اللبفتيك البتلو بالكوسة (خفيييييف)
نص كيلو كوسة كبيرة
نص كيلو بفتيك بتلو
3 معالق كبيرة جبنة رومى مبشورة
ملح وفلفل
3 معالق كبيرة شوربة لحمة
الطريقة
نقشر الكوسة ونقطعها حلقات رفيعة ونرش
عليها ملح ونتركها ساعة كاملة وبعدين نشطفها وننشفها
نرصص حلقات الكوسة فى طبق فرن ونرصص فوقها
طبقة من البفتيك ثم نرصص طبقة من الكوسة
نرش على الوش ملح وفلفل وزرة جوزة الطيب و الجبنة
المبشورة والشوربة وبعدين ندخل الطبق الفرن لحد
ما البفتيك يستوى حوالى من نص ساعة لساعة الاربع
وبالهنا والشفا
والله خفيف وطعمه جميل من باب التغيير
09-10-1426 هـ, 02:04 صباحاً
 


اللحمة بالمستردة والزبادى
نص كيلو لحم
كوب زبادى
معلقة كبيرة مستردة
2 بصلة كبيرة مبشورين
كوب شوربة لحمة
معلقة صغيرة زبدة
مشروم
ملح وفلفل
الطريقة
نخلط الزبادى مع المستردة والملح والفلفل ونركنهم
نقطع اللحمة شرائح رفيعة زى الشاورما
نضع الزبدة فى حلة ونشوح فيها البصلة ونضع
علية شوربة اللحمة ونسيبهم حوالى عشر دقايق على نار
هادية ثم يضاف المشروم وشرائح اللحمة ونتركهم لحد
ما اللحمة تستوى
لما نيجى نغرفة نضيف له صلصة الزبادى (اللى كنا راكننها فى الاول)
وبالهنا والشفا
09-10-1426 هـ, 02:40 صباحاً
 
الكمثرى فى الفرن
4 كمثرات
2 كوب عصير برتقال
معلقة صغيرة قرفة
الطريقة
نقشر الكمثرى ونشيل القلب ونقطعها ارباع
نرصص الكمثرى فى طبق فرن ونصب فوقها عصير البرتقال
ونرش عليها القرفة
نسخن الفرن ونضع فية الطبق حوالى نص ساعة لحد ما تستوى
وبالهنا والشفا
09-10-1426 هـ, 02:56 صباحاً
 
ما شاء الله عليكي يا دون
ربنا يجازيكي كل خير علي تعبك ومجهودك وكل سنة وانتي طيبة

بقولك صحيح الكوسة بالفتيك دي مش بنتبل البفتيك ولا حاجة طيب وهيستوي من غير ما نضيف شوية ماية ولا شوربة
09-10-1426 هـ, 09:18 صباحاً
 
يا اهلا بيكى يا ام احمد على فكرة الصينية دى جميلة وخفيفة جدا
بالنسبة للتبيل ماانا كاتبة انتى بتحطى ملح وفلفل وزرة جوزة الطيب والجبنة المبشورة على الوش زى ما انا كاتبة وخلى بالك ان الجبنة بتدى شوية حدق وبنحط شوربة لحمة زى ما انا كاتبة وطبعا البفتيك دة بتلو بيستوى على طول وخلى بالك اى شىء وهو بيستوى يا ام احمد بيحتاج تزويد شوية ماء او شورية لحد ما يستوى وعلشان برضة مانحتاجش لتزويد ماء على اى اكله بنغطيها علشان تستوى اسرع والماء اللى فى الحلة او الصينية ماينشفش بسرعة كدة تمام ؟؟؟؟

وملحوظة احنا بنكتفى بتتبيل الصينية ككل علشان دة اكل خفيف بنراعى فية تقليل الملح وتخفيف او حزف الدهون ونورتينا والله
09-10-1426 هـ, 01:44 مساءً
 


الساعة الآن 10:25 .