الي تبي بيت مثالي تجي2
السلام عليكم.,
العفو أخواتي.,والله ان مو قصدي اني اوتركم او اتجاهلكم بس ألبارح و أنا اكتب بالموضوع امي تعبت علي .,معاها انيميا حاده ومن اليوم وانا اشتغل واكرف واكتب لها معلومات عن كفايات المعلمين واشرح لها الدروس.,عطوني دقايق ارتب الموضوع وانزله
بالبدايه هم كانو ناس ساكنين بالبر وكل يوم عندهم ضيوف .,واكبر وحده فيهم عمرها28سنه.,الكبار الثنتين ما دخلو المدرسه.,و الي اصغر منهم كلهم درسو اخواتهم دخلو اولى ابتدائي واعمارهن11 و10سنين.,و ابوهم تزوج ثنتين قبل امهم وكل وحده جابت بنتين .,كلهن من 45سنه وفوق.,وجدي الله يرحمه كان يزوجهن على 9سنوات.,الشقيقات الاولات تزوجو اخوان.,والثانيات تزوجو اخوان.,بنات ترا الموضوع يبي له قوت قلب اكمل ولالا.,ترا اقول لكم القصه من البدايه للنهايه.,احكي لكم تعبهم ومعاناتهم.,من الحين ترا الموضوع في حزن.,لكن باعلمكن الاراده والعزيمه شتسوي
على العموم.,الأولى وهي جدتي اخذت واحد متزوج قبلها مريض نفسي.,بخيل وما يخاف الله وبسبب هالشي مات عمي الي اكبر من ابوي.,وزوج احلى بناته واكبرهن لواحد كل يومين طارد عياله للشارع.,وحارم بنت عنده زي القمر من الزواج.,والثانيه اخذت اخوه لكن ما يختلف بالبخل سكنهم ببيت ما تسكن فيه الحيوانات .,والثالثه هذي الحنونه الطيبه الجميله اخذت واحد همه الفلوس والحريم .,انجب منها 4اولاد و5بنات و ادخلت للعنايه بسبب حادث وماتت بالسرطان وبنتها نفيس.,والثالثه اخذت واحد جميل جدا يفرق عن اخوه معيش عيلته بعز ورخاء وعياله جميلين لدرجه ما أحد يتوقعها.,ترا هذي حالتهم الاولى اعلمكم الثانيه اذا شفت لو شوي تفاعل.,ترا القصه مهمه لان كل وحده فيهن بيتها احلى من الثاني.,
المهم.,الأولى الي هي جدتي.,احمدلله عماني كبرو وتوظفو وطلعوها من القريه للمدينه وسكنوها بدور واسع واثثوه لها.,وما بقا لها الا بنت وولد ما تزوجو واحد متوظف والثاني يدرس.,لكن مع ذلك بيتها يلمع والسبب ان:
اولا:ما فيه اكل او شرب الا بالصاله ومشتريه فرشه سهلة الغسيل كبيره تقريبا مغطيه نص الصاله.,والباقي سيراميك.,طبعا بعد ما يروحون من عندهم الناس يمسحونه بالمنظفات .,ويوم واحد بالاسبوع يشطفون البيت و يغسلون الملابس.,اما المطبخ جدتي تنظف الغاز.,والمواعين تنظف على طول.,حتى اعمامي يغسلونها خخخخخخخخخخخخخخخخ .,وما شاء الله بيتها زي اللنبه
اما الثانيه اصغر عيالها واحد عمره 20 سنه.,قد خطبني قبل كذا.,يعني رجال.,والباقي الي ما تزوجو 3اولاد وبنت.,واحد منهم يدرس بالشرقيه.,وتخيلو ما تحب احد ينظف عنها بيتها.,يا ويله الي يحط الملابس في غير سلة الغسيل.,والمواعين بعد ما تخلص تحطها بالمجلى والاولاد يرتبون غرفهم(لانهم اذ نظفو يحسون بالتعب وما يحوسون.,والله ان بيتها ودكم تلفونه بكيس من النظافه ما شاءالله
وما شاء الله بناتها عوضوها توظفو دكتوره وممرضه ووحده معاها ماجستير ووحده بالجامعه.,بيتها فـــــخـــــم ما شاء الله وربي فرجها عليها.,اما الي زوجها يموت فيهم ومو مخلي عليهم قاصر.,مات الله يرحمه.,وصارت مشاكل بين عيالها لكن الحمدلله انسترت.,وحده من بناتها مخطوبه.,ولما رحنا لخطوبتها,’تخيلو.,ان بثواني البيت تنظف وقدام عيون المعازيم.,قامو وانتشرو بباقي البيت على السريع رمو الزبايل وانتو بكرامه وعدلو الاثاث والثانيين انطلقو بالمكانس.,والثالثين بالشطف السريع.,تخيلو وهن متكشخات ينظفن.,وكل واحد يغسل ملابسه.,العيال بالمغسله.,اما الطبخ.,الفطور نواشف.,والغداء الخدامه تسويه.,والعشاء خفايف يعني فول او عدس.,وما احد يدخل المطبخ.,تبي تاكل تعال وكل معانا على الوجبه غيره لا,’حتى لو جا ولدها من العمل تعبان يجيب معاه من المطعم.,وزي ما قلت الغرف للنوم فقط وكل واحد يرتب سريره.,والقعده كلها بالصاله.,يعني زي السجن.,وبآخر الليل قبل لا ينامون واحد يكنس وواحد يرتب
...........................
