السلام عليكم.....

انا احب قسمكم و استفدت منه كثير ....

عندي سؤال عن الروبيان المجمد في نوعين واحد مطبوخ ....و الثاني غير مطبوخ

مين افضل ....و كيف استخدم النوع غير المطبوخ ؟؟؟؟؟؟؟

و اذا حد عنده وصفات يا ريت يفيدني ....

بوركتم.....
بالنسبة للمأكولات البحرية عشقي والروبيان سهل مره وما يتعب اذا اخذتيه مقشر ونظيف وطبعا الافضل الطازج وطعمه يختلف كثييير عن المجمد لكن في كل الاحوال ممكن تستعملي هذي الطريقة حيطلع حلو بعد ماتخرجيه من الفريزر خلي الثلج يفك عنه اغسليه بماء عدة مرات فقط ماء كثير بيغسلوه بالملح والخل وللليمون وهذا خطأ لأن لحمة الروبيان رقيقه مو مثل الدجاج على طول يتفتت وينهرس ويصير كأنه مستوي بعد ماتغسليه
حطيه في مقلاة عميقه نوعا ما وحطي ملعقه زيت زيتون واذا عندك زيت الزنجبيل او السمسم افضل في الطعم من زيت الزيتون ملعقه فقط وقصري النار على الاخر وحركيه حتى يتغير لونه ضيفي عليه ملعقتين ليمون وملعقة برش الزنجبيل وملعقة كبيرة ثوم مطحون وارجعي قلبيهم مع بعض وخليهم يتسبكو لمدة خمس دقايق وبعدين قطعي بصل وفلفل رومي الوان شرايح او مكعبات حسب رغبتك وارميها على الروبيان وارجعي حطي ملعقة من الزيت وقلبيهم مع بعض وحطي فلفل وكمون وشوية ملح انتبهي لا تكثري الملح لانه المأكولات البحرية في الاصل مالحه وممكن تقطعي شطة خضرا صغيرة اذا تحبيها حاره عشرة دقايق او اقل انتي حتشوفيه حيستوي على طول وبالعافيه
اذا حابة تعلميه مثل الايدام نفس الطريقه فقط تضيفي في النهاية حبة طماطم كبيرة مقطعه مكعبات وملعقه صغيرة صلصه وتضيفي ماء على حسب رغبتك في كثافة الايدام
واذا حابة تعمليه بالصوص الابيض مثل المطاعم الماليزية نفس الطريقة الاولى بس تضيفي في النهاية ملعقه ونص نشا مذابة في كوب ماء وتكبيها عليها وتقلبيها سريع سريع عشان ما يتكتل الصوص وعلى طول تحضريه الصوص الابيض يفضل ان تستعمليه وقت التحضير
وصحة وهنا
هالمرة شفت طبخه حلوة للربيان المجمد غير المطبوخ



المكونات :

خضرا ( اللي يعجبك كوسه بصل ثوم جزر مبشور )

بهارات

جبن قلاصات قفشتين

كريمة حامضة

بطاطس مهروس

الطريقة:

1. تشوحين البصل والثوم وتحطين الخضرة والجبن والكريمة الحامضة عقبها تحطين الربيان لين يستوي شوية

2. تحطينه في بايركس فرن

3 . تاخذين الالو المهروس وتسوينه كور دوائر يعني وتصفينه فوق الربيان فالبايركس

4. ترشين الالو المهروس بكريمة الحامضه عشان يتحمر من فوووق


وتحطينها فالفرن ربع ساعه تتحمر بس وتطلع يا سلاااااااااام


ان شاءاالله اكون افدتك
اب


الساعة الآن 07:12 .