تسلمى يا ام احمد ......بس تفتكرى فية أمل ؟؟؟؟؟ المهم ان كلنا ظالمين رمضان معانا ..
تسلم ايديكى يا رواء .... جميلة والله وان كان على الدسامه فمفيش اى مشاكل ناكلها وبعدين نخفف بعدها ربنا يخليلنا الخضار المسلوق اللى بيئدبنا

zooza حتفرج ان شاءالله بس ابقى ادخلى دردشى معانا برضه او عايزين اكله تعارف منك ...ماشى ؟؟؟ وبرضه مقلتلناش بعض المعلومات من البطاقة الشخصية






القرنبيط بالدجاج
4 صدور دجاج مسلوقة
قرنبيطة صغيرة
بشاميل: ( نص معلقة كبيرة زبدة – 4 فصوص ثوم صحيحة– معلقة
كبيرة دقيق – كوب ونص حليب – نص كوب شوربة - معلقة كبيرة
جبنة مبشورة - ملح)
الطريقة
نسلق الصدور او نشويها ونقطعها قطع كبيرة
نسلق القرنبيط فى الماء والملح ثم نقطعه الى وردات
نحضر طبق الفرن ونرصص فية القرنبيط
ثم نرصص الدجاج فوق القرنبيط
ثم نصب الصلصة على صدور الدجاج
ونرش الجبنة المبشورة على الوش ونضعها فى الفرن
لحد ما الوش يحمر
وبالهنا والشفا
طريقة عمل الصلصة
نسيح الزبدة ونشوح فيها فصوص الثوم لمدة ثوانى
ثم نضع الدقيق ونقلبه وبعدين نشيل فصوص الثوم
ثم نضع الحليب والشوربه ونقلب كويس لحد ما
الصلصة تتخن وتستخدم .






سمك مشوى فى الاسياخ(خفييييف)
نص كيلو سمك ابيض (وقار مثلا)
4 طماطم مقطعة اربع
كوب مشروم
فلفلة رومى مقطعة قطع تخينة
ورق لورو
عصير ليمون
ملح وفلفل
الطريقة
نقطع السمك الى قطع مكعبات كبيرة
نجيب الاسياخ ونرصص فيها بالدور
مكعب سمك ثم قطعة طماطم ثم مشروم
ثم فلفل ثم ورقة لورو ونرش السيخ بعصير الليمون
نشويها على الشواية مع التقليب باستمرار مع رش
عصير ليمون لحد ما يستوى
وبالهنا والشفا






بيض محشى بالسردين
4 بيضات مسلوقة جامد
علبة سردين صغيرة
معلقة كبيرة مايونيز
ملح وفلفل
الطريقة
نقطع كل بيضة نصفين
ونطلع الصفار ونهرسه مع المايونيز والسردين
والملح والفلفل كويس
بالمعلقة الصغيرة ناخد من الخلطة ونحشى بيها البيض
وبالهنا والشفا






لحمة بالصلصة و الزبادى
نص كيلو لحمة بتلو مكعبات - معلقة زبدة كبيرة - بصلة كبيرة شرائح
فلفلة رومى شرائح رفيعة – مشروم - كوب ونص عصير طماطم
نص كوب شوربة - زرة جوزة الطيب - ملح وفلفل
- 4 معالق كبيرة زبادى
بقدونس مفروم
الطريقة
نسيح الزبدة فى مقلاية ونشوح فيها اللحمة 5 دقايق تقريبا
ثم نضع البصل ونقلبة مع اللحمة دقيقتين تقريبا
نضع المشروم والفلفل الرومى و عصير الطماطم و الشوربة
والملح والفلفل وجوزة الطيب وورقة اللورا ونتركهم لحد
ما يغلوا على النار ونقلبهم ثم نضعهم فى طبق فرن
فى فرن متوسط الحرارة لمدة ساعة ونص تقريبا
نضع عليها الزبادى قبل الاكل مباشرة
ونرش البقدونس المفروم على الوش
وبالهنا والشفا







الساعة الآن 08:55 .