السلام عليكم ما عليش بس انا ارسلت مشاركات بعد رد الأخت نوجه جده.,
لكن ما طلعت.,على العموم .,الرابعه الي توفت بالسرطان ماتتخيلون قد ايش حالة عيالها بعدها بنتها النفيس صار عمرها 10سنوات .,وأكبر بناتها زوجها صابته جلطه.,ومرة ابوهم معاها السل .,عاد تعالو شوفو البيت مين ينظمه.,انا صراحه ما دخلته ولا مره لكن معروف بالفوضى لأنه صغير والسكان الي فيه كثيرين.,اما ابوهم لو بيدي امردغه بالخيزرانه.,تزوج وحده شبعانه ورماهم وما سأل عنهم.,
اما زوجة جدي الثالثه.,ما شاء الله ينضرب فيهم المثل بشياكتهم ونظافتهم.,بالبدايه كانو بالبر وكانو يسافرون هو وزوجته ويتركون أطفالهم عند بنت عمرها 7سنوات.,تخيلو؟بالبر لحالهم.,والله اني ما أكذب.,وعلى آخر حياته طلعهم ببيت شعبي بالمدينه(ما أقدر أقول اسمها.,).,ومات الله يرحمه وأكبر عياله عمره 13او14سنه.,بعد وفاة بنته بشهرين تقريبا,.تخيلو الولد هذا يصبر اخواته ويصبر عيال اخته الي اكبر منه.,ومن يومها وهو عازهم.,ما شاء الله ملتزم ويخاف الله.,وبعد كم سنه طلعهم وحطهم بدور ارضي .,عيشهم بعز.,و قام بتربية أخوانه وخلاهم رجال يسوي صدقات وعزايم.,بس قبل ست سنوات.,طلع للشارع بعد ما دخل عليه واحد من اخوانه يصرخ.,طلع للشارع لقا اخوه الصغير مصدوم بالسياره وداه للمستشفى قالو له مات!!!
وقال لاخواته(انا تحملت المسؤليه بعد موت ابوي)
(اجل كيف انا الي شلته بدمه ووديته للمستشفى)
وتنازل عن الي صدمه بمقابل مادي رخيص.,كل هذا وعمره17سنه بس!
لأن وحده من أخواته قالت لأمه(يا يمه تنازلي والله ما تدرين لو ان ولدكي بكره يصدم له أحد)
وقبل سنتين توفى زوج خالتي وهو بحضنها ركضت بتفتح الباب لكن المفتاح انكسر.,هو كلام كثير لكن بأختصره.,المهم بعد اسبوعين تقريبا أخذهم وطلعهم ومشاهم بجده والجنوب.,وحالهم صارت أحسن.,وبالعطله مو الماضيه لا الي قبلها,.طلع أخواته ومشاهم وونسهم لدرجة انهن يقولن (اذا كنا معاه ننسا الدنيا كلها.,نعيش معاه دنيا ثانيه)
وحاولت امه انها تأجل السفره وهو رفض وقال(يمه ما تدرين شبيصير)
وفي شهر اثنين.,ليلاً, طلع هو و3من أصحابه بالسياره.,بيرجع لأهله لأنه يدرس بمنطقه ثانيه.,وصادف 3شباب سيارتهم عطلانه.,ركبو معاه ورجع علشان يوديهم للورشه,’بس تدرون شصار.,؟!!!
