أنا عايزه أعرف طريقه لعمل المحار ياريت الي عنده أفكار يديني ممكن
08-11-1426 هـ, 11:16 مساءً
 
بالنسبه للمحار
لو تقصدى الجندوفلى
انا جربت معاه مليون طريقه وكل مرة ماتعجبش سى السيد الا مرة واحده هى اللى دخلت دماغه
تحبى تعرفيها؟
بصى يا ستى
انا بشوح بصل فى شوية زيت حلوين وبعدين احط فلفل اخضر حامى وبعدين احط طماطمايه صغننه او ممكن من غيرها وبعدها الجندوفلى وكل ده على نار عاليه واهم حاجه الملح والكمووون والششششششطه وشوية فلفل اسود
وبافضل سايباه على النار لغاية ما المايه اللى نزلها تقل خاااااااالص ماااااااالص
وبعدين احط شوية بقدونس وكرفس مفرومين واقلب على نار عاليه وبالهنا والشفا
عك.... مش كده
بس والله بيطلع تحفه
آه نسيت بعد ما بطفى عليه بحط كمان ليمون كتييير
09-11-1426 هـ, 03:12 صباحاً
 
مساء الفل يا ام زياد اية اخبارك؟؟؟؟؟ بصى يا سيتى بالنسبة لتنظيف الكرشة بالتفصيل حتلاقيها فى نفس الملف دة صفحة رقم 2 وبتول كاتبة برضه فى صفحة رقم 17 اقريهم ولو عوزتى حاجة اسئلينا
عموما الف هنا وشفا على البسكويت بالشيكولاتة وتسلم ايد اللى عملها يا سيتى مش اللى كتبها المهم التنفيذ..
09-11-1426 هـ, 03:33 صباحاً
 
ده الريجيم اللى كتبتهولى أخصائية التغذية من عيادةالتغذيه هنا فى عالم حوا\

نظام غذائي للمرضع:

الافطار :

2 بيضه مسلوقه أو 50 جم بطاطس مسلوقه+ ملعقة زبده
½ رغيف خبز أسمر أو4 شريحة توست أسمر
3 أنواع من الخضر الخضراء ومنها واحده ورقيه كالخس أو الجرجير أو الفجل
1 كوب زبادي أو منتج منتجات اللبن قليل الدسم.


الغذاء:

فنجان شوربه بدون دسم
طبق كبير سلاطه خضراء
½ دجاجه أو 2 شريحة لحم أو 400 جم سمك أو 100 جم كبده ( ويفضل المسلوق)
3 ملاعق أرز أو مكرونه أو ½ رغيف خبز أسمر
فاكهه من فواكه الموسم ( كل الفواكه ما عدا البلح والموز والعنب والتين تحدد بملعقه كبيره يوميا )

العشاء:

1 كوب لبن أو لبن رايب +
2 فاكهه من فواكه الموسم
أو طبق كبير فروت سلاد باللبن


ويسمح بشرب المشروبات المدره للبن مثل الحلبه والكراويه والبابونج والنعناع وغيرها بأي كميه وحسب الرغبه.

كما يسمح بتناول 1 كعك العيد أو 2 بيتي فور أو 1 غريبه أو 5 بسكويت في العشاء مع مشروب دافىء .ولا يتعدى ذلك



انا نزلت النهارده جبت حاجات عشان الريجيم وهابتدى من بكرة ان شاااء الله
ادعوووووووولى ربنا يثبتنى
على فكرة اهم حاجه عشان تقدرى تواظبى على الريجبم انك تكونى موفره اكل صحى او لايت فى التلاجه زى الزبادى اللايت والتونه والجبنه القريش والخضروات و جبت مربى لايت..... ازاى مش عارفه..انا بقول ممكن تكون معموله بسكر دايت!!
انا قصدى انك لما توفرى الحاجات دى فى تلاجتك هتقدرى تسدى بيها جوعك من غير ماتبوظى الدايت اللى انت ماشيه عليه
وربنا معانا جميعآ
سورى يا دندون قلبنالك الصفحه صفحة ريجيم
بس ده ما يمنعش ان كل اسبوع فى يوم مفتوح نجرب فيه اكله جديده من اكلاتك يا جمييل
09-11-1426 هـ, 03:36 صباحاً
 
جزاك الله خير يا دون لقيتها
وهاعمل ايه بأه
اهه مرة من نفسه
09-11-1426 هـ, 03:41 صباحاً
 


الساعة الآن 04:57 .