كل وحده تقولنا كيف اعراضك قبل الولادة بأسبوع او ايام

ولادتي الاول فجأه اساسا ولدت قبل الموعد ب ٢٠يوم كان بداية رمضان ومع المجهود والحركة اتوقع جت الولاده بدري وغير كذا غلطت غلطه كنت اشرب قرفه وقشر قهوه بكميات كبيره وانا بداية التاسع ولسى الرحم مسكر. فكأن الطلق قوي وحار والرحم مسكر حتى اذكر يوم رحتلهم قالولي ارجعي البيت بدري على وولادتك وهالكلام كان ٦ الصباح وماجت ١٠ الصباح الا وانا والده فنصيحه ابعدو عن محرضات الطلق والولاده بداية التاسع حملي الثاني انفتح عندي الرحم ٢سانتي رجعوني البيت وجلست ٤ ايام وولدت وكنت هالاربع ايام اشرب قرفه وقشر والحمدالله تيسرت

اب

انا حملي الاول ماولدت الا بطلق صناعي خلصت التاسع والولاده مافكرت تجي
والثاني ولدت في الشهر الثامن حسيت بمثل الم الدوره بس شديد ورحت لهم الصباح كان الرحم فاتح ثلاثه وولدت الفجر اليوم الثاني

أنا قبل ولادتي بااسبوع انفكت معاي المويات وجلست تنزل مني اسبوع كامل وبعد اسبوع نزل مني دم وكان معاي مغص خفيف واليوم الثاني شد معاي المغص وولدت

أنا ولادتي الأولى تعذبت فيها من كثر ما بهذلوني بالقياس عشان كذا ما أحب اتذكرها اما ولادتي الثانيه اخذت الوجع كله بالبيت لما بدت رجولي ترجف من قوة الطلق شافتني ام زوجي وهاوشت زوجي قالت ليش صابر عليها للحين وديها بسرعه قاعده تولد وييطير فيني ع المستشفى دخلت وولدت ع طول ما بغيت اتعذب زي الولاده الاولى