عزرائيل كان فيه.,وقبض روحه ,وبعدها بـ خمس ثواني.,دخلت السياره داخل شاحنه ليقضو نحبهم.,كلهم السبعه برحمة رب العباد.,والله ان صار لي انهيار عصبي3مرات.,
لكن مع ذلك اخواته بقن نفس ماهن ما تغيرن.,والله اذا طرينا النظافه ما يجي على البال غيرهم.,
اولا:فيه منهم من أخذ دورة التجميل,.وعلمت الباقيات على التساريح البسيطه.,
الطبخ وغسيل ملابس العيال على خالتي الكبيره.,والبيت كل يوم على وحده.,ترتبه وتكنسه وتشطف الحمامات.,زي ما قلت الأكل على فرشه خاصه ومكان واحد فقط.,والي يتروش يغسل الحمام من بعده ويقفل علب الصابون والشامبو.,والي يوصخ المغسله يغسلها.,وامهم ما تلمس شي من البيت.,و البنات هم الي يغسلون ملابسهم.,يا ويله الي تبقا ملابسه بالحمام.,او يكون منشور لأكثر من يوم.,يعتي أغلب وقتهم نوم او تلفزيون او يتكشخون.,بس الي يضيع صلاته هنا عاد عصا امهم تشتغل.,
و الحين راح اقول لكم القوانين الي طبقتها وخلت الناس تنذهل مني واهلي فوضويين لدرجة ان امي احيان تصيح:
1-بعد ما نصحى نرتب اسرتنا ونغسل وجيهنا ونفرش الاسنان.,ونغير ملابسنا ونمشط شعورنا وعلى قولة امي(تدهنو وتعطرو).,ونفطر.,ونشيل السفره وننطلق إلى مدارسنا
2-حددنا مكان للأكل والشرب وفرشنا فيه فرشه كبيره.,لدرجة انا لما نشيلها نلقا الفرشه الأساسيه نظيفه ونكنسها مره كل اسبوع.,والفرشه الي ناكل عليها نغسلها كل شهر.,وننفضها كل يوم.,
3-امي خصصت لكل وحده فينا شنطه.,تحط فيها ملابسها وكريماتها ومنظفاتها اذا كانت تبي تدخل للحمام تتروش.,وقبل لا تطلع منه تشطف الحمام بمطهر وتصب من المطهر في البلاعه وانتو بكرامه.,وتشغل الشفاط
4-أقسام الضيافه بالأول كانو أخواني يلعبون فيها ويحوسونها .,اما الحين ننظفها ونقفلها بالمفتاح.,
5_امي جابت سلات للقمامه ولبستها بأكياس ووزعتها بأركان البيت.,الي عنده قمامه يرميها في السله.,وبعدين نرمي الأكياس الي فيها.,يعني السلات نظيفه وما تحتاج غسيل الا مره بالشهر
6-الي يجي من الدوام يحط جزمته في الجزامه.,وملابسه الوصخه في سلة الغسيل.,وشنطته بمكانها.,لأن الي يرمي أغراضه بيتعاقب
7-خصصنا سله للملابس قبل الغسيل وحطيناها عند الغساله.,وسله للملابس بعد الغسيل.,وحطيناها في غرفة نومنا.,
8-امي تفتش على خزاينا يا ويلها الي تطيح ملابسها.,او ملابسها مو معلقه.,امي ما تكلمها وتشيل اغلى شي عندها
9-ممنوع منع بات دخول الأطفال إلى المطبخ.,بعد ما تخلص الوجبه الي عليها الدور تقوم وتشيل السفره وتمسحها وتغسل المواعين وتكنس المطبخ وتطفي اللنبات,.وإذا عيالك ملاقيف قفليها بالمفتاح.,
وهذي وحده عندها بنات توأم ملاقيف.,والله انهم يطلعون عيونا واحنا بس نقابلهم كم ساعه.,
لكن نظــــــــــيفه.,والسبب:
أنها تنظف الغرف وتقفلها بالمفتاح وترفعه فوق الخزانه.,وما يبقى الا الصاله والمطبخ والاسياب والحمام.,
بآخر اليوم تخلي بناتها يرتبون معاها وتشترط لهم مكافأه.,ويرتبون وينظفون معاها.,
وتكنس البيت .,والحمام كل ما تروشت او روشت بناتها غسلته.,وبكذا يكونون بناتها يحسون يتعبها.,وما عاد يحوسون.,
اما فيه وحده ثانيه عيالها ذوق.,وزوجها كان بدوي وجلف بشكل ما تتصورونه.,
لكن رسمت لوحه وكتبت أسماء بناتها.,والي تسوي حاجه حلوه تحط لها نجمه,.بس انتي حطي اسم زوجك معاهم.,وحطي أسمك.,
