Analysis Services
السلام عليكم
اختي الكريمه لماتجين تسوين الكيك له شروط لازم تتبعينها وتنجح ومنها
البيض لازم تطلعينه قبل بعشردقايق او حطيه بماء عشان يفتر/اذا فيها حليب او لبن لازم تطلعينه بعد عشان يفتر لان البارد يخرب الكيكه/اهم شي نخل الدقيق مع البيكنغ بودر (البيكنغ بودر اذا طلب ملعقه كبيره لازم تكون ممسوحه ونفس الشي الملعقه الصغيره ولا بيطلع بالكيكه تشققات)
مقاسي اللي اعتمده دايم والحمدلله كل الكيك ينجح معي هي(كاس الجبن السائل )
لما تخلطين الكيك لازم بحركه دائريه واقطعي بالنص ثم حركه عكسها بتشوفين الكيكه تنتفخ مره
ادهني الصينيه كامل ورشيها بالزيت الفرن افتحيه قبل كل شي ويكون الشبك بالوسط على ردجة حراره 200الغاز اقصد
بعطيك طريقه لكيكة اللبن وسويها واتبعي نصائحي وباذن الله راح تنجح معاك
انخلي كاس دقيق مع 2 ملعقه صغيره بيكنغ بودر بوعاء واظيفي له نص كاس جوز هند واتركيه على جنب
بوعاء ثاني اخلطي(2 بيضه -فانيليا-كاس سكر-كاس لبن فاتر-بيالة زيت-اخلطيهم بالخلاط الكهرابئي جيدا ثم اظيفي لهم خليط الدقيق حركيه على شكل دائري واقطعي بالنص ثم العكس صبيه بالصينيه ودخليه الفرن لمدة 40 دوانتبهي تفتحين الفرن الا بعد 30 د من خبزه حمريه من فوق وزينيه
اتمنا اني افدتك لو بالقليل
06-11-1434 هـ, 11:32 مساءً
 
انا سويت كيكة اسفنجية وماصدقت انها ضبطت معي. طبعا كنت فاشلة كل مااخذت طريقه ماتضبط. فدخلت موقع امريكي  واخذت الطريقة american spong cake قلت هم ابخص بكيكتهم  والحين اضبط الكيك مية بالمية.واللي عجبني فيها ان مافيها مويا ولا زيت  معليش طولت بس فرحانة اني صرت اعرف. اول شي الاساسيات. زي ماقالت الاخت تطلعي البيض وتخليه يصير بدرجة حرارة الغرفه. قبل لاتبدي بخلط الكيك ولعي الفرن وادهني الصحن. وياليت يكون صغير ومرتفع. يالله نبدا. المقادير اول شي جيبي ثلاث صحون   ست بيضات.وتفصلي البياض عن الصفار كل واحد بصحن. يعني صحن للصفار وصحن للبياض. وصحن للدقيق المنخول مقدار كاس مع رشة ملح وملعقه باكينج باودر والفانيلا وبعدين تجيبي كاس سكر لو تحبيها حاليه. وتحطي نص السكر ف الصحن اللي فيه صفار وتضربيها بالخلاط حق الكيك 10 دقايق الى ربع ساعه. لازم تطولي. لان السر ف خلط البيض. ولاتقولي البيض كثير بتطلع ريحتها. لا كل ماطولتي بالخلط تروح الريحة. المهم بيصير الخليط كثيف وابيض. وبعدين نجيبي بياض البيض وتضيفي نص السكر الباقي وابشري قشر البرتقال او الليمون. بس السطح لاتتعمقي عشان مايكون مر.  واخلطي لما يطلع زي الكريمة بيضة. وعشان تتاكدي انها مضبوطة لما ترفعي الخلاط يطلع بوز مثل المنقار. وبعدين نجي للصحن اللي فيه الدقيق ونضيف ثلث من الصفار ونقلب فوق تحت مو خلط. عشان الهوا يدخل. ونضيف ثلث من البياض. ونقلب فوق تحت ونضيف من الصفار ونقلب وهكذا لما يخلص. صبيه ف الصحن. بس لاتحركي الصحن عشان الخليط يستوي. عدليه بملعقة. ودخليها الفرن. وخلي النار وسط او اقل شوي يكون احسن. جربيها والله رهيبة 
07-11-1434 هـ, 04:53 صباحاً
 
