تزوج صارت مره تغار عليه .. المشكله انه انا وسلفتي تزوجنا في يوم واحد واحنا متقاربين في العمر.. لاكن زوجي هو الاكبر ويحب امه وهو اللي يلبي طلباتها.. ومع هذا ليتها تحبني والله مره تكرهني .. وتفضل سلفتي عليه هي وبناتها بسبب الغييره .. يعاملوها مره كويس وينادوها عندهم.. ومدخلينها في القروب معاهم وانا والله ماينادوني عندهم واذا قلت بجيكم تعذرو باي شي انا والله مابي اجيهم لاني عارفه انهم مايبوني بس زوجي يقولي روحيلهم بس هم دايم يعتذروا مره بنخرج ومره تعبانيين ومره صايمين وسلفتي من يوم تقلهم بجيكم على طول يرحبو فيها .. اصلا هم ينادوها.. علما ان كلنا ساكنيين في عماره وحده .. انا قدام ام زوجي وسلفتي فوق ساكنه حتى الاحظ ان سلفتي بدت تفرح بمعاملة اهل زوجي لي وصارت تتفاخر بهذا الشي وانا والله مطنشه واحاول اشغل نفسي باشياء لاكن الشيطان يجيني .. واتضايق مره لما اذكر الفرق في المعامله واقول ليش يعاملوني كذا ايش سويت لهم والاحظ الناس اللي هم قرايب زوجي واهله كمان يحبو سلفتي من محبة اهل زوجي لها ويجوها فانقهر
واناوالله حتى مايجوني رغم اني اجيهم انا ماشوف انها مسويه شي مميز عني بلعكس مره عاديه في المعامله معاهم ومع هذا يفضلوها عليه
طبعا هذا الكلام كله ماشكيت لاحد الا لكم حتى اهلي وزوجي مابينت لهم اني متضايقه من هذا الشي بصراحه مااحب ابين ضعفي عند احد حتى لو اهلي لاكن ضاقت بي هل اشكي لزوجي هل اقله اهلك يفرقو في المعامله او اسكت .. اخاف اقله ويقلهم ويزيدو لاني ماابيهم يعرفو نقطة ضعفي خاصه اني متاكده انهم مايحبوني ايش اسوي وكيف اخفف من الضيق اللي اصابني لاني هذي الايام بدأت افكر في ذا الموضوع كثيير واحس كبر في راسي
معاملة زوجي لي مره كويسه ويحبني ويحترمني كثير ويخاف على مشاعري ولا يرفضلي طلب ومعاملة اخو زوجي لزوجته معامله طيبه بس زوجي افضل منه في المعامله
صعب تعيش مع ناس مايحبوك رغم انك عايش معاهم اكثر من عيشتك مع اهلك ليش يعاملوني كذا هل تتوقعون فيه سبب لهذي المعامله
شخصية زوجي
زوجي طييب لابعد الحدود ومايقول شي لاهله مهما سوو مسالم جداا يعني شخصيته امام اهله ضعيفه ويخاف منهم


علما ان زوجي يقول لاتلومي امي واخواتي هم يغارو منك