عيوده8

عيوده8 @aayodh8

عضوة جديدة

أفيدوني في توسع بطين الدماغ بعد التهاب السحايا اللي صار لولدي

الأمومة والطفل

السلام عليكم ورحمة الله وبركاته ،، كيفكم خواتي ،، في البدايه الحمدلله والشكر على كل شي وعسى أن تكرهو شيئآ وهو خير لكم،، سبق ونزلت موضوع لولدي عن حمى الشوكيه اللي صارت له قبل ثمان شهور تقريبا طبعا ولدي كمل سنه من يومين و وضعه شوي صعب ماجلس ولا حبى ولا مشى عنده ضعف في الجهى اليسرى بالذات أطراف يده ورجله اليمنى الحمدلله طبيعية تركيزه مره صعب يركز ع الأصوات بس أما النظر نادر يركز كانه على عمر 3 شهور قال الدكتور أن عنده توسع في بطين الدماغ من بعد الالتهاب والتوسع ضاغط ع الدماغ يقول احتمال نركب أنبوب إذا ماتحسن وضعه من ناحية الحركه ما يركز علي أو يعرفني كأم صح يلعب ويضحك إذا لعبته وضحكته وإذا سمع صوتي بس مايفقدني مثل الأطفال اللي بعمره مستمره معه بالتمارين والعلاج الطبيعي حاولت ابذل جهدي هالايام والله يكون بعوني ويحقق لي مرادي أشوف ولدي مثل باقي الأطفال يمشي مع أني واثقه بالله سبحانه وتعالى وأراضيه بحكمه هو اللي خلقه وهو اللي يدبر أمره بعد تخطيط السمع قالو عنده ضعف في الأذن اليسرى السمع اقل من الطبيعي الحمدلله على كل حال ادعوا لي وله كل ثقه برب العباد وأمله به كبير سبحانه الله يعوضنا خير ويكتب لنا الخير ثم يرضينا به اللي عنده علم نفس حالة ولدي أو تعرف احد نفس وضع ولدي تفيدني الله يحمي ضنا كم وماتتعرضون للي تعرضنا له هو ضناي وحيدي وأول طفل لي عسى الله يبشرني بعافيته عاجل يارب :44:
10
4K

يلزم عليك تسجيل الدخول أولًا لكتابة تعليق.

تسجيل دخول

$مهاوي $2010
$مهاوي $2010
الله يشفيه ويبلغك فيه عريس ويشفي بنتي ياررب 
االخياله
االخياله
الله يشفيه ويعافيه عجبني فيك ثقتك بالله  انا عندي بنتين الاولى خلع ولادي والحين اشافت منه بس  جلستها غير طبيعيه وكذالك الاحظ مشيتها غير طبيعيه. اما الثانيه فيها ارتخاء بجفن عينها مغطيه على العين الحمدلله والشكر بس جد مضايقني  هالشي خصوصا  لما احد يسالني او يقول روحوا ودوها عالجوها اتضايق رالدكتور قال عمليه بعد خمس سنين وانا مابي اصرح بهالشي. الغايه من كلامي اني نفسي استمد من قوة ثقتك بالله اللهم اشفهم شفاء لايغادر سقما  بناتي وابنك وبلغنا فيهم يارب
amoon1407
amoon1407
لاحول ولا قوه الا بالله
هل الدكتور قال لك انه التوسع نتيجه الحمى الشوكيه؟
الي اعرفه انه التوسع هو استسقا، يعني مويات او نتيجه نزيف داخلي !
عموما الله يشفيه لك ويصبرك
ولدي جته حمى شوكيه بعد الولاده بس اثرت على قدرته البلع والحركه اما الدماغ كان عنده ضمور لكن ماعرفنا هل هو بسبب الحمى الشوكيه او نقص اكسجين اثنا الولاده وتوفى قبل سبع شهور لاسباب اخرى
انصحك تحرصي على تغذيته لانه الي زي كذا تكون مناعته ضعيفه
بحرالعنى
بحرالعنى
الله يشفيه يارب
عيوده8
عيوده8
الله يجز أكم ألف خير تكفيني دعوتكم الصادقة إيه قالو التوسع من الالتهاب ولدي طيب من يوم جبته وجته الحمى عمره ثلاث شهور قالو عنده ضمور في المخ لان يوم كان منوم تجمعت. مويه في الجهة اليسرى من راسه وسوو عمليه سحبو المويه وقالو في نقط صديد على الدماغ من الجهة اليمنى بتروح مع المضادات وبعدين سوو أشاعه شهر ٧ قالو باقي النقط اختفت الحمدلله بس ما لاحظت تطور في ولدي إلا شي بسيط وبطيئ أمون الله يعوضك بالخير ويجعله شفيع لك الحمدلله على كل شي ويشفي ولدي واطفالكم