بسم الله الرحمن الرحيم

الله يبلغنا العيد واحنا بكامل صحتنا وعافيتنا ومن نحب ..❤

اتمنى مشرفاتنا العزيزات ماينقلون موضوعي محتاجه تفاعل في هذا الموضوع جداً ..

شوفوا حبايبي..
انا رحت مع زوجي ديرة اهله وهذا اول عيد اضحى وانا في بيتي عندهم
انا ساكنه لحالي وما ألتقي في أهل زوجي كثير لأن كل واحده من حمواتي في بيتها وعمي في بيته مع زوجته واطفاله لأن عمتي"ام زوجي" متوفيه الله يرحمها

امس وانا اسولف مع زوجي قلت له ليش مانجمع اهلك عندنا في العيد يعني نعزمهم رحب بالفكره وعجبته<<يعني جبتهاااا لنفسي خخخ😁

الحين انا جداً مرتبكه وخايفه وافكر بهااذي العزيمه من الحين تدرون ليش ؟😥

لأني هنا وحيييييده ماعندي احد اعرفه وامون عليه يساعدني لا أم ولا أخت بعيدين عني الله يجمعني فيهم😢

هم عددهم 7 من الحريم و7 من الرجال مع اطفالهم كثيرين ماشاء الله

الحين هل تتوقعون اقدر اطبخ العشاء لحالي
ووش تقترحون اقدم مع القهوه اي حلا والعشاء ايش يكون وايش الترتيبات اللي تقترحونها علي !!

يلا ابغى تفاعل والله محتاجه لكم لاتطنشوني

حبيبتي سهلة جيبي ثلاث صياني حلا كبار للحريم وصياني فطاير مشكلة وورق عنب وكبة مع الشاي
وثلاث صياني للرجال
مع التمر
وبعده العشا وشغل العشا سهل يااختي اهم شي تقديم حلويات القهوة والفطاير هي اللي جيبيها من برا اسهل وتوفر مجهود ووقت
بعد العشا قدمي كاسات حلا مشكلة وكريم كراميل
مثلا اختاري 4 انواع كاسات حلا
والاطفال قدمي لهم اكياس التوزيعات شكلي فيها حلويات والعاب صغيرة من محلات التخفيضات

بما إنه عيد أضحى لو تجيبين لهم ذبيحه مطبوخه من برى على صحنين
والسلطه تعملينها بالبيت مع صينية مكرونه وأكله شعبيه مثلا توزع على صحنين
وبعض المقبلات وإذا أنتي شاطره بالحلا كمان أعملي نوعين مع العشا
والقهوه قدمي معها تمر وشوكلاته والشاي مكسرات
الأفضل تطلبي عشا من برى لإنه ماشاء الله العدد كبير وبتتعبين والله يسهل عليك

انا مع الأخت ضحكه سرور قالت اللي كنت بقوله
لاتشيلي هم ابدد والعشاء أطبخيه برا عشان ماتتعبين اهم ششي التقديم والله يوفقك ويسهل امرك
اللهم اني استودعك نفسي واهلي فلا تاخذ ارواحنا من هذه الدنيا الا وانت راضي عنا غير غضبان ...
اللهم اني استودعك كلمه لا اله الا الله فلقنيها عند الممات(يامن لا تضيع عنده الودائع)
الحلى والفطائر جيبيها من برى تبع القهوه
العشاءاكيد بكونون ذابحين جنبيلك على جنب للعشاء
واطبخي اللحمه قبل مايجو مايبقالك الا الرز بعد ين
والسلطات والفواكه ومكرونه سويها من بدري نفس اليوم
بعد العشاء عند الحريم بس سوي حلى مع عشاء
الرجال شوي مهلبيه وعليكم بلعافيه
حسبي الله لا اله الا هو عليه توكلت
وهو رب العرش العظيم


الساعة الآن 10:41 .