السلام عليكم خواتي وعيدكم مبارك إن شاء الله ويعوده عليكم بالافراح يارب


خواتي الغاليات انا ادور الشالات الرجاليه الكشميري الشتويه اكيد تعرفونها يابولنا كم مره من الهند وانا بعد كم مره شريتن من محلات فالعين
باسعار حلوه واصليات بس الله يغربلهم رحت استامهن باخذ لريلي لقيتهم رافعين الاسعار واايد انا ادري ان فيه نوعيات بالاااف ولقيتن عند بوحليقه ب4000
بس والله حراام شال ب4000 اشتريتن العام من السلامي فالعين ب450 اوكي
بس رحت له قبل العيد قال الشال ب1000 قفعه وتخبرت محل ثاني فالمول قال بييب عقب العيد من دبي وبينزلي فالسعر جان خذت مجموعه

اوكي خواتي الزبده ..... بنات دبي والشارجه وين ممكن اسير واحصل شالات اصليه اسمهن ترمه وشي بعد نص ترمه (يعني غرزة الصوف) اريد اسير سوق الجمله بس ما ادل وين ياليت اللي تعرف ما تبخل علي شدن حيلكن يالتاجرات اكيد تعرفن اماكنهن
ساعدوني الله يوفقكم
هلا اختي بتحصلينها في سوقالكرامةبدبي اوسوق الغوير بالشارجة
يزاج الله الف خير يالغاليه ما قصرتي ساعدتيني وايد
الغالية يمكن تحصلينهن عند المحلات اللي تبيع الغتر في سوق مرشد أو في سوق الجملة اللي إحنا نسميه ( سوق الصخام ) بس هذا الإسم قديم ويمكن محد يعرفه بهذا الإسمو بعد في والسوق في آخر سوق الذهب تدخليله من اللفه اللي بعد سوق الحلول أو يسمونه Spice Souq من عند خياط المدني وتسيرين سيده بتحصلين السوق هذا كله يبيعون فيه بالجملة عاد إنتي تخششي في السكيك وبتحصلين إن شاء الله اللي تبينه...
[img][/img]

[img][/img]

أختي ممكن اتروحين محل في سوق مرشد اسمه عبد الرحيم هذا عنده جميع انواع الغتر واسعاره زينه



المرحلة الاولى لنزول الوزن

ادعولي







الساعة الآن 03:53 .