شلونكم حبيباتي عندي استفسارات عن مواد غذائية:-

شنو صمون باغيت
وين الاقي صمون الشمندر
شنوخل بلسمك
شلون طعم الافوكادو
شنو كريمة حامضة
وين الاقي الفقع المعلب
وين للاقي اوراق روز ماري
وين الاقي بهارات مكسيكية وايطالية

ضروري بنات **** يجزاكم الجنة
هدووووووووووووو وولة
حبيبتي هدولة بحاول أساعدج باللي أعرفه:

الباغيت : صمون فرنسي شوي طويل و شوي يابس وايد لذيذ. تلاقينه عند مركز سلطان السالمية في ديلي فرانس . و تلاقينه بالمخابز الفرنسية مثل لابجيت.

خل البلسميك: خل أسود طعمه قوي تلاقينه في الجمعيات و مركز سلطان. مو كل الجمعيات فيهم بس أنا أشتريه من الروضة أو السرة
هذا الخل ممتاز حق السلطات خصوصا الجرجير مثل سلطة نينو الجرجير فيها بالسميك

الأفوكادو: هذي فاكهة بس تستخدم في السلطات و حق الجواكيمولي . هذي اهي الصلصة الخضرا اللي يم النتشوز في أبل بيز و شيليز من الأفوكادو أكيد تعرفينها. فاذا ذايقتها هذا اهو طعم الأفوكادو.

كريمة حامضة: sour cream في الكويت في وايد أنواع أجنبية و في الكريمة الحامضة البحرينية ممتازة و انا علطول أستخدمها. البحرينية موجودة في الجمعيات يم الروب. قوطيها مثل الروب و داير مدايرها كاروهات أحمر و أبيض ان شاء الله عرفتيها.

فقع معلب: موجود بالجمعبة حبيبتي قسم المعلبات.

الروز ماري و البهارات: مركز سلطان ما يقصر تلاقينهم في قسم البهارات.

بالنسبة حق خبز الشمندر : ما أدري الخوات يمكن يفيدونج و لو اني أتوقع انه في برد توك (bread talk) عنده خبز بها النكهة لونه أحمر.

ان شاء فدتج
يسلمووووووووووووا ساروووووووووونة المزيونة **** يعطيج العافية ويبلغج الجنة
هدووووووووووووو وولة
الفقع موجود عند كل الجمعيات
هدووووووووووووو وولة
ابي اسأل صج جوزة الطيب حرام استخدامة-وشنو البهار البديل لطعمة
هدووووووووووووو وولة


الساعة الآن 06:09 .