الخبيزة بالحمص

كيلو خبيزة
ربع كيلو لحمة مفرومة
2 معلقة سمنة
2 معلقة كبيرة حمص
ملح وفلفل
بصلة مبشورة
ربع راس ثوم مهروس
ملعقة كزبرة ناشفة
كوب شوربة او ماء
الطريقة
ينقع الحمص فى الماء من بليل او قبل
الطبيخ ب 3 ساعات
بعد تنضيف الخبيزة تغسل كويس ونسلقها
بعد ماتسلقيها صفيها بالمصفاة بتاعة الخضار
او ممكن تضربيها فى الخلاط بتاع العصير
مع نص كوب شوربة
نضع السمنة فى مقلاية ونشوح فيها البصلة
وبعدين نضع اللحمة المفرومة ونضع كوب
شوربة ونسيبها لحد ماتغلى ثم نضع الحمص
عليهم ونخليهم على النار لحد ما الحمص يستوى
ثم نضع عليهم الخبيزة ونخليهم على النار لمدة
5 دقائق ثم اوطى النارخالص
نعمل التقلية بان نضع السمنة والثوم على النار
لحد مايصفر وبعدين نضع الكزبرة ثم نضعهم
على الخبيزة ونخليهم يغلوا دقيقة واحدة ونتبلها
بالملح والفلفل ونغرفها وبالهنا والشفا





تسلم ايديكى يا دون
صباح الخير يا جماعه الخير
دون: انا نفسي اسالك سؤال سعات يادون اكل تورته هنا هشه وخفيفه وتبقه مليانه شكولاته ومسقيه بحاجه مش عارفه بس بتبقى رائعه هي شبه التراميسو بس اخف كمان ممكن تقولينا بخبرتك الحل ايه؟

وحاجه تانيه دلوقتي العيد جي كل سنه وكلنا طيبين امين
عندي مشكله مع الرقاق يا دون
اولا هنا طبعا الرقاق الله يجرنا صعب اوي الاطراف تخينه والنصف خفيفه مش عارفه اي مستوى بلل الرقاق بالظبط عشان يكون طري وفي نفس الوقت مش غرقان ميه فهماني يا دودو

ميرسي والي عارف يقولي
ENNACATحسبي الله ونعم الوكيل

مصر وبس
السلااااام عليكم و رحمه الله و بركاته
ما شاء الله كل البنات موجودين و دون كمان عملتلنا كيكه جوز الهند أروح آكل بليله الأول و بعدين آكل الكيكه

أيوة يا دون انا عايزة الأبل باى الله يكرمك


ازيك يادون وازيكم كلكم ان شاء الله تكونوا باحسن حال فكرتك حلوة وبرضة مستنية منك الاكلات الصيامي والحلويات اللي طلبتها قبل كدة والف شكر ليكي ياغالية

تعرفي ياختي رواء الاسلام انها فكرة حلوة اني اعمل العزومةى كلها اسماك وجمبري
لاني حاسة انه هيبقي مجهود جبار اني اعمل كذا صنف مختلفين يعني ( صيامي للناس اللي صايمة وفطاري للناس اللي مش صايمة ) وعموما كتر خيرك علي الفكرة

ازيك ياموتي وياهبة وايجبت جيسكا والاخت مسلمة والاخت مدام وائل ان شاء الله تكونوا بخير جميعا




الساعة الآن 04:15 .