السلام عليكم ورحمة الله ..
كثير منا طالبات بالجامعه او منكم الموظفات ..
نحتاج لجدول عشان مانتعب في تجهيز الغداء او العشاء خصوصا مافيه شغالات ..
بيت وشغله واطفال واحتياجاتهم وزوج وهم دراسه او عمل ..
لو على الاقل نحط وش بتسوين او وش سويتي غداء او عشاء
وممكن وحده تتبرع بعد اسبوع او اسبوعين وتسوي لنا جدول ..
اارجو من المشرفات عدم نقل او حذف الموضوع لإنه يهم شريحه كبيره من المجتمع
واتنمى من الجميع المشاركه
ليش كذاا
طيب شكرا وجزاكم الله خير
والله موضوع مهم جدا
لان اللي تطلع من البيت سواء لوظيفة او دراسة يكون عليها ضغط كبير
عشان كذا افضل حل تجهيز الاكل او عالاقل تقطيع الاشياء من الليل
خصوصا مع عدم وجود الخادمة لكن استعيني بالله ثم بهذا الجدول إن شاء الله يفيدك

الاحد
صينية دجاج بالخضار بالفرن
جهزيها من الليل وحطيها بالثلاجة ولا جيتي سوي رز ابيض وسلطة وقت ماهي بالفرن
والنت مليان طرق صواني دجاج

الاثنين
مكرونة باشاميل
جهزيها كاملة وبالثلاجة ولاجيتي حمريها وسوي السلطة

الثلاثاء
كبسة لحم او دجاج
قطعي كل الاحتياجات وغسلي اللحم او الدجاج وحطي كل شي مغلف جيدا بالثلاجة
ي صير لما ترجعين تحمسينها بسرعه
او ممكن تسوينها الى مرحلة سلق اللحم ومن بكرة فقط اضافه الرز

الاربعاء مظبي دجاج
وهذا مايبي له شي
ايحثي في النت عن مدفونة بالقدر العادي وهي اسهل من السهولة
ممكن بس اغسلين الدجاج بالليل

الخميس
رز مع تونة او مكرونة بالتونة
وهذي بعد ماتاخذ وقت ابد

الجمعه والسبت تفنني بحكم انها اجازة
سوي الطبخات اللي تطول وتاخذ منك وقت ويحبونها عايلتك
سوي سمك
ممكن تجهزين محشي وتحطينه بالفريزر لاي يوم انزنقتي بس تسوين المرقة وتطبخينه يطلع روعه


اتمنى اكون افدتك ولو باليسير
دعواتك
رفع


الساعة الآن 06:58 .