بانتظظظظظظظظظظظظارك

ي جميله :$

الزبدة حبيباتي أكمل لكم الجزء الثاني وهو فترة العناية ,

أول شي خل اعطيكم نبذة عني ,

أنا إنسانة مو قصيرة أبداً ابداً طولي 160 الحمدلله أو 159 ,
وزني 54 أعتبر وزني مثالي لأنه مناسبني جداً ,

في فترة المراهقة ما طلع لي حب شباب كثير , فكان يوم أشوف الحبة تطلع مجرد إني أمشي عليها بكريم مقاومة حب الشباب والحمدلله تصير كويسة ,

اللي لاحظته إن فترة ما بين الملكة والزواج من كثر التفكير والارهاق والخوف طلعت لي حبوب كانت جداً واضحة بحيث إني من ذوات البشرة البيضاء فيوم تروح الحبوب تبقى ندبات , فشوهت شكلي بشكل فضيع , كل اللي سويته غني طلبت من أمازون آلة إسمها : ديرما رول , هي آلة عبارة عن دبابيس بس مو مؤلمة تعمل على شد البشرة واعطائها نضارة ,

صورة عنها لقيتها بالنت :


http://up.******.com/uploads/images/******-b91055b782.png

وصورة أقرب للابر :

http://up.******.com/uploads/images/******-716d3cc68f.png

معلومات عنها من نفس الانسانة صاحبة الصور :







الزبدة طبعاً شالتلي هالديرما رول الندبات بشكل واضح جداً جداً , بحيث عن بششرتي رجعت مثل ما كانت . .

بما غني عايشة بالرياض وإنت عارفين عن جو الرباض وش زينه يوسع الصدر بارد وتسذا * تسذوب *
فكنت اعاني من مشكلة الجفاف
شفايفي صارت جافة ولونها يختفي
فجبت مقشر شفايف من بودي شوب تقريباً بشي وخمسين ريال سعره مرة بسيط
حطيته قبل أنام ويوم قمت حكيت شفايفي بشويش بفرشاة تقشير الشفايف واذا فرشاة اسنان ناعمة تفي بالغرض
ومن أول استخدام تقشرت شفايفي

الزبدة إن ماما معلمتنا على العناية باالنفس من يوم كانت اعمارنا 7 سنين بحيث إن لو سوت ماسك تعمل حسابنا معها فتشوفون أنا واخواتي نسخة من امي يوم تحط الماسك , لكن يوم خلصت أشياء جهازي باقي لي شهرين لين يجيب الزواج فكان أبداً مالي خلق شي بس ابكي بدون سبب وعلى أي شي أوقات نومي متضاربة لا شفتهم يضحكون أبكي لأن كنت احسب إني بأودع هالجلسة للأبد * من العباطة *

فبشرتي وقتها صارت باااااااااااااهتة أبداً ما كأني عروسة فأمي مسكتني واستلمتني تهزيء وإن وين توسة القديمة * توسة دلع من دلعاتي *

فمرة كان صراخ ماما هو نقطة العودة , بحيث إني رجعت توسة القديمة

عشان ارجع نضارة بشرتي استخدمت اشياء طبيعية وكريمات
من الأشياء الطبيعية اللي تشد الوجه وتعطي نضارة :

1- قناع بياض البيض :
جيبي بيضة وافصلي صفارها عن بياضها . .
اخلطي البياض مرة زين
بعدين حطي الصفار على وجهك
وعلطووول جيبي كلينكس وحطيه بوجهك على البيض
انتظريه نص ساعة لين ينشف بعدين شيليه وغسلي وجهك بموية باردة
بتحسين يوم عن يوم وجهك رجع له نضارته ,

2- قناع الحليب والبطاطس :






على فكرة القناع يقشر ويعطي نضارة ,

وفي حركة كويسة تعطي نضارة وشد , جيبي بخاخ وحطي فيه موية ورد وخففيه بموية عادي وافضل معدنية الطف للبشرة مع ملعقة نشا فبخيها بوجهك قبل تنامين ويوم تقومين اغسلي وجهك بموية باردة وابشري بالبشرة االزينة .


