حكتبهلكم حالا بالتفصيل يا رانيا انا كدة خلاص نزلت الصور كلها ثوانى حكتب





الحواوشى
نص كيلو لحمة مفرومة
قطعة صغيرة ( لية ) من الخروف
ملح وفلفل وبهارات
فلفلة حامية او شطة
2 بصلة متوسطة
ارغفة خبز بلدى او شامى حسب العدد
ورق فويل
الطريقة
نخرط البصل بالسكينة خشن مش ناعم
ونبشر قطعة اللية بالمبشرة
نضع كله على اللحمة مع الملح والفلفل والشطة
ونخلطهم كويس
نجيب الرغيف البلدى او الشامى واما نعمله بالكامل
او ممكن نقسمة انصاص وممكن نقسمه ارباع
نضع قطعة من الخلطة فى الرغيف ونساوية كويس
من الداخل وبعدين نقفل الرغيف ونضغط علية بأيدنا
نبططه
نفرش ورقة فويل ونضع فيها الرغيف ونقفلة كويس
ونضعة فى الفرن لحد مايستوى بيبقى حوالى نص ساعة
واكتر حوالى 10 دقايق اذا كنتى عيزاه مقرمش
وبالهنا والشفا


ملحوظة
ممكن الاستغناء عن اللية بس ماتكنش اللحمة المفرومة حمراء قوى
يعنى يكون فيها نسبة دهن
ممكن الاستغناء عن الشطة





ربنا يخليكي يا جميل
طيب اخر حاجه
الفرن علي كام؟
انا هاعمله ان شاء الله بس انا حاطه العيش يخمر شويه و هاعمل العيش الاول و بعدين اعمله حوواشي
اللهم اجعل القراءن ربيع صدورنا و يسر لي حفظه
اللهم ارزقني الاخلاص في القول و العمل
اى سؤال يا رانيا ؟؟؟؟
على فكرة يا بنات استغلى فى العيد فرصة الدبح وتوفر اللية وشيلى قطعة حلوة فى كيس فى الفريزر لحين الاستخدام بنستخدمها فى الحواوشى وفى الكباب والكفته والمحشى بناخد منها مثلا قطعة قد البيضة البلدى ونترك الباقى فى الفريزر





ربنا يخليكي يا جميل
طيب اخر حاجه
الفرن علي كام؟
اللهم اجعل القراءن ربيع صدورنا و يسر لي حفظه
اللهم ارزقني الاخلاص في القول و العمل


الساعة الآن 03:17 .