الف الف الف شكر يارواء الاسلام تعبتك معايا
حقك علي يااختي رواء الاسلام
اختلط علي الامر اصل انا لسة باعثة لمدام وائل علي اكلات السمك ومتشكرة جدا حقك علي اوعي تزعلي مني


ام زياد معلش يا حبيبتي اتاخرت عليكي في طريقة الشوربة

شوربة الفراخ بالبروكلي و الكريمة

المقادير
كمية من الفطر الطازج مقطع شرائح
بصلة مقطعة جوانج
معلقة سمنة كبيرة
واحدة بروكلي
2 كوب كريمة لباني و 2 كوب شوربة
ملعقة دقيق كبيرة
ربع كيلو صدور فراخ مسلوقة و مقطة مكعبات
ملح و فلفل و اكليل الجبل و زعتر بري

الطريقة
تسلقي البروكلي و تهرسيه كويس و نركنيه على جنب
تجيبي السمنة و تحطيها على النار و بعدين تحطي عليها البصل و الفطر و تسيبيهم لحد ما يدبلوا مع التقليب
بعد كدة تحطي معلقة الدقيق و تقلبي دقيقة بعد كدة تضيفي الكريمة الباني و الشوربة و تسيبيهم لحد ما تبدا تطلع فقاقيع و تلاقيها مسكت شوية تقومي ضايفة الفراخ و البروكلي المهروس و البهارات و تخليها تغلي دقيقة و بعد كدة تصب في الاطباق
و بالهنا و الشفا
و لا يهمك يا نتالي محصلش حاجة انا و مدام وائل واحد مش كدة برده يا ايمان
طب انا عندي فكرة ما تعملي العزومة كلها بحري
يعني سمك مقلي و مشوي
جمبري
كفتة سمك
صينية سمك
رز بالجمبري
كابوريا
و الشوربة شوربة سمك
و السلطات طبعا الطحينة و سلطة طماطم بالبصل
عموما حاضر يا ايرا اكمل الردود وارجعلك





اهلا يا ايمان حمد الله على السلامة والله كلنا قلقنا عليكى لانك اختفيتى فجأة المهم انك بخير الحمدلله

اولا تسلم ايديكى يا رواء وبالنسبة للاكل اللى وصفتهولك رواء يا نتالى ممتاز والله عندى ملحوظة بس على كلامك انتى حتعزمى اجانب ومصريين وعايزة العزومة تشرف فمش عايزينها عزومة اكل تقليدى من اللى بناكله كل يوم يعنى مش ارز ابيض ولا بفتيك الا ان كان البفتيك بجانب الفخدة او الديك
لان البفتيك والشيش طاووق مينفعوش يبقوا راس المائدة فى العزومة .....معايا ؟؟؟؟
وبعدين حتلحقى على العدد دة ازاى شيش طاووق وهو اساسا لما بيتشوى بيكش وكميته ما بتبنش فيها البركة ؟؟؟؟ صح ؟؟
ومتخافيش الديك حيطلع معاكى رائع لية خايفة ؟؟؟؟
فكل الاصناف اللى كتبتها رواء ممتازة او تعملى فعلا سفرة بحريات قائمة بزاتها

بالنسبة بقى للحلويات انا عادة بحب فى العزايم اعمل ام على وبروفيترول
وبالنسبة للاكل الصيامى حاضر حكتبلك







الساعة الآن 02:51 .