Analysis Services
عملت الصوص اللي بالمشروم يا دينا و عملت بيه احلى استيك بانيه بالصوص
09-10-1426 هـ, 02:31 مساءً
 
ياعم ياعم تسلم ايديكى يارواء طب ما تكتبيلنا الطريقة بقى وخليكى جدعة ......
09-10-1426 هـ, 02:34 مساءً
 
تسلم ايدك يا دون ان شاء الله هاجربها واقولك زي ما تكوني حاسة بينا عاوزين نخفف الاكل شوية عشان الوزن الجميل ده ينزل
09-10-1426 هـ, 02:59 مساءً
 
بس كدة انت تؤمري يا دينا

استيك بانيه بصوص المشروم
المقادير
نصف كيلو لحمة استيك ــ مشروم حوالي اربع حبات كبار ــ بصلة صغيرة ــ 2 كوب كريمة لباني ــ معلقة دقيق
خلطة الاستيك عبارة عن
كوب و نصف لبن ـ معلقتين زيت زيتون ـ بيضتين ـ عصير ليمونة ــ ملح و فلفل و بهار زي ما تحبي ــ معلقتين خل ابيض ــ 2 ثوم مبشور او مقطع صغير

احط الاستيك في الخلطة اللي فاتت لمدة ساعتين و بعدين احطه على طول في خليط من الدقيق و البقشماط الناعم عليهم البهارات بتاعتهم
احمر الاستيك و احطه على جنب

لعمل الصوص
اجيب معلقة سمنة او زبدة واسيحها و اجيب البصلة اقطعها حتت كبيرة نسبيا و اقطع المشروم معاها و اشوحهم شوية في السمن
بعدين اجيب معلقة الدقيق احطها عليهم و اقلب شوية و بعدين احط الكريمة و الملح و الفلفل و ممكن شوية قرفة
اسيبها تغلي شوية و اعمل السمك اللي احبه يعني لو عايزاها سميكة ازود دقيق و لو عايزاها خفيفة ازود ماء او لبن

بعد كدة احط الاستيك البانيه في الطبق و اصب عليه من الصوص
يتقدم معاه بطاطس او مكرونة بصوص المشروم مع سلطة خضراء
( انا عملت معاه رز بالخضار كان حلو اوي)
و بالهنا و الشفا
09-10-1426 هـ, 03:19 مساءً
 
يا دون يا حبيبتي أنا تقريبا عارفاكم كلكم وبحبكم جدا جدا وباحس اني منكم .
يس انا كنت باكتفي بالتعليم وبصراحة مش لاقية وصفة ناقصة أقدر أفتي فيها فقلت أدخل أسلم وأتعرف لغاية ما تفرج

09-10-1426 هـ, 04:40 مساءً
 


الساعة الآن 02:32 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