الهالات السودا يا عمري على حالي , جد تعبت والي زايدها على إن بشرتي فاتحة فجداص واضحة الهالات السودة
فالحل كان عندي جداً سهل ضبطت نومي وعدلت أكل وحسنت من نفسيتي وآمنت إن مافي شي يستاهل هالخوف كله , فكان علاجي الاول هالأمور الثلاثة وعلاجي الثاني خيارة احطه بأكياس شاي فاضية واربطه واحطه على عيني العصر وأنام لي نص ساعة

أما علاجي السحري فهو : كريم Immortelle Eye Balm من L'occitane
جميل جمال رهيب رهابة جد جد خفف الهالات بشكل ملحوظ
بحيث اني كنت اطبطب عليه بهدوء حولين عيني فاعطاني جمال حولين العين مو طبيعي


الزبدة فترتها بجد تحسنت بشرتي بشهر ونص بس تخيلو * والنص الباقي ماخذة فيه راحة *

الزبدة أمي ككانت تجيب لي شي بل إسمه دلكة أظنكم تعرفونه , وحدة سودانية تسويه فكانت مرة رخيصة سويتها مرتين بس فصفت لي جسمي ولكن ريحتها تجيب المغثة ,

شعري كانت عنايتي فيه عادي مجرد إن كل يومين أتروش وأحط بديل الزيت او كريم سيلك ويطلع لي وش زينه الحمدلله , ويوم كنت ابي أسبح أقول لهم يوم يعبون لي المسبح لا يكثرون كلور وقبل أنزل للمسبح أحط بلسم بشعري وانزل , فهذي نقطة للبنات اللي يحبون السباحة بس خايفين على شعرهم

-

إلى هنا أكون أنهيت جزئي الثاني وبإذن الله كله شوي وقت وأنزل الجزء الثالث والأخير اللي بيتكلم عن اتكيت العروسة ومشاعر أي عروسة بيوم زواجها ونصايح من سؤراً


دعواتكم

للأسف الصور ما طلعت فسامحوني سوو سيرش عنها وبتشوفونها

معليش بنات بقناع بياض البيض أنا قلت حطي الصفار على وجهك ,
كنت فاصلة شوي فقصدي حطي البياض على وجهك الصفار لا تقربين منه ,
آسفة آسفة ,

أوكي أدري أبثرتكم بس خلاص وصلت للجزء الأخير ,
ويمكن هو أكثر جزء شوي أحس إنه يستحق أتكلم فيه ,
وهو يوم الزفاف ,

عيشو معاي هذاك اليوم ,
كان بجد شي مختلف عن أي شي ممكن يمر بحياتي ,
كان زواجي يوم إثنين * يمديكم عالتميز *

الأحد أتذكر كان عشاي توست ولبنة حطيتهم بالحماصة وشربت معهم كوكا كولا بارد ,
هذاك اليوم كانت مشاعري فيه متبلدة ابداً مافي تعابير بوجهي أبداً ,
يومها دخلت سريري على الساعة 9 بالليل وقعدت أفكر ساعة إلى إن وصلت للساعة 10 ,
وقتها قمت لا إرادياً ورحت غرفة أمي ونمت مكان ابوي وكنت وأنا نايمة أسمع ضحك أمي وكلامها , كانت تقول هبلة ذي البنت مدري كيف بتفتح بيت وبتربي عيال ,

نمت يومها نومة ملوك وقمت الساعة 5 , لأول مرة أقوم لحالي بدون منبه صليت الفجر ونمت بجلالي وعلى سجادتي , أتذكر يوم دخل اخوي وشافني بهالحالة قام يصارخ يحسبني مت * متأثر الأخ * بس يوم شافني اطالعله احترم نفسه وتحرك بهدوء بدون تعليقات هبلة كالعادة ,

لحالي كنت صاحية بالبيت غسلت وجهي بموية باااااااااااردة وبعدها جلست أدور ببيتنا كأن خلاص حياتي بتنتهي ولازم أشوف بيتنا للمرة الأخيرة , على الساعة 12 كنت مجهزة بجامتي كان لونها أسود وبنفسجي , دخلت تروشت بذمة وأخذت لي دش طويـــــــــــــل وبعدها لبست البيجاما وتجمعنا كلنا على سفرة الغدا وكنا نتكلم ونضحك زي أيام أول , وقت أنتهينا لبست ملابسي حقت الخروج ولبست عبايتي ولعت للصالون , سوت لي بادكير لأن كان لي 4 شهور ما سويت لأظافري بدكير , شعري ضبطته لي وقصته بطول واحد مستقيم كان واصل يومها لآخر ظهري , وبدا مكياجي من العصر وانتهيت الساعة 8 , رغم إن مكيلجي ما كان ثقيل أبداً بس على كلامهم عروسة , أبداً شعري ما حست فيه مجرد ويف على فير على هبالة لعت طلتي طلة عروسة ولكن عروسة مرتبة وبسيطة , وقتها اتجهت للاوتيل اللي صار فيه زواجي , كانت جلستي جداً عادية ولا كأني عروسة
فأنا فستاني لبسته بالاوتيل مو بالصالون فكانت امي تطلع وتدخل للغرفة وهي محتاسة واخواتي محتاسين وحالتنا صعبة
وقتها قعدت اضحك لين انفجرت , وبدت طلباتي الغريبة تتنفذ : أبي منجا , ابي عصير فرولة , أبي تصبيرة لوزين , أبغى ليز ملح وخل , الحمدلله وقتها ما كنت لابسة الفستان

