~ السلام عليكم

~ قررت اسوي حفلة صغيرة لخالاتي لانوووووو زمااان ماجوووو عندناااااا

وابي كل وحدة تساعدني لانووووو ماعرف وش اقدم وبسوي لهم حلا وكيك وعشاء وش تنصحوني

وش اقدم مع اقهوة والشاي ميزانية ماهي كثير هي عيدية الي بالعيد جامعته وابي مفاجاة لهم ~
04-11-1434 هـ, 05:34 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
رتبي أمورك بحيث الكميات تناسب عدد المدعوين -أحسبي عددهم سوي قائمه بالأصناف وبعدين قائمه بالطلبات -جهزي مواعين العزيمه قبل بيومين ،وقبل بيوم رتبي البيت -رتبي للمناسبه قبل عشان تشوفين إذا الموعد مناسب عشان مايكون أحد مرتبط -ولاأوصيك لاتصير القعده كلها أكل لأن كثير من الناس لمتهم على أكل وسواليف مالها فايده -سوي نشاط بسيط مسابقات خفيفه منوعه -أطرحي فائده وشغلي مقطع لشيخ للتذكير وعشان تكون لمه وفيده وذكر والله يكتب لك أجرها ترى المقطع يكون قصير أهم شي الفايده وحسن الأختيار تذكير بالجنه -أو عن حكم تجهله الكثير مثلا في الطهاره أو الزينه أو عن حديث ظعيف ومنتشر أو عن الحشمه .
خلي الجمعه بعد المغرب قهوه وحلى وبما أن الميزانيه ماهيب كبيره حطي نوع حلى وتمر أهم شي تكون الكميه مناسبه -وبعدها الشاهي (عاد أنتي شوفي وش تفضلون وحطيه )مثلا خس وجرجير وحب ترى ماأمزح ترى فيه ناس يعزون هالأشياء أكثر من المعجنات ويحسون ترجعهم لزمن البساطه -ممكن تحطين بيتزا وصفايح زعتر ولو حصلتي جبن حلوم أحيانا بنده يسوون عليها عرض سوي فيها فطاير مع شرايح زيتون وطماطم وفلفل بارد ورشة أوريجانوا -ممكن إذا فيه عرض على البف باستري ممكن تقطعينها مربعات وتسوين منها أنواع حالي ومالح وتكون هي طبق للقهوه والشاهي تقطعينها مربعات وتحشينها جبن كيري وتشربينها شيره أو حليب نستله ونوع ثاني ممكن تحشينها جبن كيري وترشين عليها قرفه وتسكرينها وبعد ماتستوي تشربينهاحليب نستله -والمالح ممكن حشوة البيتزا وممكن حشوة لحم محموس مع كزبره وممكن جبن حلوم -ممكن تجيبين أوفر لك وتذكير برمضان عجين سمبوسه وتحشينه حالي للقهوه جبن -تفاح،ومالح للشاهي عاد هناتفنني جبن -دجاج -لحم -ممكن زي حشوة الشاورما-أحيانا يخفضون على ورق العنب المعلب 2كيلو علبته ب20 وممكن توصل 16 ريال.
العشاء رز ودجاج وسلطه-وألا مكرونه بالباشميل ودجاج بالفرن وسلطه -ممكن صينية خضار بخلطة الجبن ورز أبيض ومسقعه -جريش أو قرصان (ثريد)مع رز ودجاج محمر -ممكن برياني وسلطة طماطم وكزبره ولك الإختيار ونصيحه حاولي تختارين أصناف تشترك في نفس المقاضي عشان توفرين على نفسك وشوفي عروض السوبر ماركت في النت -وحلوا لو تخلينها خميس وتسوين تذكير بصيام الخميس وفضله قبل بفتره وتكسبين أجور متعدده بإذن الله جمعتهم وهذا حث على الصله وتفطيرهم ويكون لك مثل أجورهم وبالمسابقات تكونين أدخلت سرور عليهم وتفرحين أمك بلمتهم ومبادرتك وتدعيتي للخير بهالجمعه وكنت أنت المبادره يعني لو استمروا عليها كل جمعه يكون لك اجرها -أحتسبي الأجر وبالتوفيق ميمي.
04-11-1434 هـ, 07:16 صباحاً
 
رفع
04-11-1434 هـ, 08:06 صباحاً
 
سبحان الله وبحمده
04-11-1434 هـ, 12:22 مساءً
 
ورق عنب
04-11-1434 هـ, 12:59 مساءً
 


الساعة الآن 04:17 .