اقترح عليك العشا جيبي ذبيحة من برا

وسوي معه سلطة عادية خضراء وسلطة حارة

والحلا سوي نوعين وكلهم سويهم من اليوم اللي قبل
وسوي حلا عشا بعد من اليوم اللي قبل
ومع الشاي ممكن مكسرات

واذا طولو وسمرو عندكم بعد الحلا العشا ممكن تقدمين قهوة تركية أو فرنسية أو نيسكافيه
05-12-1434 هـ, 12:17 صباحاً
 
ماشاء الله ربي يجعله في ميزان حسناتكم
والله والله انكم خففتوا عني هم العزيمه واعذروني مادخلت الاّ اليوم كنت متوقعه انه ماراح يكون في تفاعل
بس تفاجأت بهالردود الرااائعه يالله في هذا الأيام والليالي المباركه ان تسعد وتوفق وتعافي كل من ردت علي
من كلامكم انفتحت نفسي لهالعزيمه ويارب يسهل كل الأمور
افدتوني جزاكن الله كل خير حبيباتي ..❤

العشا مثل ماقلتوا راح يكون ذبيحه تنطبخ برا
والحلا والموالح انا بسويها وبحضر السلطات بعد

وكنت افكر اسوي جريش وقرصان جنب المندي لأنهم كثار ماشاء الله وش رايكم ؟

اما الاطفال راح اسوي لهم اكياس صغيره بحط فيها شيبس وعلك وبلونات واشياء ينبسطون فيها راح اوزعها عليهم

وهذااا كله بإذن الله ..❤
06-12-1434 هـ, 01:53 صباحاً
 
ماله داعي انواع اشكال

عبي صينية شوكلاته حلوه من محل شوكلاته تعرفينه حلو ويواجه

واحشي لك تمر سكري بالمكسرات او اشتريه جاهز او اشتري من تمريه صينيه


والعشا من برا

والجريش كبيه في البيت من العصر

وسوي البصل حقه قبل بيوم عادي وحطيه بالثلاجه

ولو تسوين مقلقل لحم معاه بيكون مره حلو مع خبز مفرود
مع نوع سلطه


وبعد العشاء شاي اخضر واحمر وبالعافيه
06-12-1434 هـ, 03:33 صباحاً
 
شوفي اذا فيه ذبيحه لاتتكلفين من بدري جهازي أمورك جيبي ورقه وقلم واكتبي وش بتصلحين واكتبي ورقة المقاضي الناقصة وروحي تقضي او زوجك ييروح يجيبها مثلا قبل العزيمه بيوم اذا قمتي طلعي كل مواعين التقديم وسوي حلا القهوه نوعين وحلاو ومعمول وتمر وخلاص مع الشاهي مكسرات بس للحريم وجهدي كل شي قبل بيوم وصلحي حلاك في الثلاجه مع كريمه للرجال في كاسات حلى وعندك في محلات ابو ريالين بلاستك بس شكلها حلو كنها قزاز والحريم نوع حلى وجهزي الحلاو والمعمول وخلي الأطفال في غرفه فيها تلفزيون وجهزيها وكنسي ونظفي وتربي ونومي من بكره اصحي بدري قطعي سلطه عاديه ونوع ثاني سلطه مثلا تبوله او فتوش ودخليها الثلاجه جهزي البخور وترامس والقهوة والشاهي والتمر وكل الي يخص القهوه والشاهي ورحي تروشي والبسي وارجعي حطي القهوه والشاهي في الترامس وشيكي ان كل شي تمام انتي الحين كل شي عندك جاهز بخري بيتك وحطي الفناجيل للحريم والرجال والترامس للرجاجيل والحريم في المجالس وأستعيدي لاستقبال ضيوفك بالابتسامة والوجه البشوش
07-12-1434 هـ, 12:52 صباحاً
 
ول مره يجونك ولالا! اذا مو اول مره سوي مثلا نوعين مكرونه والطبق الرئسي من برا شكلي سلطات لانها سهله وشكلها حلو اشتري كم نوع عصير..الحلا سوي اشياء سهله لو عنذك الكاسات البلاستك بصينيه وتتغطى حطي فيها كريم كراميل او مره قريت عن حلا الكيك الجاهز بعلب مخبوز يعني..قطعيه مستطيلات وحطيه داخل هذي مع خلطه قالكسي وحليب نستله اتوقع ومدري ايش..تصبين فوقها شوي ومع جوز هند رهيب.. صحنين كبار للحريم والرجال فواكهه منوعه
07-12-1434 هـ, 03:29 صباحاً
 


الساعة الآن 01:06 .