بعد ما اكلت كل طلباتي حطيت لنفسي المناكير * لا تستهينون بقدراتي تراني عروسة قدعة * كان من شانيل درجة لونه بنفسجي غامقة بجلتر
صراحة فستاني كان أبيض بسكري هادي ومافيه شك كثير سعره ما يتعدى الـ 11 يعني كشكل مرة هادي ,


الزبدة إن المسكة كانت بيضا وبنفسجية تقريباً إندماج لون المناكير مع لون الورود أعطى اللون الأبيض والسكري إنكسار كويس ,

فالمغزى الثاني : حبيباتي يوم تبين تتهورين تهوري بزواجك عادي مو مشكلة بس لا تشطحي كثير إعرفي كيف تصطادي الألوان , فيعني دحين طايحين بموضة النيود عجبني إختيار العطوة كندا بأنها تبي تبعد عن المسكات الحمرا وتتجه للنيود مرة عجبني تفكيرها مرة , وحسيت بيطلع مرة حلو مع هاي هيلز نيود فبجد بتطلع بطلة عروسة ,


الزبدة يوم لبست فستاني وتصورت وانزفيت كانت مشاعر تخوف فيني الصيحة وماسكتها , أحسني مستأنسة إن هذا يومي بس حاسة بخوف قوي من بكرة

الزبدة إنه وقت انزف أنا هنا وقفت من الروعة صرت أطالع لأمي ودموعي تنزل على الصامت مدري وش اسوي
عاد هنا بيجي الشعور القوي بجد , يوم يوقف جنبك بتحسين بخوف بس صدقيني بتحسين كذا فجأة بامان
وكل وحدة تزوجت أكيد حست بزفتها هالإحساس وأي وحدة بتتزوج بتحس بهالإحساس وبتتذكرني

فالحمدلله مشت أيام زواجي على خير وأنا الأن متزوجة * احلفي *

عرفت إن العرايس أنواع :
* تحب الفشخرة والكشخة وهي ما عندها سالفة .
* تبي تصير بسيطة بشكل مو طبيعي لدرجة غنها تلبس فستان كانه قميص نوم من بساطته * مو كويس هالنوع *
* المساكين اللي عايشين يومهم بخوف وارتباك .
* اللي طالع من بالهم إن هاليوم يومهم ويفكرون باشياء شاطحة * نوعيتي *
* اللي متداركين الوضع وكاتمين بنفسهم عشان ما ينهارون . .


فيا حبيبتي , أن انسانة خالطت كثير من الناس فلا تصيري من ذوليك البنات اللي الزواج بالنسبة لهم تحرر من كل شي , حتى غنهم عادي يتحررون من الدين وكأن الله كان بس ببيت أهلها بحيث إن يوم تتزوج تخرب مرة وحدة وتخرب كل شي ,

ولا تصيري من البنات اللي همهم اللبس والفشخرة عشان يرضون أزواجهم , لدرجة إنهم أهملو كل شي بحياتهم ,


-

موضوعي كان مرة بسيط حبيت أوضح فيه مشاعري كعروسة لا أكثر , لأني طفشت من نصايح الغير وولا مرة قريت تجربة بالمشاعر وعشت أحاسيس فحبيت أوضح المشاعر اللي تحس فيها العرايس

اسال زوجي من شوي بالجوال : كيف كانت مشاعرك بيوم زواجنا ؟
قال كان ودي أهرب بس حسيت الوقت فات ’,

لو إنه قدامي كان هفيته بالترمس بس حسافة مسافر ,


إنتظروني بموضوعي عن ميك اب العرايس اللي مدري متى باسويه ودعواتكم لي بالتوفيق , وإن ربي يتمم ويرزقني بيبي جميل صغير إسمه عمر ,