وخليهم يقومونكم وانت قوموهم.,والي يحصل أكثر نجمات سوي له شي يبيه,
اما الأشياء الي تزيد نشاطك وتجذب عائلتك للبيت :
اذا شطفتي البيت اضيفي للماء شوية مسك.,يطهر البيت ويعطره.,اما نفض الغبار فعلى كيفك.,
لكنه يولد طاقه سلبيه في البيت.,والمواعيين المتراكمه والملابس المتراكمه ونبات الصبار وصور الأرواح كلها تولد طاقات سلبيه في البيت.,وتسبب المشاكل بين أفراد عائلتك بطريقه غير مباشره.,
شغلي سورة البقره يوميا في البيت.,وإذا كنتي كسوله جيبي معطر الجو(بخاخ)
والله ان بالأول كان أكسل مني ما فيه بس بعد ما بعدت الأشياء السلبيه.,وصرت اشغل المراوح وافك الشبابيك وابخر قبل لا انظف عشان احس بالنشاط.,وقبل لا أنام اقول سبحان الله33مره والحمدلله33مره والله أكبر34مره.,و اضيف العسل للحليب واشربه على الريق انا واخواني.,وآكل سبع تمرات عجوه او غيره مع الماء(ترا اللبن ينوم) وأكثر من الماء لقوله تعالى(وجعلنا من الماء كل شيء حي).,والله انها طاقه عجيبه.,او اشرب النعناع او الشاي مع الليمون فعلاً انتعاش.,
و الله انا صرنا نحب البيت وما نبي نطلع منه.,بالبدايه كنا نمل من القعده بالصاله.,لكن امي بمواضيعها المشوقه وقصصها الرائعه جذبتنا لها.,
وبعد ما نتروش ونلبس البجايم نلبس الشرابات طبعا بعد ما نكون حاطين الكريم.,ونتعطر.,ونلبس اكسسوارات بسيطه.,وبعدها نمشط شعورنا بشكل حلو ومرتب.,والله ان بيتنا يقعد نظيف لأيام.,ويوم بالشهر نمسح البيت من الغبار بس.,لأنه مرتب.,و فرش الأسره تنغير كل أسبوع.,والثلاجه والفرن بعد الطبخ نمسحها ببخاخ ديتول ومنشفه.,وقبل لا نحط الملابس في الدواليب نمسحها.,يا بنات والله سهله.,ونشطف البيت كل أسبوع.,او احيان نمسحه بمنشفه بس.,ونكنس الصاله وغرف النوم بس.,
اما اقسام الضيافه والحوش هذي كل شهر ننظفها..وسلات القمامه الصغيره تنغسل كل أسبوع.,وسلات الملابس كل شهر.,هذا النظام من شهرين اتبعناه لكن والله راحه اغلب يومنا جالسين وتقريبا بس عشر دقايق نشتغل فيها.,وبلا جداول بلا هم.,
ها ايش رايكم بالموضوع؟والله لولا الضروف كان نزلته مره وحده.,بالنهايه ابيكم تدعون للغالين الي فقدتهم جدي وخوالي واخوي.,وان ربي يشفي امي من الأنيميا ويقبلونها بالوظيفه.,وان شاء الله راح أنزل مواضيع أحسن من كذا ان شاء الله.,وفي كل الأقسام.,وإذا عندكم مشاكل قولوها لي وان شاء الله اوافيكم بالحلول.,وسامحوني لى القصور
وسلامتكم.,
وأتمنى من المشرفات ان يحذفون موضوعي الأول لأن ادرجت فيه مشاركات وردود وما طلعت.,ولا والله ان التهب علي القولون بسبب ان صفحه كامله ما طلعت وأتمنى اني عوضتكم واعتذر منكم.,:biggrinlo
أسطورة بـ أخلاقي @astor_b_akhlaky
عضوة جديدة
يلزم عليك تسجيل الدخول أولًا لكتابة تعليق.
orngeh
•
مااشااء الله .....قلتي نبات الصبار يولد طاقه سلبيه ويسبب مشاكل ياليت توضحين اكثر انا عند صبار بالبيت اتمنى تفيدني وابغا دليل
ام هلالة
•
الله يرحم امواتكم ويشفي امك ويرزقكم رزق الحلال
صح كلامك الاكل لازم يكون في مكان واحد اديش حاولت انظم اكل ابني بس ما نفع معي هو ما بياكل كثيربس بحب يكركب هون وهناك الله يعيني
صح كلامك الاكل لازم يكون في مكان واحد اديش حاولت انظم اكل ابني بس ما نفع معي هو ما بياكل كثيربس بحب يكركب هون وهناك الله يعيني
الصفحة الأخيرة
والله يديمها نعمه عليكم
استغفر الله