وحشتنى اكلاتك الجميلة جداااا
ازيكم جميعا
ازيك يادون عاملة ايه ان شاءالله تكوني بخير بصي ياستي بالنسبة للعزومة انا عندي اثنين
واحددة يوم 25 في الكريسماس ودي هتبقي لاجانب ومش عارفة اعمل فيها ايه
والثانية هتبقي في عيد الميلاد المجيد يعني ف 7 يناير وبرضة مش عارفة اعمل فيها ايه ودي هتبقي مصريين علي اجانب ارجوكي دليني بسرعة اعمل ايه بصراحة عايزة اعمل بوفيه يشرف همتك معايا عايزة كل حاجة بءا من السلطة الي الحلويات

معلهش هتعبك معايا ربنا يخليكي لينا مش انتي الاستاذة بتاعتنا
سلام مؤقت


ازيك يا نتالي
انا هاساعدك على قدي لحد مادون تيجي
انت ممكن تعملي اكلات كتير اوي
مثلا
ديك رومي محشي في الفرن
لحمة باردة
محشي ورق عنب
كبة
طاجن خضار في الفرن
ممكن تعملي في العزومة المختلطة فخدة ضاني في الفرن مع رز لاخلطة بتكون شيك جدا في العزايم
كفتة داوود باشا
اسكالوب بانيه
صينية بطاطس في الفرن بس تكون متسبكة حلو
و على فكرة الاجانب مش بيحبوا الخضار العايم يعني بيحبوا الحاجات الناشفة اللي ممكن تتاكل بالشوكة
الشوربة ممكن تعملي شوربة الطماطم او شوربة الفراخ بالبروكلي و الكريمة الاتنين شيك اوي في العزومات
السلطات باه
سلطة خضراء و سلطة زبادي و ممكن تعملي سلطة بابا غنوج
الحلويات باه نستنى دندون لان ماليش خبرة فيها
صباح الفل عليكي ياموتي

ازيك عاملة ايه وانتي كمان وحشتينا مووووووووووووووووت
معهلش النت اليومين دول فظيع وتقيل جدا
علي فكرة يادون عايزة اسالك ممكن اعمل كفتة السمك او الجمبري من غير بيض
وياريت لو تديني كام فكرة عن الاكل الصيامي ( يعني بزيت )

ربنا مايحرمنا منك ابدا


الف شكر يامدام وائل متشكرة جدا علي فكرة انا عندي ديك رومي بس خايفة اعمله افشل فيه
فكرت اعمل شيش طاووق ولحمة بفتيك وارز ابيض وشوية سلطات وده بجانب الاكل الصيامي زي السمك والجمبري وكفتة سمك ايه رايكم عايزاكم تشاركوني بارائكم




الساعة الآن 08:46 .