السلام عليكم
ادري كلامي ملخبط واعتبروا هالموضوع فضفضه
لي فترة ماكتبت في المنتدى .. وأنا سبق وتكلمت عن مشاكلي مع زوجي واهله واختصرها سريعا للي ماتعرف قصتي انا تطلقت في رمضان على مشكله تافهه ورجعت لزوجي في العيد وماكملنا يومين الا تهاوشنا ورجعني بيت اهلي والحين هو بيسلم البيت ويخليني عند اهلي عشان اتعدل على كلامه وماراح يستأجر بيت الان ..
طبعا هو كان ناوي يهجرني ومايكلمني تركته كم اسبوع ثم اتصلت عليه وكلمني عادي وصرنا نكلم بعض من فترة لفترة ,,
واثناء ما هو يشيل العفش جابني للبيت وخلاني اشيل اغراضي ومواعيني وجلس يساعدني ثم قام يتكلم ويفضفض لي ويقول انا مدري وش فيني عليك وانا احبك ومدري ايش ويبنا نروح نقرا عند شيخ وهو طبعا مخلي رجعتنا لبعض بالسر ماعلم اهله ..
رحنا مستشار اسري وجلسنا جلسه وحده والجلسه الثانيه غاليه ب600 ريال قال ما اقدر ادفع انا وراي تحميل عفش ونقل ومامعي فلوس , ورحنا عند شيخ وقرا علينا وفي الاخير عطانا مويه وقال رشو البيت فيها ( البيت خلاص بنطلع منه ) .
الحين زوجي علاقتي معه بااااااااااااارده تمر ايام ما اكلمه ولايكلمني وهو يعترف انه يدخل يراقبني ويشوف دخولي في الواتس بس ما يقدر يكلمني ؟! >>> مدري ليه مايقدر ؟؟!!
ماعاد صار يرسل رسايل ولاشي وانا اخذت على نفسي عهد ماعاد اشتكي له ولا اعاتبه ( لان الفتره الاخيره كل ماشفته صرت اعاتبه واشتكي منه في وجهه) صرت ابي احسسه اني مبسوطه وسعيده وانا والله ميييته قهرر منه ... قبل فترة سافر مع اهله للشرقيه وانا لي فتره اقول له نروح نعتمر لو يوم ويقول مامعي فلوس والعمل مايعطوني اجازة ؟؟!!
بس بلعتها وسكت واكلمه واسوي نفسي مبسوطه وماهمني ابيه يحس بالذنب ... وفعلا حس بالذنب واول مارجع من الشرقيه جاء واخذ عياله واخذني معهم وودانا مول قريب ولعبهم ودخلنا محل حلويات وخلانا نشتري كل شي نبيه ورجعنا البيت ..
الحين جت هالعطله قاعده اقوله ليه مانروح نعتمر يوم ومعيي :(
اللي قاهرني اني قبل كم يوم اسولف معه واقوله اذا ماحافظت علي كويس واهتميت فيني بتفقدني ؟؟
قال وين بتروحين مصيرك ترجعين لي :huh::huh:
كلمته ذي رفففففععععععععتتت ضغطي .. لهدرجه هو ضامن اني بارجع له ..؟ والا ماقدر استغني عنه ؟؟مدري شلون اتعامل معه ايام اسفهه واخليه وايام لاشعوريا ادق عليه وادري انه ماراح يهلي ويرحب فيني ويكلمني ببرود ويجرحني لكن ..:(
ليش تغير ماعاد صار يحبني ويعشقني زي اول ....؟؟ :(
حلم ,, @hlm_88
عضوة نشيطة
يلزم عليك تسجيل الدخول أولًا لكتابة تعليق.
...زين الخلايق...
•
ربي يعينك ويفرج همك
الصفحة الأخيرة