Analysis Services
  • «
  • <
  • 1
  • 2
  • 3
  • 4
  • >
  • »
فيه يخاني كثيرة يا ريت تحددي مصري سوري لبناني....
04-10-1426 هـ, 12:36 صباحاً
 
الأخوات الكريمات
مطلوب يخني سوري أو لبناني
مع الشكر
04-10-1426 هـ, 01:21 مساءً
 
يخاني لبنانية
يخنة البامية و الرز
المقادير
كيلو بامية خضراء(راسها منظف بشكل هرم صغير)
ضمة كزبرة خضراء مغسولة و مفرومة
2 اوقية لحم مقطع راس عصفور
حامضة
6 فصوص ثوم
زيت نباتي
ملح
شراب البندورة حسب الرغبة(لان في ناس تحبه كتير و ناس قليل)
الطريقة
اسلقي اللحمة و شيلي الزفرة
اقلي الكزبرة مع الثوم بشوية زيت اضيفي البامية و بعدين عصير الحامضة(اللي ميزته انه يمنع البامية من انه يصير زومها يشلخ) و احركيهم شوي شوي حتى ما تتاثر البامية وخليهم يتقلو منيح بعدين اضيفي اللحم و اغمريهم بالماء و اضيفي الملح و غطيهم و اتركيهم يغلو حتى تصير البامية شبه ناضجة اخر شي اضيفي شراب البندورة و خليهم يغلو سوا حتى تستوي البامية لكن من دون ما تفتح حوالي الربع ساعة
و اليخنة جاهزة
اما الرز فهو الرز بالشعيرية العادي
و صحتين
04-10-1426 هـ, 10:52 مساءً
 
يخنة اللوبيا و الرز
كيلو لوبيا خضراء مغسول و منظف من الشلوخ اللي على الجابين و مقطع بحجم عقدتين اصبع
كزبرة خضراء حسب الرغبة و ممكن بدونها (انا اعملها بدون)
2 اوقية لحمة مقطعة راس عصفور و مسلوقة مثل اللي في البامية
3 فصوص ثوم مهروسين
شراب البندورة حسب الرغبة
زيت نباتي
ملح
رشة بهار حسب الرغبة( و لكل اليخاني)
الطريقة
اقلي الثوم و الكزبرة اذا حطيتيها و اضيفي اللوبيا و ثم اللحمةو اقليهم سوا منيح و بعدين حطي الملح و البهار و المي اللي سلقت اللحمة فيها(نسيت اقول لك هيك في البامية)
و غطيهم و اتركيهم يغلو حتى تقريبا تنضج اللوبيا و اخر شي اضيفي شراب البندورة و اتركيهم يغلو حتى تنضج اللوبيا على الاخر و ما لازم المي باليخاني تكون رخوة اذا كانت شوي شديدة بتكون اطيب
و اليخنة جاهزة
و الرز طبعا هو الرز بالشعيرية
04-10-1426 هـ, 11:10 مساءً
 
يخنة الفاصوليا(سواء صنوبرية او عادية او عريضة)
المقادير
نصف كيلو فاصوليا يابسة ضعيه بماء بارد في البراد 4 ساعات قبل الطبخ
ضمة كزبرة خضراء مغسولة و مفرومة
2 اوقية لحم راس عصفور مسلوقة مثل ما سبق
3 فصوص ثوم كبار مهروسين
ممكن كمان بصلة صغيرة مفرومة ناعمة و ممكن بدونها
شراب البندورة حسب الرغبة
ملح
رشة بهار
زيت نباتي
الطريقة
اسلقي الفاصوليا 10 دقائق في طنجرة الضغط و ارمي المي اللي سلقتيها فيها و حطيها فورابماء بارد حتى يوقف النضج
اقلي الثوم و الكزبرة والبصلة بشوية زيت و اضيفي اللحمة و قلبيهم سوا و بعدين اضيفي الملح و البهار والفاصوليا و ماء سلق اللحم و اغليهم حتى تصبح الفاصوليا شبه ناضجة و اضيفي شراب البندورة و اتركيهم يغلو ربع ساعة
و اليخنة جاهزة
و الرز طبعا صرنا عارفين انه بشعيرية
04-10-1426 هـ, 11:21 مساءً
 


الساعة الآن 04:00 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