طبيعي تتفتت لانك تقطعيها وهي حاره انا اخليها ربع ساعه برى ثم في الثلاجه ساعتين او اكثر بدون تقطيع ثم اذا بردت قطعيها واخفقي الخليط في خلاط الطماطم ثم صبيه في زبديه وضعي عليه الدقيق والبكنج باودر ولاتخفقي كثير
07-11-1434 هـ, 05:55 صباحاً
 
شوفي ياقلبي لازم تلتزمين بالمقادير المضبوطه
وتشغلين الفرن قبل ماتدخلين الكيك بعشر دقايق 
وبعد المقادير ماتكون في الثلاجه طلعيها قبلها بفتره حتى تاخذ درجة حرارة الغرفه 
وبالتوفيق
07-11-1434 هـ, 06:03 صباحاً
 
انتي طلبك باوند كيك مش كيك عادي
الباوند كيك انا عندي باوند كيك باللليمون
الطريقه
ولاني احب الليمون فكرت اليوم اسوي كيكه بطعم الليمون وبعد ما سويت سيرش في قوقل
اعجبتني طريقه لكيك الليمون اللي انا متاكده انه رح يعجبكم
المقادير
كوب ماء مذاب فيه 3ملاعق حليب مجفف وملعقه خل تخلط في الخلاط وتترك جانباا
3اكواب طحين مع ملعقه بيكنج باودر وملعقه صغيره مره ملح تنخل مع بعض مرتين
كوب من الزبده الطريه بمقدار اصبعين ونصف زبده اي مامجموعه 250جرام
كوب ونصف من السكر مطحون لكن موناعم مرره
بشر ليمونتين وعصير ليمونه واحده
4بيضات
الطريقه
تخفق الزبده مع السكر حتى تنسجم مع بعضها البعض وتتجانس
ثم نضيف البيض بيضه ونخفق ونكرر بيضه ونخلط حتى تنتهي كميه البيض
ثم نضيف قليل من عصير الليمون ونخلط ومن ثم قليل من الحليب ونخلط وبشر الليمون ومن ثم حليب وليمون
وبعد ما يتجانس الخليط
نبدا في اضافه الطحين على دفعات ونخلط واذا انتهت كمبه الدقيق نوقف الخلط
ونصب الخليط في صينيه اما مفتوحه من الوسط او صينيه الباوند كيك
او في قوالب المافن كيك
وتدخل للفرن مده ساعه كامله على حراره 160
ونقلبها من الصينيه في صحن وتترك لتبرد وتقدم مع الشاي
طعمها جنان ورائعه
وممكن تضيفون للخليط فواكه مجففه او زبيب حسب الرغبه
للتزيين:
نص كوب سكر بودرة
1 ملعقة طعام واحدة حليب سائل
2 ملعقة صغيرة عصير ليمون
وبالعافيه عليكم
وانا متاكده انها رح تعجبكم

اهم شيئ
القالب يكون مدهون بالزبده ومرشوش عليه طحين عشان ماتلزق الكيكه
تكونين سخنتي الفرن اول ما بدات بتجميع المقادير على حراره 160
ماتخفقين كثير بعد اضافه الدقيق اذا انتهت كميه الطحين توقفين خلط اهم شيئ يكون الخليط متجانس
تصبين الخليط في الصينيه من غير لاتحركيه بملعقه عشان ما يطلع الهواء اللي في الخليط
واخيرا لاتفتحين الفرن الا بعد مرور ساعه كامله
يكون رف التسخين في الفرن في المتوسط مو اسفل

وكمان جربي الكيك بطريقه سهله
http://forum.hawaaworld.com/showthread.php?t=3917938
http://forum.hawaaworld.com/showthread.php?t=3841529
07-11-1434 هـ, 08:54 صباحاً
 


الساعة الآن 11:26 .